<div class="version vid1388 iso6393yka" data-vid="1388" data-iso6393="yka">
 <div class="book bkGEN">
 <div class="chapter ch46" data-usfm="GEN.46">
 <div class="label">46</div><div class="s">P&#299; si Yakub hap lahat Misir</div><div class="p"> 1Manjari tahala&#42892; ne disi Yakub amban lahat Kana&#42892;an duk me&#42892; k&#275;monden. Pag tekka ne siye si Beer-sheba la&#42892;i si l&#257;n tudju Misir magkurban ne si Yakub si Tuhan iye pagtuhanan we&#42892; samane Ishakley. 2Pag sangem ne miss&#257; Tuhanin pu si Yakub, pa&#42892;inne, &#8220;O, Yakub, Yakub.&#8221; Nambung si Yakub, pa&#42892;inne, &#8220;Tiya&#42892; ku.&#8221; 3Pa&#42892;in Tuhanin, &#8220;Aku Tuhan pagtuhanan samanu ley. Da&#42892;a kew tinalew padurul p&#299; si Misir pegge&#42892; la&#42892;i pa&#42892;ekkaku tubu&#42892;nun duk kew manjari bangsa basag. 4Sawe&#42892;ante ka&#42892;am p&#299; si Misir duk si pas&#333;ngan t&#363;rananku du tubu&#42892;nun balik si Kana&#42892;an. Si Yusup du makeddem matanun bang kew matey.&#8221;</div><div class="p"> 5Manjari miya&#42892;an tahala&#42892; ne disi Yakub amban Beer-sheba. Pinasakey we&#42892; me&#42892; anakne lellahin si Yakub duk me&#42892; anakde madiki&#42892;in duk me&#42892; andaden diyata&#42892; me&#42892; kahdu bakas pinabo&#42892;ohan we&#42892; sultanin. 6Bino&#42892;o isab we&#42892; de me&#42892; hayepden duk me&#42892; alata&#42892;den duk k&#275;mon bakas ta&#42892;usahade la&#42892;i si lahat Kana&#42892;anin. 7S&#257; miya&#42892;an disi Yakub p&#299; si Misir magtuhut duk k&#275;mon me&#42892; anak-ampunen lella-dende. K&#275;mon siye me&#42892; tubu&#42892;nen magtuhut siye p&#299; si Misir.</div><div class="p"> 8Inin &#275;n me&#42892; tubu&#42892; si Yakub mapadurul p&#299; si Misirin. Me&#42892; anak si Yakub duk andane po&#42892;onin si Le&#42892;a: Si Ruben anak si Yakub sakahin;</div><div class="p"> 9duk me&#42892; anak si Ruben lellahin disi Hanok, si Pallu, si Hesron, duk si Karmi.</div><div class="p"> 10Simeon duk me&#42892; anakne lellahin disi Yemu&#42892;el, si Yamin, si Ohad, si Yakin, si Sohar duk si Sa&#42892;ul. Si Sa&#42892;ul miya&#42892;an anak Simeon duk andane bangsa Kana&#42892;an.</div><div class="p"> 11Si Lebi duk me&#42892; anakne lellahin disi Gereson, si Kohat, duk Merari.</div><div class="p"> 12Si Yahud duk me&#42892; anakne lellahin disi Er, si Onan, si Shela, si Peres duk si Sera. Saguwa&#42892; si Er duk si Onan ubus ne matey la&#42892;i si lahat Kana&#42892;an. Duk me&#42892; anak si Peres lellahin si Hesron, duk si Hamul.</div><div class="p"> 13Issakar duk me&#42892; anakne lellahin disi Tola, si Puwa, si Yasub, duk si Shimron.</div><div class="p"> 14Sebulon duk me&#42892; anakne lellahin disi Sered, si Elon, duk Yahle&#42892;el.</div><div class="p"> 15K&#275;mon me&#42892; a&#42892;a miya&#42892;an me&#42892; anak-ampu si Yakub duk si Le&#42892;a. K&#275;mon siye inanakan la&#42892;i si Paddan Aram. Niya&#42892; pe anakde dende in&#275;nan si Dina. Tellump&#363;&#42892; duk tellu tubu&#42892; si Yakub duk andanen si Le&#42892;a.</div><div class="p"> 16Inin me&#42892; tubu&#42892; si Yakub duk anda-andane si Silpa. &#274;n anakden si Gad duk si Aser. Me&#42892; anak si Gad lellahin disi Sipyon, si Haggi, si Shuni, si Esbon, si Eri, Arodi duk Ar&#42892;eli.</div><div class="p"> 17Me&#42892; anak si Aser lellahin disi Yimna, si Yishwa, si Yishwi, si Beria duk anakne dendehin in&#275;nan si Sera. Me&#42892; anak Beria lellahin si Heber duk Malki&#42892;el.</div><div class="p"> 18Siye miya&#42892;an me&#42892; anak-ampu si Silpa, iye dara&#42892;akan bakas pinangurung pu si Le&#42892;a we&#42892; samanen si Laban. Samp&#363;&#42892; duk ennem k&#275;mon siye me&#42892; anak-ampu si Silpa duk Yakubin.</div><div class="p"> 19Me&#42892; anak si Rakel anda si Yakub tugguhin: si Yusup duk Binyamin. 20Me&#42892; anak si Yusup inanakan la&#42892;i si Misirin si Manasse duk Eprayim. Siye miya&#42892;an me&#42892; anak si Yusup duk Asenat, anak Potipera imam amban On.</div><div class="p"> 21Me&#42892; anak Binyamin lellahin: disi Bela&#42892;, si Beker, si Ashbel, si Gera&#42892;, si Na&#42892;aman, si Ehi, si Rosh, si Muppim, si Huppim, duk si Ard.</div><div class="p"> 22Siye miya&#42892;an me&#42892; anak-ampu si Rakel duk si Yakub. K&#275;mon siye samp&#363;&#42892; duk ampat.</div><div class="p"> 23Inin me&#42892; tubu&#42892; si Yakub duk anda-andane si Bilha: si Dan duk anakne lellahin &#275;nnen si Husim.</div><div class="p"> 24Naptali duk me&#42892; anakne lellahin disi Yahse&#42892;el, si Guni, si Yeser, duk si Shillem.</div><div class="p"> 25Siye miya&#42892;an me&#42892; anak-ampu si Bilha, iye dara&#42892;akan bakas pinangurung pu si Rakel we&#42892; samanen si Laban. K&#275;mon anak-ampu si Bilha duk Yakubin pitu&#42892;.</div><div class="p"> 26K&#275;mon me&#42892; tubu&#42892; si Yakub matekka si Misirin, bukut me&#42892; eyu&#42892;annen ennemp&#363;&#42892; duk ennem ekkahanden k&#275;mon. 27Duk niya&#42892; pe duwe anak si Yusup inanakan si Misir sampay si Yusup ne duk si Yakub. Hangkan hep siye pitump&#363;&#42892; ekkahanden magtewtey&#42892;anakin la&#42892;i si Misir.</div><div class="p"> 28Manjari dina&#42892;ak we&#42892; si Yakub padehellu si Yahud p&#299; pu si Yusup makasampang iye si Gosen. 29Pag kata&#42892;uhan si Yusup we&#42892; la&#42892;i ne siye, magtawus memes si Yusup pasakeyannen bu p&#299; iye nampang samanen hap Gosen. Pag magkasuwa&#42892; ne siye kinekkepan we&#42892; si Yusup samanen duk tiggel siye magtangis. 30Ubus pa&#42892;in si Yakub pu si Yusup, &#8220;Na, kuwe&#42892;itu maglilla&#42892; ne ku matey pegge&#42892; takitete ne kew we&#42892; ellum pe kew.&#8221;</div><div class="p"> 31Manjari pa&#42892;in si Yusup si me pungtina&#42892;inen duk si me&#42892; usbanen k&#275;mon, &#8220;P&#299; ne ku ngakahan sultan Misirin we&#42892; tekka ne me&#42892; pungtina&#42892;ikun duk me&#42892; usbakun amban lahat Kana&#42892;an. 32Akahanku isab iye we&#42892; ka&#42892;am me&#42892; a&#42892;a magipat-ipat me&#42892; bili-bili duk me&#42892; sapi&#42892; duk we&#42892; tiya&#42892; ne bino&#42892;o we&#42892; bi me&#42892; hayepbin duk me&#42892; k&#275;monbin. 33Bang tawag sultanin ka&#42892;am duk tilewne ka&#42892;am bang ine hinang-hinangbin, 34nambung ka&#42892;am, pa&#42892;inun bi, &#8216;Kami, me&#42892; dara&#42892;akannun, k&#275;mon pangkatan kamihin magipat hayep kamuwe matu&#42892;uley sampay kuwe&#42892;itu.&#8217; Iye miya&#42892;an panambungun bi duk ka&#42892;am makajari patenna&#42892; tu&#42892;u si lahat Gosen inin. Pegge&#42892; k&#275;mon me&#42892; a&#42892;a magipat bili-bili lemmi&#42892; hep me&#42892; a&#42892;a Misirin si siye.&#8221;</div>
 </div>
 </div>
</div>

Manjari tahalaꞌ ne disi Yakub amban lahat Kanaꞌan duk meꞌ kēmonden. Pag tekka ne siye si Beer-sheba laꞌi si lān tudju Misir magkurban ne si Yakub si Tuhan iye pagtuhanan weꞌ samane Ishakley. Pag sangem ne missā Tuhanin pu si Yakub, paꞌinne, “O, Yakub, Yakub.” Nambung si Yakub, paꞌinne, “Tiyaꞌ ku.” Paꞌin Tuhanin, “Aku Tuhan pagtuhanan samanu ley. Daꞌa kew tinalew padurul pī si Misir peggeꞌ laꞌi paꞌekkaku tubuꞌnun duk kew manjari bangsa basag. Saweꞌante kaꞌam pī si Misir duk si pasōngan tūrananku du tubuꞌnun balik si Kanaꞌan. Si Yusup du makeddem matanun bang kew matey.”
Manjari miyaꞌan tahalaꞌ ne disi Yakub amban Beer-sheba. Pinasakey weꞌ meꞌ anakne lellahin si Yakub duk meꞌ anakde madikiꞌin duk meꞌ andaden diyataꞌ meꞌ kahdu bakas pinaboꞌohan weꞌ sultanin. Binoꞌo isab weꞌ de meꞌ hayepden duk meꞌ alataꞌden duk kēmon bakas taꞌusahade laꞌi si lahat Kanaꞌanin. Sā miyaꞌan disi Yakub pī si Misir magtuhut duk kēmon meꞌ anak-ampunen lella-dende. Kēmon siye meꞌ tubuꞌnen magtuhut siye pī si Misir.
Inin ēn meꞌ tubuꞌ si Yakub mapadurul pī si Misirin. Meꞌ anak si Yakub duk andane poꞌonin si Leꞌa: Si Ruben anak si Yakub sakahin;
duk meꞌ anak si Ruben lellahin disi Hanok, si Pallu, si Hesron, duk si Karmi.
Simeon duk meꞌ anakne lellahin disi Yemuꞌel, si Yamin, si Ohad, si Yakin, si Sohar duk si Saꞌul. Si Saꞌul miyaꞌan anak Simeon duk andane bangsa Kanaꞌan.
Si Lebi duk meꞌ anakne lellahin disi Gereson, si Kohat, duk Merari.
Si Yahud duk meꞌ anakne lellahin disi Er, si Onan, si Shela, si Peres duk si Sera. Saguwaꞌ si Er duk si Onan ubus ne matey laꞌi si lahat Kanaꞌan. Duk meꞌ anak si Peres lellahin si Hesron, duk si Hamul.
Issakar duk meꞌ anakne lellahin disi Tola, si Puwa, si Yasub, duk si Shimron.
Sebulon duk meꞌ anakne lellahin disi Sered, si Elon, duk Yahleꞌel.
Kēmon meꞌ aꞌa miyaꞌan meꞌ anak-ampu si Yakub duk si Leꞌa. Kēmon siye inanakan laꞌi si Paddan Aram. Niyaꞌ pe anakde dende inēnan si Dina. Tellumpūꞌ duk tellu tubuꞌ si Yakub duk andanen si Leꞌa.
Inin meꞌ tubuꞌ si Yakub duk anda-andane si Silpa. Ēn anakden si Gad duk si Aser. Meꞌ anak si Gad lellahin disi Sipyon, si Haggi, si Shuni, si Esbon, si Eri, Arodi duk Arꞌeli.
Meꞌ anak si Aser lellahin disi Yimna, si Yishwa, si Yishwi, si Beria duk anakne dendehin inēnan si Sera. Meꞌ anak Beria lellahin si Heber duk Malkiꞌel.
Siye miyaꞌan meꞌ anak-ampu si Silpa, iye daraꞌakan bakas pinangurung pu si Leꞌa weꞌ samanen si Laban. Sampūꞌ duk ennem kēmon siye meꞌ anak-ampu si Silpa duk Yakubin.
Meꞌ anak si Rakel anda si Yakub tugguhin: si Yusup duk Binyamin. Meꞌ anak si Yusup inanakan laꞌi si Misirin si Manasse duk Eprayim. Siye miyaꞌan meꞌ anak si Yusup duk Asenat, anak Potipera imam amban On.
Meꞌ anak Binyamin lellahin: disi Belaꞌ, si Beker, si Ashbel, si Geraꞌ, si Naꞌaman, si Ehi, si Rosh, si Muppim, si Huppim, duk si Ard.
Siye miyaꞌan meꞌ anak-ampu si Rakel duk si Yakub. Kēmon siye sampūꞌ duk ampat.
Inin meꞌ tubuꞌ si Yakub duk anda-andane si Bilha: si Dan duk anakne lellahin ēnnen si Husim.
Naptali duk meꞌ anakne lellahin disi Yahseꞌel, si Guni, si Yeser, duk si Shillem.
Siye miyaꞌan meꞌ anak-ampu si Bilha, iye daraꞌakan bakas pinangurung pu si Rakel weꞌ samanen si Laban. Kēmon anak-ampu si Bilha duk Yakubin pituꞌ.
Kēmon meꞌ tubuꞌ si Yakub matekka si Misirin, bukut meꞌ eyuꞌannen ennempūꞌ duk ennem ekkahanden kēmon. Duk niyaꞌ pe duwe anak si Yusup inanakan si Misir sampay si Yusup ne duk si Yakub. Hangkan hep siye pitumpūꞌ ekkahanden magtewteyꞌanakin laꞌi si Misir.
Manjari dinaꞌak weꞌ si Yakub padehellu si Yahud pī pu si Yusup makasampang iye si Gosen. Pag kataꞌuhan si Yusup weꞌ laꞌi ne siye, magtawus memes si Yusup pasakeyannen bu pī iye nampang samanen hap Gosen. Pag magkasuwaꞌ ne siye kinekkepan weꞌ si Yusup samanen duk tiggel siye magtangis. Ubus paꞌin si Yakub pu si Yusup, “Na, kuweꞌitu maglillaꞌ ne ku matey peggeꞌ takitete ne kew weꞌ ellum pe kew.”
Manjari paꞌin si Yusup si me pungtinaꞌinen duk si meꞌ usbanen kēmon, “Pī ne ku ngakahan sultan Misirin weꞌ tekka ne meꞌ pungtinaꞌikun duk meꞌ usbakun amban lahat Kanaꞌan. Akahanku isab iye weꞌ kaꞌam meꞌ aꞌa magipat-ipat meꞌ bili-bili duk meꞌ sapiꞌ duk weꞌ tiyaꞌ ne binoꞌo weꞌ bi meꞌ hayepbin duk meꞌ kēmonbin. Bang tawag sultanin kaꞌam duk tilewne kaꞌam bang ine hinang-hinangbin, nambung kaꞌam, paꞌinun bi, ‘Kami, meꞌ daraꞌakannun, kēmon pangkatan kamihin magipat hayep kamuwe matuꞌuley sampay kuweꞌitu.’ Iye miyaꞌan panambungun bi duk kaꞌam makajari patennaꞌ tuꞌu si lahat Gosen inin. Peggeꞌ kēmon meꞌ aꞌa magipat bili-bili lemmiꞌ hep meꞌ aꞌa Misirin si siye.”

Lyt til Panagnaꞌan 46