Lun Bawang for Malaysia; 1982 MAS - Non-Drama (NT)

Lun Bawang for Malaysia; 1982 MAS - Drama (NT)

<div class="version vid3072 iso6393lnd" data-vid="3072" data-iso6393="lnd">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Y&#233;sus Maru' Kukud Anak-Anak Sekola'Neh</div><div class="p"> 1Bang aco luk atun ratnan Irau Paska ineh, idi Y&#233;sus nekali' ratnan karebNeh pangeh nacing luk inanNeh necan tana' ini am&#233;' inan Taman. Ieh pangeh mawa inan uang tana' ini, idi Ieh mawa nedeh macing kekipedneh.</div><div class="p"> 2Y&#233;sus idi anak-anak sekola'Neh kuman malem. Iblis paneh nemili' Yudas Iskariot, anak Simun ineh, pad ieh masui Y&#233;sus. 3Y&#233;sus kali' idi TamanNeh pangeh nemar&#233; luk amung-amung bang paladNeh, idi teh Ieh kali' Ieh nacing ratnan Allah idi muli' am&#233;' inan Allah. 4Y&#233;sus neburo ratnan m&#233;ja idi nengelengu kuyu'Neh, idi nengalap aceh aduk, idi nengabet awa'Neh. 5Ieh nengutang abpa' bang aceh bigan luk rayeh, idi nengimun maru' kukud anak-anak sekola'Neh, idi nemiid ku aduk luk inabet i awa'Neh ineh. 6Kareb Y&#233;sus nacing ni Simun P&#233;trus, idi keburi' P&#233;trus Neneh, &#8220;O Tuhan, piank&#233; Iko maru' kukudku?&#8221;</div><div class="p"> 7Kebala Y&#233;sus, &#8220;Anun-anun luk ruenKu, iko na kali' nekini, iamo' muci iko miak kali'.&#8221;</div><div class="p"> 8Idi kebala P&#233;trus Neneh, &#8220;Aleg tu-tu Iko maru' kukudku.&#8221;</div><div class="p">Iamo' kebala Y&#233;sus neneh, &#8220;Kudeng Ui na maru' kukudmu iko na miak ngalap babpat denganKu.&#8221;</div><div class="p"> 9Idi keburi' Simun P&#233;trus Neneh, &#8220;O Tuhan, kudeng pieh kudeng ineh, aleg maru' kukudku sebuleng mo', iamo' do' maru' ticu' idi uluhku teh.&#8221;</div><div class="p"> 10Kebala Y&#233;sus neneh, &#8220;Id&#233;-id&#233; luk pangeh nediu', amung bururneh pana' mal&#233;t; lemulun ineh maru' kukudneh mo'. Amung muyuh pana' mal&#233;t, iamo' sebuleng mo' luk na.&#8221; (11Ngaceku Y&#233;sus panegh nekali' id&#233; luk sikal masui Neneh; ineh punneh Ieh nepebala, &#8220;Amung muyuh pana' mal&#233;t, iamo' sebuleng mo' luk na.&#8221;)</div><div class="p"> 12Pangeh Y&#233;sus nemaru' kukud amung-amung anak sekola'Neh idi nenuet kuyu'Neh, idi Ieh netudo iring m&#233;ja idi nepebala nedeh, &#8220;Muyuh kali' luk inau'Ku kuan muyuhk&#233;? 13Muyuh ini nawar Negku Guru idi Tuhan, idi matu bala muyuh ineh, ngaceku Ui ini Ieh. 14Kudeng Ui, Tuhan idi Guru, pangeh nemaru' kukud muyuh, do' muyuh maru' kukud muyuh seburur dengan seburur teh. 15Ui pangeh nemar&#233; luk pinginud kuan muyuh, pad muyuh pana' nganau' mepad kudeng Ui nganau' kuan muyuh. #Luk 22.27 16#Mat 10.24; Luk 6.40; Yah 15.20 Matu, Ui pebala nemuyuh, seburur demulun na meluun rayeh ratnan tuanneh, idi seburur lun duken pana' na meluun rayeh ratnan luk nengecuk neneh. 17Kudeng muyuh kali' amung-amung ini, samal kuan muyuh kudeng muyuh nganau' ineh.</div><div class="p"> 18 # 
 Nani 41.9
 &#8220;Ui pebala baken ratnan amung-amung muyuh; ngaceku Ui kali' id&#233; lemulun luk pinili'Ku; iamo' bala bang Surat Allah ineh na miak na uen ngacing, ieh ineh, &#8216;Lemulun luk kuman pad-pad denganKu ineh sikal metueh rat Negku.&#8217; 19Nekini Ui mala amung ini kuan muyuh, pad muyuh manu idi Ui ini Ieh, kareb ieh mangun. 20#Mat 10.40; Mrk 9.37; Luk 9.48; 10.16 Matu, Ui pebala nemuyuh luk ngalap lemulun luk icukKu, ieh ngalap Negku; iamo' lemulun luk ngalap Negku, ieh ngalap Allah luk nengecuk Negku.&#8221;</div><div class="s">Y&#233;sus Ngegala' Lemulun Luk Masui Neneh</div><div class="r">(Mat 26.20&#8211;25; Mrk 14.17&#8211;21; Luk 22.21&#8211;23)</div><div class="p"> 21Pangeh Y&#233;sus nepebala kudeng ini, idi Ieh mesusa' niat idi nemar&#233; kali', kebalaNeh, &#8220;Matu, Ui pebala nemuyuh, idi seburur rat arang muyuh sikal masui Negku.&#8221;</div><div class="p"> 22Anak-anak sekola' ineh melingo idi nenier seburur dengan seburur luk baken, ngaceku na ideh kali' id&#233; luk bilaNeh ineh. 23Seburur rat arang anak-anak sekola' Y&#233;sus, ieh ineh luk inanNeh mawa, netudo iring Y&#233;sus. 24Simun P&#233;trus nenawar neneh, kebalaneh neneh, &#8220;Ngitun id&#233; luk bilaNeh ineh.&#8221;</div><div class="p"> 25Idi anak sekola' ineh in&#233;' muneng nan Y&#233;sus idi nengitun Neneh, &#8220;O Tuhan, id&#233;k&#233; ieh?&#8221; 26Idi kebala Y&#233;sus, &#8220;Ui miak ngerereb aceh picut ruti idi mar&#233; kuanneh. Ini ieh.&#8221; Idi Ieh nengalap ruti ineh, idi nengerereb neneh, idi nemar&#233; kuan Yudas anak Simun Iskariot ineh. 27Pangeh Yudas nengalap ruti ineh, idi S&#233;tan nesemuet bang niatneh. Idi keburi' Y&#233;sus neneh, &#8220;Do' iko nganau' dengan mesaget anun luk ruenmu!&#8221; 28Iamo' na luk idi seburur pana' rat arang amungdeh luk pad-pad kuman ineh kali' anun punneh Ieh nepebala kudeng ineh kuanneh. 29Ngaceku Yudas ineh ngimet usin, inan luk ngeraw&#233; Y&#233;sus nepebala neneh, &#8220;Do' tau melih anun-anun luk pian tau kuan irau,&#8221; kian, pad ieh mar&#233; kuan lun masi' lek.</div><div class="p"> 30Yudas nengalap ruti ineh, idi ieh neremuat dengan mesaget. Idi aco pana' malem.</div><div class="s">Aceh Ukum Luk Mebaruh</div><div class="p"> 31Kareb Yudas pangeh neremuat, idi Y&#233;sus nepebala, &#8220;Nekini rayeh Anak-Lemulun ginala', idi rayeh Allah pana' ginala' bang Neneh. 32Kudeng rayeh Allah ginala' bang Neneh, idi Allah teh sikal ngegala' rayehNeh bang bururNeh sebuleng, idi Allah miak nganau' ineh dengan mesaget. 33#Yah 7.34 O anak-anakKu, segageh mo' kinioneh Ui tudo dengan muyuh. Muyuh sikal nakap Negku. Iamo' mepad kudeng Ui pangeh nepebala kuan lun Yahudi, Ui pebala kuan muyuh, &#8216;Su luk inanKu am&#233;', muyuh na miak macing.&#8217; 34#Yah 15.12; 17; 1 Yah 3.23; 2 Yah 5 Aceh ukum luk mebaruh Ui mar&#233; kuan muyuh, ieh ineh, do' muyuh mawa seburur inan seburur mepad kudeng Ui pangeh mawa nemuyuh, pad muyuh pana' mawa seburur inan seburur. 35Kudeng muyuh mawa seburur inan seburur, idi amung-amung lemulun miak kali' muyuh ineh anak-anak sekola'Ku.&#8221;</div><div class="s">Y&#233;sus Mada' Atun Ratnan P&#233;trus Ngalum Neneh</div><div class="r">(Mat 26.31&#8211;35; Mrk 14.27&#8211;31; Luk 22.31&#8211;34)</div><div class="p"> 36Idi kebala Simun P&#233;trus Neneh, &#8220;O Tuhan, iapehk&#233; luk inanMu am&#233;'?&#8221;</div><div class="p">Idi kebala Y&#233;sus neneh, &#8220;Iko na miak maya' Negku am&#233;' su luk inanKu am&#233;' nekini. Iamo' muci iko miak maya' Negku.&#8221;</div><div class="p"> 37Idi kebala P&#233;trus, &#8220;O Tuhan, ngudehk&#233; ui na miak maya' Namu nekini? Ui temina' mat&#233; ngaceku Iko.&#8221;</div><div class="p"> 38Idi kebala Y&#233;sus, &#8220;Matuk&#233; Iko temina mat&#233; ngaceku Ui? Matu, Ui pebala namu, kareb nateh lal ngekook, iko miak ngalum Negku teluh kua'.&#8221;</div>
 </div>
 </div>
</div>

BALA LUK DO' Lun Bawang Bible © The Bible Society of Malaysia 1982, Second Edition 1998.

Bang aco luk atun ratnan Irau Paska ineh, idi Yésus nekali' ratnan karebNeh pangeh nacing luk inanNeh necan tana' ini amé' inan Taman. Ieh pangeh mawa inan uang tana' ini, idi Ieh mawa nedeh macing kekipedneh.
Yésus idi anak-anak sekola'Neh kuman malem. Iblis paneh nemili' Yudas Iskariot, anak Simun ineh, pad ieh masui Yésus. Yésus kali' idi TamanNeh pangeh nemaré luk amung-amung bang paladNeh, idi teh Ieh kali' Ieh nacing ratnan Allah idi muli' amé' inan Allah. Yésus neburo ratnan méja idi nengelengu kuyu'Neh, idi nengalap aceh aduk, idi nengabet awa'Neh. Ieh nengutang abpa' bang aceh bigan luk rayeh, idi nengimun maru' kukud anak-anak sekola'Neh, idi nemiid ku aduk luk inabet i awa'Neh ineh. Kareb Yésus nacing ni Simun Pétrus, idi keburi' Pétrus Neneh, “O Tuhan, pianké Iko maru' kukudku?”
Kebala Yésus, “Anun-anun luk ruenKu, iko na kali' nekini, iamo' muci iko miak kali'.”
Idi kebala Pétrus Neneh, “Aleg tu-tu Iko maru' kukudku.”
Iamo' kebala Yésus neneh, “Kudeng Ui na maru' kukudmu iko na miak ngalap babpat denganKu.”
Idi keburi' Simun Pétrus Neneh, “O Tuhan, kudeng pieh kudeng ineh, aleg maru' kukudku sebuleng mo', iamo' do' maru' ticu' idi uluhku teh.”
Kebala Yésus neneh, “Idé-idé luk pangeh nediu', amung bururneh pana' malét; lemulun ineh maru' kukudneh mo'. Amung muyuh pana' malét, iamo' sebuleng mo' luk na.” (Ngaceku Yésus panegh nekali' idé luk sikal masui Neneh; ineh punneh Ieh nepebala, “Amung muyuh pana' malét, iamo' sebuleng mo' luk na.”)
Pangeh Yésus nemaru' kukud amung-amung anak sekola'Neh idi nenuet kuyu'Neh, idi Ieh netudo iring méja idi nepebala nedeh, “Muyuh kali' luk inau'Ku kuan muyuhké? Muyuh ini nawar Negku Guru idi Tuhan, idi matu bala muyuh ineh, ngaceku Ui ini Ieh. Kudeng Ui, Tuhan idi Guru, pangeh nemaru' kukud muyuh, do' muyuh maru' kukud muyuh seburur dengan seburur teh. Ui pangeh nemaré luk pinginud kuan muyuh, pad muyuh pana' nganau' mepad kudeng Ui nganau' kuan muyuh. Matu, Ui pebala nemuyuh, seburur demulun na meluun rayeh ratnan tuanneh, idi seburur lun duken pana' na meluun rayeh ratnan luk nengecuk neneh. Kudeng muyuh kali' amung-amung ini, samal kuan muyuh kudeng muyuh nganau' ineh.
“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’ Nekini Ui mala amung ini kuan muyuh, pad muyuh manu idi Ui ini Ieh, kareb ieh mangun. Matu, Ui pebala nemuyuh luk ngalap lemulun luk icukKu, ieh ngalap Negku; iamo' lemulun luk ngalap Negku, ieh ngalap Allah luk nengecuk Negku.”


Pangeh Yésus nepebala kudeng ini, idi Ieh mesusa' niat idi nemaré kali', kebalaNeh, “Matu, Ui pebala nemuyuh, idi seburur rat arang muyuh sikal masui Negku.”
Anak-anak sekola' ineh melingo idi nenier seburur dengan seburur luk baken, ngaceku na ideh kali' idé luk bilaNeh ineh. Seburur rat arang anak-anak sekola' Yésus, ieh ineh luk inanNeh mawa, netudo iring Yésus. Simun Pétrus nenawar neneh, kebalaneh neneh, “Ngitun idé luk bilaNeh ineh.”
Idi anak sekola' ineh iné' muneng nan Yésus idi nengitun Neneh, “O Tuhan, idéké ieh?” Idi kebala Yésus, “Ui miak ngerereb aceh picut ruti idi maré kuanneh. Ini ieh.” Idi Ieh nengalap ruti ineh, idi nengerereb neneh, idi nemaré kuan Yudas anak Simun Iskariot ineh. Pangeh Yudas nengalap ruti ineh, idi Sétan nesemuet bang niatneh. Idi keburi' Yésus neneh, “Do' iko nganau' dengan mesaget anun luk ruenmu!” Iamo' na luk idi seburur pana' rat arang amungdeh luk pad-pad kuman ineh kali' anun punneh Ieh nepebala kudeng ineh kuanneh. Ngaceku Yudas ineh ngimet usin, inan luk ngerawé Yésus nepebala neneh, “Do' tau melih anun-anun luk pian tau kuan irau,” kian, pad ieh maré kuan lun masi' lek.
Yudas nengalap ruti ineh, idi ieh neremuat dengan mesaget. Idi aco pana' malem.

Kareb Yudas pangeh neremuat, idi Yésus nepebala, “Nekini rayeh Anak-Lemulun ginala', idi rayeh Allah pana' ginala' bang Neneh. Kudeng rayeh Allah ginala' bang Neneh, idi Allah teh sikal ngegala' rayehNeh bang bururNeh sebuleng, idi Allah miak nganau' ineh dengan mesaget. O anak-anakKu, segageh mo' kinioneh Ui tudo dengan muyuh. Muyuh sikal nakap Negku. Iamo' mepad kudeng Ui pangeh nepebala kuan lun Yahudi, Ui pebala kuan muyuh, ‘Su luk inanKu amé', muyuh na miak macing.’ Aceh ukum luk mebaruh Ui maré kuan muyuh, ieh ineh, do' muyuh mawa seburur inan seburur mepad kudeng Ui pangeh mawa nemuyuh, pad muyuh pana' mawa seburur inan seburur. Kudeng muyuh mawa seburur inan seburur, idi amung-amung lemulun miak kali' muyuh ineh anak-anak sekola'Ku.”


Idi kebala Simun Pétrus Neneh, “O Tuhan, iapehké luk inanMu amé'?”
Idi kebala Yésus neneh, “Iko na miak maya' Negku amé' su luk inanKu amé' nekini. Iamo' muci iko miak maya' Negku.”
Idi kebala Pétrus, “O Tuhan, ngudehké ui na miak maya' Namu nekini? Ui temina' maté ngaceku Iko.”
Idi kebala Yésus, “Matuké Iko temina maté ngaceku Ui? Matu, Ui pebala namu, kareb nateh lal ngekook, iko miak ngalum Negku teluh kua'.”

Lyt til YAHYA 13