Datguddiad 19:12-13

Rhanna

Datguddiad 19:12-13 beibl.net 2015, 2024 (BNET)

Roedd ei lygaid fel fflam dân, ac roedd llawer o goronau ar ei ben. Roedd ganddo enw wedi’i ysgrifennu arno, a neb yn gwybod yr enw ond fe’i hun. Roedd yn gwisgo dillad oedd wedi’u trochi mewn gwaed, a’i enw oedd ‘Gair Duw’.

Datguddiad 19:12-13 Beibl Cymraeg Newydd Diwygiedig 2004 (BCND)

Yr oedd ei lygaid fel fflam dân, ac ar ei ben yr oedd diademau lawer. Yn ysgrifenedig arno yr oedd enw na wyddai neb ond ef ei hun. Yr oedd y fantell amdano wedi ei throchi mewn gwaed, ac fe'i galwyd wrth yr enw Gair Duw.

Datguddiad 19:12-13 Beibl William Morgan - Argraffiad 1955 (BWM)

A’i lygaid oedd fel fflam dân, ac ar ei ben yr oedd coronau lawer: ac yr oedd ganddo enw yn ysgrifenedig, yr hwn ni wyddai neb ond efe ei hun: Ac yr oedd wedi ei wisgo â gwisg wedi ei throchi mewn gwaed: a gelwir ei enw ef, Gair Duw.