Krio - 1992 Good News for All Men (Drama NT)

<div class="version vid2948 iso6393kri" data-vid="2948" data-iso6393="kri">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">Parebul b&#596;t di Sh&#603;pad</div><div class="p"> 1Jiz&#596;s se, &#8220;A de t&#603;l una se, p&#596;sin we n&#596; pas na di get f&#596; go insay di ples we di ship d&#603;n de slip, b&#596;t i klem pas &#596;da say, da p&#596;sin de na tifman. 2Di p&#596;sin we de pas na di get, na di sh&#603;pad, dat na di p&#596;sin we de m&#603;n di ship d&#603;n. 3Di wachman kin opin di get f&#596; di sh&#603;pad, di sh&#603;pad kin k&#596;l in ship d&#603;n nem wan bay wan, w&#603;n di ship d&#603;n y&#603;ri in v&#596;ys, d&#603;n kin kam &#603;n i kin waka bifo d&#603;n f&#596; k&#603;r d&#603;n go na do. 4W&#603;n di sh&#603;pad d&#596;n k&#603;r di ship d&#603;n go na do, i kin waka bifo d&#603;n, &#603;n d&#603;n kin fala am go, bik&#596;s d&#603;n no in v&#596;ys. 5Di ship d&#603;n n&#596; go fala &#596;da p&#596;sin go, d&#603;n go r&#596;n k&#596;m&#596;t nia &#603;ni &#596;da p&#596;sin, bik&#596;s d&#603;n n&#596; no di p&#596;sin in v&#596;ys.&#8221;</div><div class="p"> 6Jiz&#596;s pul dis parebul ya f&#596; d&#603;n, b&#596;t d&#603;n n&#596; bin &#596;ndastand wetin i min.</div><div class="s1">Jiz&#596;s na di Gud Sh&#603;pad</div><div class="p"> 7So Jiz&#596;s t&#596;k to d&#603;n bak. I se, &#8220;A de t&#603;l una se: Mi na di get we di ship d&#603;n de pas. 8&#390;l d&#603;n &#596;da pipul we bin d&#596;n kam bifo mi na tifman, &#603;n di ship d&#603;n n&#596; bin de lisin to d&#603;n. 9Mi na di get. &#400;nib&#596;di we pas tru mi f&#596; go insay, go sev; di p&#596;sin go fri f&#596; kam insay &#603;n k&#596;m&#596;t na do f&#596; go f&#603;n &#596;l wetin i nid f&#596; g&#603;t f&#596; in layf. 10Tifman j&#603;s de kam f&#596; tif, kil &#603;n pw&#603;l. B&#596;t mi kam f&#596; mek una g&#603;t di kayn layf we g&#603;t &#596;ltin we layf f&#596; g&#603;t.</div><div class="p"> 11&#8220;Mi na di gud sh&#603;pad, a gri f&#596; day f&#596; mi ship d&#603;n. 12Man we d&#603;n de pe f&#596; m&#603;n ship, we n&#596;to in na di tru sh&#603;pad, &#603;n n&#596;to in g&#603;t di ship d&#603;n, w&#603;n i si wulf de kam, i go r&#596;nawe l&#603;f di ship d&#603;n, so di wulf go kech di ship d&#603;n &#603;n k&#603;r d&#603;n go. 13Di man go r&#596;nawe bik&#596;s na p&#596;sin we d&#603;n tek f&#596; wok, so i n&#596; bisin b&#596;t di ship d&#603;n. 14-15Mi na di gud sh&#603;pad. Aw mi Papa no mi, &#603;n mis&#603;f no mi Papa, na semwe so a no mi ship d&#603;n &#603;n mi ship d&#603;ns&#603;f no mi, &#603;n a r&#603;di f&#596; day f&#596; d&#603;n. 16&#390;da ship d&#603;n de we blant mi, b&#596;t d&#603;n n&#596; de wit d&#603;n wan ya, a f&#596; bri&#331; d&#603;ns&#603;f kam; d&#603;ns&#603;f go lisin w&#603;n a de t&#596;k, d&#603;n go miks wit d&#603;n wan ya, so d&#603;n go g&#603;t wan sh&#603;pad f&#596; m&#603;n d&#603;n &#596;l.</div><div class="p"> 17&#8220;Mi Papa l&#603;k mi bik&#596;s a r&#603;di f&#596; sakrifays mi layf, so dat a kin g&#603;t am bak. 18N&#596;b&#596;di n&#596; go kil mi pas a gri. Na mis&#603;f s&#603;f gri f&#596; mek d&#603;n kil mi. A g&#603;t di pawa f&#596; sakrifays mi layf &#603;n a g&#603;t di pawa f&#596; tek am bak. Na dat mi Papa t&#603;l mi f&#596; du &#603;n i gi mi di pawa f&#596; du am.&#8221;</div><div class="p"> 19F&#596;seka d&#603;n w&#596;d ya we Jiz&#596;s t&#596;k, di pipul d&#603;n n&#596; bin g&#603;t wanw&#596;d. Na di s&#603;k&#603;n t&#603;m dat we d&#603;n n&#596; g&#603;t wanw&#596;d. 20Pl&#603;nti pan d&#603;n se, &#8220;D&#603;bul de insay am! I kres! Wetin du una de lisin am!&#8221;</div><div class="p"> 21B&#596;t s&#596;m &#596;da wan d&#603;n se, &#8220;If d&#603;bul de insay p&#596;sin, di p&#596;sin n&#596; go t&#596;k l&#603;k&#603; dat! D&#603;bul go mek bl&#603;nyay p&#596;sin si?&#8221;</div><div class="s1">Di Pipul d&#603;n N&#596; Want Jiz&#596;s</div><div class="p"> 22Na bin di kol sizin, pipul d&#603;n bin de go na Jerus&#603;l&#603;m f&#596; di &#596;lide we mak di t&#603;m we d&#603;n opin G&#596;d in Os &#603;n bl&#603;s am. 23Jiz&#596;s bin de waka na wan say we d&#603;n k&#596;l &#8220;S&#596;l&#596;m&#596;n P&#596;ch,&#8221; na G&#596;d in Os. 24Di Ju pipul d&#603;n go g&#603;da rawnd am &#603;n aks am se, &#8220;Aw l&#596;&#331; yu go mek wi de, wi n&#596; no wetin tru? T&#603;l wi di tru tin, na yu na di M&#603;saya?&#8221;</div><div class="p"> 25Jiz&#596;s ansa se, &#8220;A bin d&#596;n t&#603;l una, b&#596;t una n&#596; gri biliv mi. Di wok d&#603;n we mi Papa s&#603;n mi f&#596; du de sho una se mi na di M&#603;saya; 26b&#596;t una n&#596; gri biliv mi, bik&#596;s una n&#596;to mi ship d&#603;n. 27Mi ship d&#603;n de lisin wetin a se, &#603;n d&#603;n de fala mi. A no d&#603;n &#596;l. 28A go gi d&#603;n layf we go de sote go, d&#603;n n&#596; go day igen, &#603;n n&#596;b&#596;di n&#596; go pul d&#603;n k&#596;m&#596;t na mi an. 29Mi Papa we gi mi di ship d&#603;n, pas &#596;lman, &#603;n n&#596;b&#596;di n&#596; go pul d&#603;n k&#596;m&#596;t na mi Papa, we de m&#603;n d&#603;n, in an. 30Mi &#603;n mi Papa na wan.&#8221;</div><div class="p"> 31W&#603;n Jiz&#596;s t&#596;k so, di pipul d&#603;n pik ston bak f&#596; ston am, 32Jiz&#596;s se, &#8220;A d&#596;n du pl&#603;nti gud wok we una d&#596;n si, &#603;n na mi Papa gi mi d&#603;n wok de f&#596; du. Uswan pan d&#603;n mek una want ston mi?&#8221;</div><div class="p"> 33Di pipul d&#603;n ansa se, &#8220;Wi n&#596; want ston yu f&#596; di gud wok d&#603;n we yu d&#596;n du, wi want ston yu bik&#596;s yu fityay G&#596;d. Yu na m&#596;talman b&#596;t yu want t&#596;n yus&#603;f to G&#596;d!&#8221;</div><div class="p"> 34Jiz&#596;s t&#603;l d&#603;n se, &#8220;Una yon L&#596; se, G&#596;d se, &#8216;Una na lili g&#596;d d&#603;n.&#8217; 35Wi no se d&#603;n tin we rayt na G&#596;d in Buk tru &#596;lt&#603;m; &#603;n G&#596;d bin se d&#603;n pipul we i gi in m&#603;sej, na lili g&#596;d d&#603;n. 36F&#596; mi yon pat, mi Papa pik mi &#603;n s&#603;n mi kam na w&#596;l, so wetin mek una se a fityay G&#596;d w&#603;n a se, mi na G&#596;d in Pikin? 37Una n&#596; f&#596; biliv mi if a n&#596; de du d&#603;n tin we mi Papa want mek a du. 38B&#596;t if a de du di tin d&#603;n we mi Papa want mek a du, pan &#596;l we una n&#596; biliv mi naw, una f&#596; biliv se na w&#596;ndaful wok d&#603;n a de du, so dat una go no &#603;n una n&#596; go dawt igen se mi Papa de insay mi &#603;n mis&#603;f de insay mi Papa.&#8221;</div><div class="p"> 39Di pipul d&#603;n tray f&#596; ol Jiz&#596;s wan t&#603;m m&#596;, b&#596;t i l&#596;s pan d&#603;n.</div><div class="p"> 40Jiz&#596;s kr&#596;s Riva J&#596;dan bak go na di ples we J&#596;n bin de baptayz. 41Pl&#603;nti pipul go mit am de. D&#603;n bigin t&#596;k to d&#603;n k&#596;mpin, d&#603;n se, &#8220;J&#596;n n&#596; du w&#596;ndaful wok, b&#596;t &#596;ltin we i t&#596;k b&#596;t dis man ya na bin tru.&#8221; 42Pl&#603;nti pipul na da eria de kam biliv pan Jiz&#596;s.</div>
 </div>
 </div>
</div>

Krio Bible © The Bible Society of Sierra Leone, 2013.

Jizɔs se, “A de tɛl una se, pɔsin we nɔ pas na di get fɔ go insay di ples we di ship dɛn de slip, bɔt i klem pas ɔda say, da pɔsin de na tifman. Di pɔsin we de pas na di get, na di shɛpad, dat na di pɔsin we de mɛn di ship dɛn. Di wachman kin opin di get fɔ di shɛpad, di shɛpad kin kɔl in ship dɛn nem wan bay wan, wɛn di ship dɛn yɛri in vɔys, dɛn kin kam ɛn i kin waka bifo dɛn fɔ kɛr dɛn go na do. Wɛn di shɛpad dɔn kɛr di ship dɛn go na do, i kin waka bifo dɛn, ɛn dɛn kin fala am go, bikɔs dɛn no in vɔys. Di ship dɛn nɔ go fala ɔda pɔsin go, dɛn go rɔn kɔmɔt nia ɛni ɔda pɔsin, bikɔs dɛn nɔ no di pɔsin in vɔys.”
Jizɔs pul dis parebul ya fɔ dɛn, bɔt dɛn nɔ bin ɔndastand wetin i min.

So Jizɔs tɔk to dɛn bak. I se, “A de tɛl una se: Mi na di get we di ship dɛn de pas. Ɔl dɛn ɔda pipul we bin dɔn kam bifo mi na tifman, ɛn di ship dɛn nɔ bin de lisin to dɛn. Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf. Tifman jɛs de kam fɔ tif, kil ɛn pwɛl. Bɔt mi kam fɔ mek una gɛt di kayn layf we gɛt ɔltin we layf fɔ gɛt.
“Mi na di gud shɛpad, a gri fɔ day fɔ mi ship dɛn. Man we dɛn de pe fɔ mɛn ship, we nɔto in na di tru shɛpad, ɛn nɔto in gɛt di ship dɛn, wɛn i si wulf de kam, i go rɔnawe lɛf di ship dɛn, so di wulf go kech di ship dɛn ɛn kɛr dɛn go. Di man go rɔnawe bikɔs na pɔsin we dɛn tek fɔ wok, so i nɔ bisin bɔt di ship dɛn. Mi na di gud shɛpad. Aw mi Papa no mi, ɛn misɛf no mi Papa, na semwe so a no mi ship dɛn ɛn mi ship dɛnsɛf no mi, ɛn a rɛdi fɔ day fɔ dɛn. Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.
“Mi Papa lɛk mi bikɔs a rɛdi fɔ sakrifays mi layf, so dat a kin gɛt am bak. Nɔbɔdi nɔ go kil mi pas a gri. Na misɛf sɛf gri fɔ mek dɛn kil mi. A gɛt di pawa fɔ sakrifays mi layf ɛn a gɛt di pawa fɔ tek am bak. Na dat mi Papa tɛl mi fɔ du ɛn i gi mi di pawa fɔ du am.”
Fɔseka dɛn wɔd ya we Jizɔs tɔk, di pipul dɛn nɔ bin gɛt wanwɔd. Na di sɛkɛn tɛm dat we dɛn nɔ gɛt wanwɔd. Plɛnti pan dɛn se, “Dɛbul de insay am! I kres! Wetin du una de lisin am!”
Bɔt sɔm ɔda wan dɛn se, “If dɛbul de insay pɔsin, di pɔsin nɔ go tɔk lɛkɛ dat! Dɛbul go mek blɛnyay pɔsin si?”

Na bin di kol sizin, pipul dɛn bin de go na Jerusɛlɛm fɔ di ɔlide we mak di tɛm we dɛn opin Gɔd in Os ɛn blɛs am. Jizɔs bin de waka na wan say we dɛn kɔl “Sɔlɔmɔn Pɔch,” na Gɔd in Os. Di Ju pipul dɛn go gɛda rawnd am ɛn aks am se, “Aw lɔŋ yu go mek wi de, wi nɔ no wetin tru? Tɛl wi di tru tin, na yu na di Mɛsaya?”
Jizɔs ansa se, “A bin dɔn tɛl una, bɔt una nɔ gri biliv mi. Di wok dɛn we mi Papa sɛn mi fɔ du de sho una se mi na di Mɛsaya; bɔt una nɔ gri biliv mi, bikɔs una nɔto mi ship dɛn. Mi ship dɛn de lisin wetin a se, ɛn dɛn de fala mi. A no dɛn ɔl. A go gi dɛn layf we go de sote go, dɛn nɔ go day igen, ɛn nɔbɔdi nɔ go pul dɛn kɔmɔt na mi an. Mi Papa we gi mi di ship dɛn, pas ɔlman, ɛn nɔbɔdi nɔ go pul dɛn kɔmɔt na mi Papa, we de mɛn dɛn, in an. Mi ɛn mi Papa na wan.”
Wɛn Jizɔs tɔk so, di pipul dɛn pik ston bak fɔ ston am, Jizɔs se, “A dɔn du plɛnti gud wok we una dɔn si, ɛn na mi Papa gi mi dɛn wok de fɔ du. Uswan pan dɛn mek una want ston mi?”
Di pipul dɛn ansa se, “Wi nɔ want ston yu fɔ di gud wok dɛn we yu dɔn du, wi want ston yu bikɔs yu fityay Gɔd. Yu na mɔtalman bɔt yu want tɔn yusɛf to Gɔd!”
Jizɔs tɛl dɛn se, “Una yon Lɔ se, Gɔd se, ‘Una na lili gɔd dɛn.’ Wi no se dɛn tin we rayt na Gɔd in Buk tru ɔltɛm; ɛn Gɔd bin se dɛn pipul we i gi in mɛsej, na lili gɔd dɛn. Fɔ mi yon pat, mi Papa pik mi ɛn sɛn mi kam na wɔl, so wetin mek una se a fityay Gɔd wɛn a se, mi na Gɔd in Pikin? Una nɔ fɔ biliv mi if a nɔ de du dɛn tin we mi Papa want mek a du. Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”
Di pipul dɛn tray fɔ ol Jizɔs wan tɛm mɔ, bɔt i lɔs pan dɛn.
Jizɔs krɔs Riva Jɔdan bak go na di ples we Jɔn bin de baptayz. Plɛnti pipul go mit am de. Dɛn bigin tɔk to dɛn kɔmpin, dɛn se, “Jɔn nɔ du wɔndaful wok, bɔt ɔltin we i tɔk bɔt dis man ya na bin tru.” Plɛnti pipul na da eria de kam biliv pan Jizɔs.

Lyt til Jɔn 10