Datguddiad 1:14-17
Datguddiad 1:14-17 Beibl Cymraeg Newydd Diwygiedig 2004 (BCND)
Yr oedd gwallt ei ben yn wyn fel gwlân, cyn wynned â'r eira, a'i lygaid fel fflam dân. Yr oedd ei draed fel pres gloyw, fel petai wedi ei buro mewn ffwrnais, a'i lais fel sŵn llawer o ddyfroedd. Yn ei law dde yr oedd ganddo saith seren, ac o'i enau yr oedd cleddyf llym daufiniog yn dod allan, ac yr oedd ei wyneb yn disgleirio fel yr haul yn ei anterth. Pan welais ef, syrthiais wrth ei draed fel un marw; gosododd yntau ei law dde arnaf, a dywedodd, “Paid ag ofni; myfi yw'r cyntaf a'r olaf
Datguddiad 1:14-17 beibl.net 2015, 2024 (BNET)
Roedd ganddo lond pen o wallt oedd yn wyn fel gwlân neu eira, ac roedd sbarc yn ei lygaid fel fflamau o dân. Roedd ei draed yn gloywi fel efydd mewn ffwrnais, a’i lais fel sŵn rhaeadrau o ddŵr. Yn ei law dde roedd yn dal saith seren, ac roedd cleddyf miniog yn dod allan o’i geg. Roedd ei wyneb yn disgleirio’n llachar fel yr haul ganol dydd. Pan welais e, dyma fi’n llewygu wrth ei draed. Yna cyffyrddodd fi â’i law dde, a dweud wrtho i: “Paid bod ag ofn. Fi ydy’r Cyntaf a’r Olaf
Datguddiad 1:14-17 Beibl William Morgan - Argraffiad 1955 (BWM)
Ei ben ef a’i wallt oedd wynion fel gwlân, cyn wynned â’r eira; a’i lygaid fel fflam dân; A’i draed yn debyg i bres coeth, megis yn llosgi mewn ffwrn; a’i lais fel sŵn llawer o ddyfroedd. Ac yr oedd ganddo yn ei law ddeau saith seren: ac o’i enau yr oedd cleddau llym daufiniog yn dyfod allan: a’i wynepryd fel yr haul yn disgleirio yn ei nerth. A phan welais ef, mi a syrthiais wrth ei draed ef fel marw. Ac efe a osododd ei law ddeau arnaf fi, gan ddywedyd wrthyf, Nac ofna; myfi yw’r cyntaf a’r diwethaf