Maskelynes - 2013 Edition (Non-Drama NT)

<div class="version vid1247 iso6393klv" data-vid="1247" data-iso6393="klv">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Naulum&#771;an tokad naleprosi</div><div class="r">(Mak 1.40-45; Luk 5.12-16)</div><div class="p"> 1N&#477;bo&#331; aYesu tomari&#331; vi pan dan nav&#771;ehuh, nab&#771;iltiluv&#771;oh gail lohusuri. 2Beti naulum&#771;an tokad naleprosi eg&#477;m p&#477;pada&#331; h&#477;ni, iteh bathurien, ike, &#8220;Nasub&#771;, g&#477;b&#771;el&#477;&#331;oni, gol&#477;boi g&#477;b&#771;igol n&#477;b&#771;imaur, n&#477;b&#771;iveveu.#8.2 Nam&#477;sahan enan, naleprosi igol n&#477;vanuan tokade eb&#771;i&#331;b&#771;i&#331;al len nalotuan seJu gail hum tokele len nalo siMoses. Alat lotokad naleprosi l&#477;sal&#477;boi l&#477;b&#771;itoh mai n&#477;bathudud salito, be lutoh vivile dan navile.&#8221; 3Ale aYesu isar h&#477;n nav&#477;lan, ibari, ike, &#8220;Nol&#477;&#331;oni. Gimaur, giveveu!&#8221; V&#477;ha-sua &#331;ai, naleprosi san em&#477;kaskas, gai iveveu. 4Beti aYesu ikel maii ke, &#8220;Sagikele mai avan ideh, be gia v&#771;usan nibem&#771; h&#477;n ahai tutumav, ale getutumav h&#477;n naviolan aMoses tokel toda&#331; h&#477;ni h&#477;n b&#771;ev&#771;usan s&#477;hot galito ke gotomaur.&#8221;#Lev 14.1-32</div><div class="s">Naslev sinasenturion</div><div class="r">(Luk 7.1-10)</div><div class="p"> 5N&#477;bo&#331; aYesu tobar naut a Kapernaum, nasenturion, nasoltia sua tovi auleRom eg&#477;m h&#477;ni, e&#331;iri ke, 6&#8220;Nasub&#771;, naslev sagw, a-vi-tarh&#477;te-an sagw ipat len n&#477;mel a im, nahudhuben imat ale el&#477;&#331;on isa v&#477;sa.&#8221; 7AYesu ikel maii ke, &#8220;Ale nia gol timaur beti.&#8221; 8Be nasenturion ike, &#8220;Nasub&#771;, n&#477;sanor kasi h&#477;n g&#477;b&#771;eg&#477;m vi lohoim sagw. Be g&#477;b&#771;ikele &#331;ai, naslev sagw dereh timaur. 9Husur ginau am nutoh pipihab&#477;lan nakomada gail, ale nasoltia gail lutoh pipihab&#477;lagw. Nukel mai tosua ke, &#8216;Givan!&#8217; ale ivan, nukel mai sual am ke, &#8216;G&#477;mai!&#8217; ale eg&#477;mai, ale nukel mai naslev sagw ke, &#8216;Gol nategai!&#8217; ale igole.&#8221;</div><div class="p"> 10N&#477;bo&#331; aYesu tos&#477;s&#477;lo&#331; h&#477;ni tono&#331; ip&#771;a&#331; ale ikel mai alat lotohusuri ke, &#8220;Nukel nakitinan mai gamit ke, len alat a Israel n&#477;s&#477;sab&#771; avan ideh tokad nad&#477;lomian tosum&#771;an nab&#771;iltid&#477;lomian sitegai. 11Nukel mai gamit ke, isob&#771;ur l&#477;savi Ju dereh leg&#477;m len nais mai nawes, h&#477;n l&#477;b&#771;ihan len nab&#771;iltihanan mai aApraham mai aIsak mai aJakop len natohan pipihab&#477;lan aGot len n&#477;mav. 12Avil anatun gail sinatohan pipihab&#477;lan aGot, aGot dereh tibar h&#477;n galit vi tut vi lan n&#477;margobut. Len naut enan dereh lita&#331;, lides batriv&#771;oriv&#771;.&#8221;</div><div class="p"> 13Beti aYesu ikel mai nasenturion ke, &#8220;Givan. Bathut ke gotod&#477;lomi ke b&#771;imaienan, timaienan m&#771;os gaiug.&#8221; Ale len namityal enan &#331;ai naslev san imaur.</div><div class="s">AYesu igol isob&#771;ur lumaur</div><div class="r">(Mak 1.29-34; Luk 4.38-41)</div><div class="p"> 14N&#477;bo&#331; aYesu tovi lohoim sePita, eris anan asoan aPita topat len n&#477;mel, topud h&#477;n nam&#477;sahan. 15AYesu ibar nav&#477;lan ale nam&#477;sahan ivan dani. Beti alitenan ile m&#477;hat, etub&#771;at lav n&#477;hanian maii.</div><div class="p"> 16N&#477;bo&#331; nab&#477;&#331; tois, n&#477;vanuan gail los&#477;har n&#477;vanuan isob&#771;ur lotokad nat&#477;mat gail van h&#477;ni. Len nasoruan sua &#331;ai ehut nanunun tosa gail dan galito. Ale igol galit p&#771;isi lotom&#477;sah, lumaur. 17Imagenan, n&#477;sa aGot tokele len nabu&#331;on ahai kelkel ur, aIsaiah, isarpoh toke: &#8220;Igol gidat datumaur dan n&#477;sa tom&#477;das gidato, ilav kuv nam&#477;sahan sidat vi tut.&#8221;#Isa 53.4</div><div class="s">Na-husur-aYesu-an imabe?</div><div class="r">(Luk 9.57-62)</div><div class="p"> 18N&#477;bo&#331; aYesu toris nab&#771;iltiluv&#771;oh lotoil dar visi, ikele h&#477;n ahai susur san gail ke liwol kotov nab&#771;iltiwai vi tarh&#477;te. 19Beti ahai p&#771;usan h&#477;n nalo eg&#477;m h&#477;ni ike, &#8220;Hai p&#771;usan, dereh nehusur gaiug vi lan naut p&#771;isi g&#477;b&#771;evi lan!&#8221; 20AYesu isor vari ke, &#8220;Nafoks gail lukad nab&#771;ur pat&#477;pat halito len tan, n&#477;man nam&#477;sav gail lukad n&#477;hai &#331;od&#331;od, be aNatun N&#477;vanuan s&#477;kad naut ideh h&#477;n b&#771;ipat turu&#331; lan, h&#477;n b&#771;i&#331;av&#331;av.&#8221; 21Ahai susur san sual am ikel maii ke, &#8220;Nasub&#771;, gidam&#771; h&#477;n ginau nia tavun at&#477;magw bai, beti nehusur gaiug.&#8221; 22Ris aYesu toke, &#8220;Gehusur ginau! Ri&#331; alat lotomat litavun n&#477;vanuan salit gail lotomat.&#8221;</div><div class="s">AYesu igol n&#477;lan mai nab&#771;iltiwai arot&#477;m&#771;at</div><div class="r">(Mak 4.35-41; Luk 8.22-25)</div><div class="p"> 23N&#477;bo&#331; aYesu tosah len nab&#771;ot, ahai susur san gail lohusuri ale lotub&#771;at wol kotov nab&#771;iltiwai. 24V&#477;ha-sua &#331;ai n&#477;lan toda&#331; igol nab&#771;iltiwai ekudkud masuv&#771; gol ke n&#477;wai topus p&#477;pada&#331; h&#477;n b&#771;ipah d&#477;lom nab&#771;ot. Avil aYesu ipatmari. 25Ahai susur gail luvan h&#477;ni, lov&#477;&#331;oni, luke, &#8220;Nasub&#771;, Sanamtimasig! Datomun!&#8221; 26Ris aYesu toke, &#8220;M&#477;tom&#477;tahw mabe? Nad&#477;lomian samit em&#771;idol, ek&#477;kereh masuv&#771;!&#8221; Beti ile m&#477;hat, esivoh len n&#477;lan mai nab&#771;iltiwai, ale naut et&#477;m&#771;at t&#477;tas. 27Ale ahai susur gail luma&#331;ma&#331;, luke, &#8220;Naulum&#771;an tomabe gagai? N&#477;lan mai nab&#771;iltiwai am lugol n&#477;sa tokele!&#8221;</div><div class="s">AYesu igol alaruevis arumaur dan nat&#477;mat gail</div><div class="r">(Mak 5.1-20; Luk 8.26-39)</div><div class="p"> 28N&#477;bo&#331; aYesu tobar n&#477;tarh&#477;wai len naut a Katara, naulum&#771;an eru artokad nat&#477;mat gail len g&#477;laru, arog&#477;m len nab&#771;urhuvat n&#477;matan gail, arobubur maii. Arugolgol nas&#477;nahan tosa gol ke avan ideh ed&#477;das b&#771;iyar tur len naut enan. 29Arukai ke, &#8220;ANatun aGot, gaiug savi h&#477;n g&#477;b&#771;em&#477;das ginamito. Gog&#477;m gegai a tahw h&#477;n n&#477;bo&#331; tonor h&#477;ni h&#477;n namtb&#771;ipanis a?&#8221; 30A tut h&#477;n galito ikad nav&#477;sh&#477;buai lotosob&#771;ur lotohan. 31Ale nat&#477;mat gail lo&#331;iri ke, &#8220;G&#477;b&#771;ehut ginamito, s&#477;vat ginamit vi lan nav&#477;sh&#477;buai.&#8221; 32Ale ikel mai galit ke, &#8220;Vi tut!&#8221; &#330;a luvan dan g&#477;laru, lob&#771;is len nabuai gail. Ale nav&#477;sh&#477;buai p&#771;isi lugam sarmar mari&#331; vi lan nab&#771;iltiwai. Lumat p&#771;isi ei.</div><div class="p"> 33Alat lotok&#477;tk&#477;ta t&#477;ban nabuai gail lugam vi lan nab&#771;iltivile. Ale lukel ur natit p&#771;isi mai n&#477;sa tovisi h&#477;n alaruenan artokad nat&#477;mat gail. 34Beti n&#477;vanuan p&#771;isi len nab&#771;iltivile luvan h&#477;n l&#477;b&#771;ib&#771;onb&#771;on mai aYesu. Ale n&#477;bo&#331; lotorisi, lo&#331;iri ke teri&#331; naut salit gail.</div>
 </div>
 </div>
</div>

Nǝboŋ aYesu tomariŋ vi pan dan naṽehuh, nab̃iltiluṽoh gail lohusuri. Beti naulum̃an tokad naleprosi egǝm pǝpadaŋ hǝni, iteh bathurien, ike, “Nasub̃, gǝb̃elǝŋoni, golǝboi gǝb̃igol nǝb̃imaur, nǝb̃iveveu.” Ale aYesu isar hǝn navǝlan, ibari, ike, “Nolǝŋoni. Gimaur, giveveu!” Vǝha-sua ŋai, naleprosi san emǝkaskas, gai iveveu. Beti aYesu ikel maii ke, “Sagikele mai avan ideh, be gia ṽusan nibem̃ hǝn ahai tutumav, ale getutumav hǝn naviolan aMoses tokel todaŋ hǝni hǝn b̃eṽusan sǝhot galito ke gotomaur.”


Nǝboŋ aYesu tobar naut a Kapernaum, nasenturion, nasoltia sua tovi auleRom egǝm hǝni, eŋiri ke, “Nasub̃, naslev sagw, a-vi-tarhǝte-an sagw ipat len nǝmel a im, nahudhuben imat ale elǝŋon isa vǝsa.” AYesu ikel maii ke, “Ale nia gol timaur beti.” Be nasenturion ike, “Nasub̃, nǝsanor kasi hǝn gǝb̃egǝm vi lohoim sagw. Be gǝb̃ikele ŋai, naslev sagw dereh timaur. Husur ginau am nutoh pipihabǝlan nakomada gail, ale nasoltia gail lutoh pipihabǝlagw. Nukel mai tosua ke, ‘Givan!’ ale ivan, nukel mai sual am ke, ‘Gǝmai!’ ale egǝmai, ale nukel mai naslev sagw ke, ‘Gol nategai!’ ale igole.”
Nǝboŋ aYesu tosǝsǝloŋ hǝni tonoŋ ip̃aŋ ale ikel mai alat lotohusuri ke, “Nukel nakitinan mai gamit ke, len alat a Israel nǝsǝsab̃ avan ideh tokad nadǝlomian tosum̃an nab̃iltidǝlomian sitegai. Nukel mai gamit ke, isob̃ur lǝsavi Ju dereh legǝm len nais mai nawes, hǝn lǝb̃ihan len nab̃iltihanan mai aApraham mai aIsak mai aJakop len natohan pipihabǝlan aGot len nǝmav. Avil anatun gail sinatohan pipihabǝlan aGot, aGot dereh tibar hǝn galit vi tut vi lan nǝmargobut. Len naut enan dereh litaŋ, lides batriṽoriṽ.”
Beti aYesu ikel mai nasenturion ke, “Givan. Bathut ke gotodǝlomi ke b̃imaienan, timaienan m̃os gaiug.” Ale len namityal enan ŋai naslev san imaur.


Nǝboŋ aYesu tovi lohoim sePita, eris anan asoan aPita topat len nǝmel, topud hǝn namǝsahan. AYesu ibar navǝlan ale namǝsahan ivan dani. Beti alitenan ile mǝhat, etub̃at lav nǝhanian maii.
Nǝboŋ nabǝŋ tois, nǝvanuan gail losǝhar nǝvanuan isob̃ur lotokad natǝmat gail van hǝni. Len nasoruan sua ŋai ehut nanunun tosa gail dan galito. Ale igol galit p̃isi lotomǝsah, lumaur. Imagenan, nǝsa aGot tokele len nabuŋon ahai kelkel ur, aIsaiah, isarpoh toke: “Igol gidat datumaur dan nǝsa tomǝdas gidato, ilav kuv namǝsahan sidat vi tut.”


Nǝboŋ aYesu toris nab̃iltiluṽoh lotoil dar visi, ikele hǝn ahai susur san gail ke liwol kotov nab̃iltiwai vi tarhǝte. Beti ahai p̃usan hǝn nalo egǝm hǝni ike, “Hai p̃usan, dereh nehusur gaiug vi lan naut p̃isi gǝb̃evi lan!” AYesu isor vari ke, “Nafoks gail lukad nab̃ur patǝpat halito len tan, nǝman namǝsav gail lukad nǝhai ŋodŋod, be aNatun Nǝvanuan sǝkad naut ideh hǝn b̃ipat turuŋ lan, hǝn b̃iŋavŋav.” Ahai susur san sual am ikel maii ke, “Nasub̃, gidam̃ hǝn ginau nia tavun atǝmagw bai, beti nehusur gaiug.” Ris aYesu toke, “Gehusur ginau! Riŋ alat lotomat litavun nǝvanuan salit gail lotomat.”


Nǝboŋ aYesu tosah len nab̃ot, ahai susur san gail lohusuri ale lotub̃at wol kotov nab̃iltiwai. Vǝha-sua ŋai nǝlan todaŋ igol nab̃iltiwai ekudkud masuṽ gol ke nǝwai topus pǝpadaŋ hǝn b̃ipah dǝlom nab̃ot. Avil aYesu ipatmari. Ahai susur gail luvan hǝni, lovǝŋoni, luke, “Nasub̃, Sanamtimasig! Datomun!” Ris aYesu toke, “Mǝtomǝtahw mabe? Nadǝlomian samit em̃idol, ekǝkereh masuṽ!” Beti ile mǝhat, esivoh len nǝlan mai nab̃iltiwai, ale naut etǝm̃at tǝtas. Ale ahai susur gail lumaŋmaŋ, luke, “Naulum̃an tomabe gagai? Nǝlan mai nab̃iltiwai am lugol nǝsa tokele!”


Nǝboŋ aYesu tobar nǝtarhǝwai len naut a Katara, naulum̃an eru artokad natǝmat gail len gǝlaru, arogǝm len nab̃urhuvat nǝmatan gail, arobubur maii. Arugolgol nasǝnahan tosa gol ke avan ideh edǝdas b̃iyar tur len naut enan. Arukai ke, “ANatun aGot, gaiug savi hǝn gǝb̃emǝdas ginamito. Gogǝm gegai a tahw hǝn nǝboŋ tonor hǝni hǝn namtb̃ipanis a?” A tut hǝn galito ikad navǝshǝbuai lotosob̃ur lotohan. Ale natǝmat gail loŋiri ke, “Gǝb̃ehut ginamito, sǝvat ginamit vi lan navǝshǝbuai.” Ale ikel mai galit ke, “Vi tut!” Ŋa luvan dan gǝlaru, lob̃is len nabuai gail. Ale navǝshǝbuai p̃isi lugam sarmar mariŋ vi lan nab̃iltiwai. Lumat p̃isi ei.
Alat lotokǝtkǝta tǝban nabuai gail lugam vi lan nab̃iltivile. Ale lukel ur natit p̃isi mai nǝsa tovisi hǝn alaruenan artokad natǝmat gail. Beti nǝvanuan p̃isi len nab̃iltivile luvan hǝn lǝb̃ib̃onb̃on mai aYesu. Ale nǝboŋ lotorisi, loŋiri ke teriŋ naut salit gail.

Lyt til Mattiu 8