<div class="version vid1400 iso6393tcs" data-vid="1400" data-iso6393="tcs">
    <div class="book bkJHN">
        <div class="chapter ch1" data-usfm="JHN.1">
            <div class="label">1</div><div class="s1"><span class="heading">Zizas em i da Mesiz ane da Laip</span></div><div class="q1"><span class="content">  </span><span class="verse v1" data-usfm="JHN.1.1"><span class="label">1</span><span class="content">Longtaim bipotaim, bipo God i bin meke da wold i bin gad da Mesiz.</span></span></div><div class="q2"><span class="verse v1" data-usfm="JHN.1.1"><span class="content">Da Mesiz i bin Zizas.</span></span></div><div class="q1"><span class="verse v1" data-usfm="JHN.1.1"><span class="content">Da Mesiz i bin mata stap klostu wea God</span></span></div><div class="q2"><span class="verse v1" data-usfm="JHN.1.1"><span class="content">ane dat Mesiz i bin God.</span></span></div><div class="q1"><span class="verse v1" data-usfm="JHN.1.1"><span class="content">  </span></span><span class="verse v2" data-usfm="JHN.1.2"><span class="label">2</span><span class="content">Da Mesiz i bin de wantaim tugeda wea God de pas.</span></span></div><div class="q1"><span class="verse v2" data-usfm="JHN.1.2"><span class="content">  </span></span><span class="verse v3" data-usfm="JHN.1.3"><span class="label">3</span><span class="content">God i bin meke ebriting tru da Mesiz.</span></span></div><div class="q1"><span class="verse v3" data-usfm="JHN.1.3"><span class="content">Ip i no bin gad da Mesiz,</span></span></div><div class="q2"><span class="verse v3" data-usfm="JHN.1.3"><span class="content">den God i no bin meke eni demting wea em i bin mekem.</span></span></div><div class="q1"><span class="verse v3" data-usfm="JHN.1.3"><span class="content">  </span></span><span class="verse v4" data-usfm="JHN.1.4"><span class="label">4</span><span class="content">Prom da Mesiz nau, i gibe laip</span></span></div><div class="q2"><span class="verse v4" data-usfm="JHN.1.4"><span class="content">ane dat laip nau i lait blo ebri pipol blo wold.</span></span></div><div class="q1"><span class="verse v4" data-usfm="JHN.1.4"><span class="content">  </span></span><span class="verse v5" data-usfm="JHN.1.5"><span class="label">5</span><span class="content">Dat lait nau i mata laitap midel wea dak bikoz em i gad mo paua.</span></span></div><div class="q2"><span class="verse v5" data-usfm="JHN.1.5"><span class="content">Ane dat dak paua i nogad no paua po aute dat lait.</span></span></div><div class="b"></div><div class="p"><span class="verse v5" data-usfm="JHN.1.5"><span class="content">  </span></span><span class="verse v6" data-usfm="JHN.1.6"><span class="label">6</span><span class="content">Wa, i bin gad wan man blo God uda em bin sanem kam, ane dat man i bin Zon Baptaizman. </span></span><span class="verse v7" data-usfm="JHN.1.7"><span class="label">7</span><span class="content">God i bin sane Zon kam po stanap po spik trutok baut dat lait, solong ebri pipol blo da wold mait go bilib wea dem trutok wanem em i spik. </span></span><span class="verse v8" data-usfm="JHN.1.8"><span class="label">8</span><span class="content">Wa, Zon i no bin dat lait. God i bin sanem kam po spik trutok baut da lait. </span></span><span class="verse v9" data-usfm="JHN.1.9"><span class="label">9</span><span class="content">Dat man, uda i dat trulait wea i go kam bambai po dis wold, i go laitap laip blo ebriwan wea lait.</span></span></div><div class="p"><span class="verse v9" data-usfm="JHN.1.9"><span class="content">  </span></span><span class="verse v10" data-usfm="JHN.1.10"><span class="label">10</span><span class="content">Dat man wea i bin gad da trulait, i bin ya wea dis wold ane God i bin meke ebriting blo dis wold prom laip blo dat man. Bat ebri pipol ya prapa no bin sabe uda em. </span></span><span class="verse v11" data-usfm="JHN.1.11"><span class="label">11</span><span class="content">Em i bin kam po ebri pipol blo em, ane em gad seimkain blad wase dempla. Bat ebridem pipol blo em, i no bin wande em. </span></span><span class="verse v12" data-usfm="JHN.1.12"><span class="label">12</span><span class="content">Bat po ebridem pipol uda i bin teke em insaid lo at ane i mata bilib wea neim blo em, wa, em i go gibe dempla da rait po kam ol pikinini blo God. </span></span><span class="verse v13" data-usfm="JHN.1.13"><span class="label">13</span><span class="content">Wa prapa, God i bone dempla gen gibe dempla niulaip. Diskain bon i no kam prom wanem man ane oman i mekem tugeda, bat dis niuliap i kam prom wanem God i mekem.</span></span></div><div class="p"><span class="verse v13" data-usfm="JHN.1.13"><span class="content">  </span></span><span class="verse v14" data-usfm="JHN.1.14"><span class="label">14</span><span class="content">Wa, da Mesiz i bin kam man ane stap ya midel wea yumpla lo wold. Ane mipla i bin luk lo ai wiswei da truglori, da sainilait blo da boi blo God. Ane da spesilpeiba ane da truwei blo dat mata wan boi blo PapaGod i bin wantaim stap wea yumpla.</span></span></div><div class="p"><span class="verse v14" data-usfm="JHN.1.14"><span class="content">  </span></span><span class="verse v15" data-usfm="JHN.1.15"><span class="label">15</span><span class="content">Zon Baptaizman i bin prapa stanap ane spik trutok baut em po dem pipol. Em bin tok prapa laudwan diskain ya, &#8216;Diswan, i em nau wea ai bin tokbaut, &#8220;Sambodi uda i go kam, i mo bigman wea mi. Em bin ya bipotaim bipo da wold, longtaim bipo ai bin bon.&#8221; &#8217;</span></span></div><div class="p"><span class="verse v15" data-usfm="JHN.1.15"><span class="content">  </span></span><span class="verse v16" data-usfm="JHN.1.16"><span class="label">16</span><span class="content">Wa, prom dem obamak gudpasin blesing ane lab wea i kam prom da Boi blo God, em bin gibe yumpla ebriwan spesilpeiba apta spesilpeiba. </span></span><span class="verse v17" data-usfm="JHN.1.17"><span class="label">17</span><span class="content">Dem lo blo God i bin gibem po Mozes po yumpla. Bat spesilpeiba blo God ane trutok baut God i bin kam tru laip blo Zizas Kraist. </span></span><span class="verse v18" data-usfm="JHN.1.18"><span class="label">18</span><span class="content">Nobodi i bin luk God lo ai. Bat mata da wan boi blo em, uda i sidaun klostu lo em. Em nau i soe yumpla uda i God.</span></span></div><div class="s1"><span class="heading">Dem trutok blo Zon Baptaizman</span></div><div class="r"><span class="heading">(</span><span class="heading">Matiu 3.1-12</span><span class="heading">; </span><span class="heading">Mak 1.1-8</span><span class="heading">; </span><span class="heading">Luk 3.1-18</span><span class="heading">)</span></div><div class="p"><span class="verse v18" data-usfm="JHN.1.18"><span class="content">  </span></span><span class="verse v19" data-usfm="JHN.1.19"><span class="label">19</span><span class="content">Wa, diswan i da trutok wea Zon i bin spik wen dem Zuwislida i bin sane prist ane ol dem Libai kam prom Zarusalem. Dem Libai i ol serba wea da Tempol. Dempla i bin kuestin Zon diskain ya, &#8216;Wiskain man yu?&#8217; </span></span><span class="verse v20" data-usfm="JHN.1.20"><span class="label">20</span><span class="content">Zon i bin spik stret po dempla, &#8216;Ai no da Promiswan uda God i go sanem.&#8217;</span></span></div><div class="p"><span class="verse v20" data-usfm="JHN.1.20"><span class="content">  </span></span><span class="verse v21" data-usfm="JHN.1.21"><span class="label">21</span><span class="content">Dempla i bin kuestin em gen diskain, &#8216;Yu no Ilaiza a?&#8217;</span></span></div><div class="p"><span class="verse v21" data-usfm="JHN.1.21"><span class="content">Zon i bin ansa, &#8216;Nono! Ai no Ilaiza.&#8217;</span></span></div><div class="p"><span class="verse v21" data-usfm="JHN.1.21"><span class="content">Dempla bin askem gen, &#8216;Yu dat spesilmesizman blo God uda i go kam a?&#8217;</span></span></div><div class="p"><span class="verse v21" data-usfm="JHN.1.21"><span class="content">Zon i bin ansa dempla gen, &#8216;No.&#8217;</span></span></div><div class="p"><span class="verse v21" data-usfm="JHN.1.21"><span class="content">  </span></span><span class="verse v22" data-usfm="JHN.1.22"><span class="label">22</span><span class="content">Dempla bin askem em gen, &#8216;Wiskain man yu? Spik trutok solong mipla i go teke ansa go po demwan uda i bin sane mipla kam. Spik mipla, uda yu?&#8217;</span></span></div><div class="p"><span class="verse v22" data-usfm="JHN.1.22"><span class="content">  </span></span><span class="verse v23" data-usfm="JHN.1.23"><span class="label">23</span><span class="content">Zon i bin ansa dempla baigen lo da mesiz wea Aizaia da spesilmesizman blo God i bin spik:</span></span></div><div class="q1"><span class="verse v23" data-usfm="JHN.1.23"><span class="content">&#8216;Ai da man uda ala lo ples wea i nogad man,</span></span></div><div class="q2"><span class="verse v23" data-usfm="JHN.1.23"><span class="content">&#8220;Meke da wei redi po da AntapGod.&#8221; &#8217;</span></span></div><div class="b"></div><div class="p"><span class="verse v23" data-usfm="JHN.1.23"><span class="content">  </span></span><span class="verse v24" data-usfm="JHN.1.24"><span class="label">24</span><span class="content">Dem lot uda dem Parasi i bin sanem kam, </span></span><span class="verse v25" data-usfm="JHN.1.25"><span class="label">25</span><span class="content">i bin kuestin Zon diskain, &#8216;Ip yu no da Promiswan uda God i go sanem, o Ilaiza, o dat spesilmesizman blo God uda i go kam, uda i bin gibe yu rait po baptaiz?&#8217;</span></span></div><div class="p"><span class="verse v25" data-usfm="JHN.1.25"><span class="content">  </span></span><span class="verse v26" data-usfm="JHN.1.26"><span class="label">26</span><span class="content">Zon i bin ansa dempla diskain, &#8216;Ai baptaiz ol pipol wea wata bat i gad sambodi ya midel wea yupla, wea yupla i prapa no sabe uda em. </span></span><span class="verse v27" data-usfm="JHN.1.27"><span class="label">27</span><span class="content">Em da man uda i wagbaut kam biain wea da seim rod wea ai bin wagbaut pas. Ai no gudnap po tekemaut sandol prom leg blo em.&#8217;</span></span></div><div class="p"><span class="verse v27" data-usfm="JHN.1.27"><span class="content">  </span></span><span class="verse v28" data-usfm="JHN.1.28"><span class="label">28</span><span class="content">Disting ya i bin apen wea biliz blo Betani lo da nadasaid blo Zodan riba wea Zon Baptaizman i bin baptaiz ol pipol.</span></span></div><div class="s1"><span class="heading">Zizas i Smolsip blo God</span></div><div class="p"><span class="verse v28" data-usfm="JHN.1.28"><span class="content">  </span></span><span class="verse v29" data-usfm="JHN.1.29"><span class="label">29</span><span class="content">Da dei apta diswan, Zon i bin luk Zizas i bin wagbaut kam po em. Zon i bin spik, &#8216;Ei, luk uda ya kam. Da Smolsip blo God uda i tekemaut ol sin prom ebri pipol. </span></span><span class="verse v30" data-usfm="JHN.1.30"><span class="label">30</span><span class="content">Diswan i em nau wea ai bin tokbaut, &#8220;Sambodi uda i go kam i mo bigman wea mi. Em bin ya bipotaim bipo da wold, longtaim bipo ai bin bon.&#8221; </span></span><span class="verse v31" data-usfm="JHN.1.31"><span class="label">31</span><span class="content">Wa, ai spik prapa truwan ya, ai no bin sabe ip em da Promiswan uda God i go sanem kam. Ai bin baptaiz ol pipol wea wata solong po meke dem pipol blo Izrael po prapa luk lo ai uda em.&#8217;</span></span></div><div class="p"><span class="verse v31" data-usfm="JHN.1.31"><span class="content">  </span></span><span class="verse v32" data-usfm="JHN.1.32"><span class="label">32</span><span class="content">Zon i bin spik diskain ya, &#8216;Ai bin luk wea ai blo mi, wen da Spirit blo God i bin plai kamdaun prom de antap wase dab ane sidaun antap lo em. </span></span><span class="verse v33" data-usfm="JHN.1.33"><span class="label">33</span><span class="content">Wa, i prapa truwan. Ai no bin sabe uda em. God uda bin sane mi kam po baptaiz ol pipol wea wata i bin spik diskain po mi, &#8220;Wen yu go luk da OliSpirit i go kamdaun ane sidaun antap lo wan man, yu go sabe nau dat em da wan uda i go baptaiz yupla ol pipol wea da OliSpirit.&#8221; </span></span><span class="verse v34" data-usfm="JHN.1.34"><span class="label">34</span><span class="content">Ai bin luk prapa truwan wea ai blo mi, ane ai prapa spik trutok ya, em i da Boi blo God.&#8217;</span></span></div><div class="s1"><span class="heading">Dem pas klostuman</span></div><div class="p"><span class="verse v34" data-usfm="JHN.1.34"><span class="content">  </span></span><span class="verse v35" data-usfm="JHN.1.35"><span class="label">35</span><span class="content">Da dei apta diswan, Zon i bin stanap wea tu klostuman blo em. </span></span><span class="verse v36" data-usfm="JHN.1.36"><span class="label">36</span><span class="content">Wen Zon i bin luk Zizas i bin wagbaut kam klostu po dempla, Zon i bin spik, &#8216;Ei luk de, da Smolsip blo God.&#8217; </span></span><span class="verse v37" data-usfm="JHN.1.37"><span class="label">37</span><span class="content">Wen demtu klostuman blo Zon i bin lisen wanem Zon bin spik, wa demtu bin wantaim go ane pole Zizas.</span></span></div><div class="p"><span class="verse v37" data-usfm="JHN.1.37"><span class="content">  </span></span><span class="verse v38" data-usfm="JHN.1.38"><span class="label">38</span><span class="content">Wen Zizas i bin luk go biain ane luk demtu pole em, Zizas i aske demtu, &#8216;Wanem yutu wandem?&#8217;</span></span></div><div class="p"><span class="verse v38" data-usfm="JHN.1.38"><span class="content">Demtu ansa, &#8216;Raboni (dis wod i min &#8216;Tisa&#8217;). Wea yu stap?&#8217;</span></span></div><div class="p"><span class="verse v38" data-usfm="JHN.1.38"><span class="content">  </span></span><span class="verse v39" data-usfm="JHN.1.39"><span class="label">39</span><span class="content">Zizas i ansa demtu, &#8216;Kam ane luk po yutuselp.&#8217; So demtu i bin go ane luk wea em i stap. Ane demtu i bin mata stap de wea em ol aptanun. Diswan i bin baut po aklok aptanun taim.</span></span></div><div class="p"><span class="verse v39" data-usfm="JHN.1.39"><span class="content">  </span></span><span class="verse v40" data-usfm="JHN.1.40"><span class="label">40</span><span class="content">Wan prom demtu klostuman blo Zon uda i bin lisen wanem Zon i bin tokbaut Zizas, em bin go ane pole Zizas. Neim blo em i bin Andru. Em bin gad nada bala, neim blo em i bin Saiman Pita. </span></span><span class="verse v41" data-usfm="JHN.1.41"><span class="label">41</span><span class="content">Pas ting Andru i bin mekem, em bin go lukraun po bala blo em, Saiman Pita ane em bin spik po em diskain, &#8216;Ei, mipla i bin paine da Masaia, da Promiswan uda God i go sanem.&#8217; (Dis wod wea Griklangus i min &#8216;Kraist&#8217;).</span></span></div><div class="p"><span class="verse v41" data-usfm="JHN.1.41"><span class="content">  </span></span><span class="verse v42" data-usfm="JHN.1.42"><span class="label">42</span><span class="content">Wa, Andru i bin teke Saiman kam de po Zizas. Wen Saiman i bin kam klostu, Zizas i bin wase em ane bin spik diskain po em, &#8216;Yu neim Saiman. Yu boi blo Zon. Wa, nau neim blo yu i Sepas.&#8217; (Dis wod wea Griklangus i min &#8216;Pita&#8217; ane i min &#8216;ston&#8217; tu).</span></span></div><div class="s1"><span class="heading">Zizas i singaut Pilip ane Natanial</span></div><div class="p"><span class="verse v42" data-usfm="JHN.1.42"><span class="content">  </span></span><span class="verse v43" data-usfm="JHN.1.43"><span class="label">43</span><span class="content">Da dei apta diswan, Zizas i bin meke main blo em po go po da eria blo Galali. So em bin go ane paine Pilip ane spik po em diskain, &#8216;Yu kam klostuman blo mi.&#8217; </span></span><span class="verse v44" data-usfm="JHN.1.44"><span class="label">44</span><span class="content">Pilip i kam prom seimples neim Betsaida, wase Andru ane Pita.</span></span></div><div class="p"><span class="verse v44" data-usfm="JHN.1.44"><span class="content">  </span></span><span class="verse v45" data-usfm="JHN.1.45"><span class="label">45</span><span class="content">Pilip i bin tekop go ane paine Natanial ane spik po em diskain, &#8216;Ei, mipla i bin paine em, da wan wea Mozes ane dem prapa longtaim spesilmesizman blo God i bin raitem baut. I em orait, Zizas. Em i da boi blo Zosep ane em i kam prom ples neim Nazaret.&#8217;</span></span></div><div class="p"><span class="verse v45" data-usfm="JHN.1.45"><span class="content">  </span></span><span class="verse v46" data-usfm="JHN.1.46"><span class="label">46</span><span class="content">Natanial i bin spik diskain po Pilip, &#8216;Kole, wanem gudting i ken kamaut prom Nazaret?&#8217;</span></span></div><div class="p"><span class="verse v46" data-usfm="JHN.1.46"><span class="content">Pilip i bin spik po em, &#8216;Yu kam ane luk po yuselp.&#8217;</span></span></div><div class="p"><span class="verse v46" data-usfm="JHN.1.46"><span class="content">  </span></span><span class="verse v47" data-usfm="JHN.1.47"><span class="label">47</span><span class="content">Wen Zizas i bin luk Natanial wagbaut kam klostu po em, Zizas i bin spik diskain, &#8216;Ei luk, diswan prapa man blo Izrael ya kam, uda i prapa no sabe tok eni laitok.&#8217;</span></span></div><div class="p"><span class="verse v47" data-usfm="JHN.1.47"><span class="content">  </span></span><span class="verse v48" data-usfm="JHN.1.48"><span class="label">48</span><span class="content">Natanial i bin aske Zizas diskain, &#8216;Wiskain yu sabe wiskain man mi?&#8217;</span></span></div><div class="p"><span class="verse v48" data-usfm="JHN.1.48"><span class="content">Zizas i bin ansa em, &#8216;Bipo Pilip i bin spik yu po kam, ai bin pinis luk yu stanap de andanit lo wan pigtri.&#8217;</span></span></div><div class="p"><span class="verse v48" data-usfm="JHN.1.48"><span class="content">  </span></span><span class="verse v49" data-usfm="JHN.1.49"><span class="label">49</span><span class="content">Natanial i bin ansabaik po Zizas diskain ya, &#8216;Tisa. Yu da Boi blo God. Yu king blo dem pipol blo Izrael.&#8217;</span></span></div><div class="p"><span class="verse v49" data-usfm="JHN.1.49"><span class="content">  </span></span><span class="verse v50" data-usfm="JHN.1.50"><span class="label">50</span><span class="content">Zizas i bin ansabaik diskain, &#8216;Wen ai bin spik yu ai bin luk yu de andanit lo pigtri, yu bin mata bilib mi a? Wa. Yu go luk mi meke ol mobig samting prom demting ya wea yu bin luk i bin apen.&#8217; </span></span><span class="verse v51" data-usfm="JHN.1.51"><span class="label">51</span><span class="content">Zizas i bin spik gen, &#8216;Ai spik trutok po yupla, yupla go luk lo ai bambai, dat ples de antap i go open ane ol einzel blo God i go lego kamdaun ane go antap gen po eben lo mi, da Truwan blo Man.&#8217;</span></span></div>
        </div>
    </div>
</div>

Longtaim bipotaim, bipo God i bin meke da wold i bin gad da Mesiz.
Da Mesiz i bin Zizas.
Da Mesiz i bin mata stap klostu wea God
ane dat Mesiz i bin God.
Da Mesiz i bin de wantaim tugeda wea God de pas.
God i bin meke ebriting tru da Mesiz.
Ip i no bin gad da Mesiz,
den God i no bin meke eni demting wea em i bin mekem.
Prom da Mesiz nau, i gibe laip
ane dat laip nau i lait blo ebri pipol blo wold.
Dat lait nau i mata laitap midel wea dak bikoz em i gad mo paua.
Ane dat dak paua i nogad no paua po aute dat lait.

Wa, i bin gad wan man blo God uda em bin sanem kam, ane dat man i bin Zon Baptaizman. God i bin sane Zon kam po stanap po spik trutok baut dat lait, solong ebri pipol blo da wold mait go bilib wea dem trutok wanem em i spik. Wa, Zon i no bin dat lait. God i bin sanem kam po spik trutok baut da lait. Dat man, uda i dat trulait wea i go kam bambai po dis wold, i go laitap laip blo ebriwan wea lait.
Dat man wea i bin gad da trulait, i bin ya wea dis wold ane God i bin meke ebriting blo dis wold prom laip blo dat man. Bat ebri pipol ya prapa no bin sabe uda em. Em i bin kam po ebri pipol blo em, ane em gad seimkain blad wase dempla. Bat ebridem pipol blo em, i no bin wande em. Bat po ebridem pipol uda i bin teke em insaid lo at ane i mata bilib wea neim blo em, wa, em i go gibe dempla da rait po kam ol pikinini blo God. Wa prapa, God i bone dempla gen gibe dempla niulaip. Diskain bon i no kam prom wanem man ane oman i mekem tugeda, bat dis niuliap i kam prom wanem God i mekem.
Wa, da Mesiz i bin kam man ane stap ya midel wea yumpla lo wold. Ane mipla i bin luk lo ai wiswei da truglori, da sainilait blo da boi blo God. Ane da spesilpeiba ane da truwei blo dat mata wan boi blo PapaGod i bin wantaim stap wea yumpla.
Zon Baptaizman i bin prapa stanap ane spik trutok baut em po dem pipol. Em bin tok prapa laudwan diskain ya, ‘Diswan, i em nau wea ai bin tokbaut, “Sambodi uda i go kam, i mo bigman wea mi. Em bin ya bipotaim bipo da wold, longtaim bipo ai bin bon.” ’
Wa, prom dem obamak gudpasin blesing ane lab wea i kam prom da Boi blo God, em bin gibe yumpla ebriwan spesilpeiba apta spesilpeiba. Dem lo blo God i bin gibem po Mozes po yumpla. Bat spesilpeiba blo God ane trutok baut God i bin kam tru laip blo Zizas Kraist. Nobodi i bin luk God lo ai. Bat mata da wan boi blo em, uda i sidaun klostu lo em. Em nau i soe yumpla uda i God.


Wa, diswan i da trutok wea Zon i bin spik wen dem Zuwislida i bin sane prist ane ol dem Libai kam prom Zarusalem. Dem Libai i ol serba wea da Tempol. Dempla i bin kuestin Zon diskain ya, ‘Wiskain man yu?’ Zon i bin spik stret po dempla, ‘Ai no da Promiswan uda God i go sanem.’
Dempla i bin kuestin em gen diskain, ‘Yu no Ilaiza a?’
Zon i bin ansa, ‘Nono! Ai no Ilaiza.’
Dempla bin askem gen, ‘Yu dat spesilmesizman blo God uda i go kam a?’
Zon i bin ansa dempla gen, ‘No.’
Dempla bin askem em gen, ‘Wiskain man yu? Spik trutok solong mipla i go teke ansa go po demwan uda i bin sane mipla kam. Spik mipla, uda yu?’
Zon i bin ansa dempla baigen lo da mesiz wea Aizaia da spesilmesizman blo God i bin spik:
‘Ai da man uda ala lo ples wea i nogad man,
“Meke da wei redi po da AntapGod.” ’

Dem lot uda dem Parasi i bin sanem kam, i bin kuestin Zon diskain, ‘Ip yu no da Promiswan uda God i go sanem, o Ilaiza, o dat spesilmesizman blo God uda i go kam, uda i bin gibe yu rait po baptaiz?’
Zon i bin ansa dempla diskain, ‘Ai baptaiz ol pipol wea wata bat i gad sambodi ya midel wea yupla, wea yupla i prapa no sabe uda em. Em da man uda i wagbaut kam biain wea da seim rod wea ai bin wagbaut pas. Ai no gudnap po tekemaut sandol prom leg blo em.’
Disting ya i bin apen wea biliz blo Betani lo da nadasaid blo Zodan riba wea Zon Baptaizman i bin baptaiz ol pipol.

Da dei apta diswan, Zon i bin luk Zizas i bin wagbaut kam po em. Zon i bin spik, ‘Ei, luk uda ya kam. Da Smolsip blo God uda i tekemaut ol sin prom ebri pipol. Diswan i em nau wea ai bin tokbaut, “Sambodi uda i go kam i mo bigman wea mi. Em bin ya bipotaim bipo da wold, longtaim bipo ai bin bon.” Wa, ai spik prapa truwan ya, ai no bin sabe ip em da Promiswan uda God i go sanem kam. Ai bin baptaiz ol pipol wea wata solong po meke dem pipol blo Izrael po prapa luk lo ai uda em.’
Zon i bin spik diskain ya, ‘Ai bin luk wea ai blo mi, wen da Spirit blo God i bin plai kamdaun prom de antap wase dab ane sidaun antap lo em. Wa, i prapa truwan. Ai no bin sabe uda em. God uda bin sane mi kam po baptaiz ol pipol wea wata i bin spik diskain po mi, “Wen yu go luk da OliSpirit i go kamdaun ane sidaun antap lo wan man, yu go sabe nau dat em da wan uda i go baptaiz yupla ol pipol wea da OliSpirit.” Ai bin luk prapa truwan wea ai blo mi, ane ai prapa spik trutok ya, em i da Boi blo God.’

Da dei apta diswan, Zon i bin stanap wea tu klostuman blo em. Wen Zon i bin luk Zizas i bin wagbaut kam klostu po dempla, Zon i bin spik, ‘Ei luk de, da Smolsip blo God.’ Wen demtu klostuman blo Zon i bin lisen wanem Zon bin spik, wa demtu bin wantaim go ane pole Zizas.
Wen Zizas i bin luk go biain ane luk demtu pole em, Zizas i aske demtu, ‘Wanem yutu wandem?’
Demtu ansa, ‘Raboni (dis wod i min ‘Tisa’). Wea yu stap?’
Zizas i ansa demtu, ‘Kam ane luk po yutuselp.’ So demtu i bin go ane luk wea em i stap. Ane demtu i bin mata stap de wea em ol aptanun. Diswan i bin baut po aklok aptanun taim.
Wan prom demtu klostuman blo Zon uda i bin lisen wanem Zon i bin tokbaut Zizas, em bin go ane pole Zizas. Neim blo em i bin Andru. Em bin gad nada bala, neim blo em i bin Saiman Pita. Pas ting Andru i bin mekem, em bin go lukraun po bala blo em, Saiman Pita ane em bin spik po em diskain, ‘Ei, mipla i bin paine da Masaia, da Promiswan uda God i go sanem.’ (Dis wod wea Griklangus i min ‘Kraist’).
Wa, Andru i bin teke Saiman kam de po Zizas. Wen Saiman i bin kam klostu, Zizas i bin wase em ane bin spik diskain po em, ‘Yu neim Saiman. Yu boi blo Zon. Wa, nau neim blo yu i Sepas.’ (Dis wod wea Griklangus i min ‘Pita’ ane i min ‘ston’ tu).

Da dei apta diswan, Zizas i bin meke main blo em po go po da eria blo Galali. So em bin go ane paine Pilip ane spik po em diskain, ‘Yu kam klostuman blo mi.’ Pilip i kam prom seimples neim Betsaida, wase Andru ane Pita.
Pilip i bin tekop go ane paine Natanial ane spik po em diskain, ‘Ei, mipla i bin paine em, da wan wea Mozes ane dem prapa longtaim spesilmesizman blo God i bin raitem baut. I em orait, Zizas. Em i da boi blo Zosep ane em i kam prom ples neim Nazaret.’
Natanial i bin spik diskain po Pilip, ‘Kole, wanem gudting i ken kamaut prom Nazaret?’
Pilip i bin spik po em, ‘Yu kam ane luk po yuselp.’
Wen Zizas i bin luk Natanial wagbaut kam klostu po em, Zizas i bin spik diskain, ‘Ei luk, diswan prapa man blo Izrael ya kam, uda i prapa no sabe tok eni laitok.’
Natanial i bin aske Zizas diskain, ‘Wiskain yu sabe wiskain man mi?’
Zizas i bin ansa em, ‘Bipo Pilip i bin spik yu po kam, ai bin pinis luk yu stanap de andanit lo wan pigtri.’
Natanial i bin ansabaik po Zizas diskain ya, ‘Tisa. Yu da Boi blo God. Yu king blo dem pipol blo Izrael.’
Zizas i bin ansabaik diskain, ‘Wen ai bin spik yu ai bin luk yu de andanit lo pigtri, yu bin mata bilib mi a? Wa. Yu go luk mi meke ol mobig samting prom demting ya wea yu bin luk i bin apen.’ Zizas i bin spik gen, ‘Ai spik trutok po yupla, yupla go luk lo ai bambai, dat ples de antap i go open ane ol einzel blo God i go lego kamdaun ane go antap gen po eben lo mi, da Truwan blo Man.’

Lyt til Zon tokbaut Zizas 1