<div class="version vid1316 iso6393mta" data-vid="1316" data-iso6393="mta">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt1"><span class="content">Ini Denu Sa Igsulat I Mat&#233;yo</span></div><div class="ip"><span class="content">Na, egoh i H&#233;sus Kelistu neetaw diy&#224; tan&#224;, duen sa Sulutan etaw Loma eg-ipat sa tan&#224; ken&#224; sa medoo etaw Hudiyu. Huenan di, duen ma medoo sundalu etaw Loma dutu sied&#242; tan&#224; Hudiya. Egkelikutan ma sa medoo Hudiyu en&#249; ka egsuguen sa Sulutan kagda egpebayad diy&#224; sa gubilenu diy&#224; Loma sa eg-etuken di. Duen ma duma etaw Hudiyu atung egpeetuken di, huenan di egbulitan sa medoo duma da etaw Hudiyu kagda, labi pa dan&#224; di egpesubelawen da bayad sa eg-etuken da.</span></div><div class="ip"><span class="content">Si Mat&#233;yo ma sa atung egpeetuken sa Sulutan. Dodoo egoh i H&#233;sus migsas&#224; kenagdi, medelamet sinalidan di iya w&#233; galebek owoy mig-unut polo diy&#224; si H&#233;sus. Kagdi ma sa sebaen diy&#224; sa sepul&#249; owoy duwa tigtu pasek hinemil&#236; i H&#233;sus an&#236; tumegudon da denu sa kedat&#249; i Nemula.</span></div><div class="ip"><span class="content">Na, igsulat i Mat&#233;yo siini libelu an&#236; meketiig sa medoo duma di etaw Hudiyu denu sa igtul&#249; i H&#233;sus owoy denu sa medoo binaelan di. Igpetiig di diy&#224; kenagda si H&#233;sus tegeNasal&#233;t sa Tigtu Dat&#249; sinug&#249; i Nemula tinulon sa medoo tegesugkow di egoh anay. En&#249; ka igsulat da sa igpasad i Nemula egoh anay denu sa kepeangay di si Kelistu diy&#224; tan&#224;, kagdi sa hinemil&#236; i Nemula an&#236; umaluk kenagda. Huenan di, eg-angat-angatan sa medoo Hudiyu sa egoh i Nemula egpetuu sa igpasad di owoy eg-angat-angatan da ma sa ketebow sa Tigtu Dat&#249; sinug&#249; i Nemula. Huenan di, igsulat i Mat&#233;yo siini libelu an&#236; migtuu sa medoo Hudiyu si H&#233;sus sa Tigtu Dat&#249; hinemil&#236; i Nemula.</span></div>
        </div>
    </div>
</div>

Ini Denu Sa Igsulat I Matéyo
Na, egoh i Hésus Kelistu neetaw diyà tanà, duen sa Sulutan etaw Loma eg-ipat sa tanà kenà sa medoo etaw Hudiyu. Huenan di, duen ma medoo sundalu etaw Loma dutu siedò tanà Hudiya. Egkelikutan ma sa medoo Hudiyu enù ka egsuguen sa Sulutan kagda egpebayad diyà sa gubilenu diyà Loma sa eg-etuken di. Duen ma duma etaw Hudiyu atung egpeetuken di, huenan di egbulitan sa medoo duma da etaw Hudiyu kagda, labi pa danà di egpesubelawen da bayad sa eg-etuken da.
Si Matéyo ma sa atung egpeetuken sa Sulutan. Dodoo egoh i Hésus migsasà kenagdi, medelamet sinalidan di iya wé galebek owoy mig-unut polo diyà si Hésus. Kagdi ma sa sebaen diyà sa sepulù owoy duwa tigtu pasek hinemilì i Hésus anì tumegudon da denu sa kedatù i Nemula.
Na, igsulat i Matéyo siini libelu anì meketiig sa medoo duma di etaw Hudiyu denu sa igtulù i Hésus owoy denu sa medoo binaelan di. Igpetiig di diyà kenagda si Hésus tegeNasalét sa Tigtu Datù sinugù i Nemula tinulon sa medoo tegesugkow di egoh anay. Enù ka igsulat da sa igpasad i Nemula egoh anay denu sa kepeangay di si Kelistu diyà tanà, kagdi sa hinemilì i Nemula anì umaluk kenagda. Huenan di, eg-angat-angatan sa medoo Hudiyu sa egoh i Nemula egpetuu sa igpasad di owoy eg-angat-angatan da ma sa ketebow sa Tigtu Datù sinugù i Nemula. Huenan di, igsulat i Matéyo siini libelu anì migtuu sa medoo Hudiyu si Hésus sa Tigtu Datù hinemilì i Nemula.

Lyt til Matéyo Ini Denu Sa Igsulat I Matéyo