Salm 96:11-13
Salm 96:11-13 beibl.net 2015, 2024 (BNET)
Boed i’r nefoedd a’r ddaear ddathlu’n llawen. Boed i’r môr a phopeth sydd ynddo weiddi. Boed i’r caeau a’u cnydau ddathlu. Bydd holl goed y goedwig yn siffrwd yn llawen o flaen yr ARGLWYDD, am ei fod yn dod – mae’n dod i roi trefn ar y ddaear. Bydd yn barnu’r byd yn hollol deg, a’r bobloedd i gyd ar sail beth sy’n wir.
Salm 96:11-13 Beibl Cymraeg Newydd Diwygiedig 2004 (BCND)
Bydded y nefoedd yn llawen a gorfoledded y ddaear; rhued y môr a'r cyfan sydd ynddo, llawenyched y maes a phopeth sydd ynddo. Yna bydd holl brennau'r goedwig yn canu'n llawen o flaen yr ARGLWYDD, oherwydd y mae'n dod, oherwydd y mae'n dod i farnu'r ddaear. Bydd yn barnu'r byd â chyfiawnder, a'r bobloedd â'i wirionedd.
Salm 96:11-13 Beibl William Morgan - Argraffiad 1955 (BWM)
Llawenhaed y nefoedd, a gorfoledded y ddaear; rhued y môr a’i gyflawnder. Gorfoledded y maes, a’r hyn oll y sydd ynddo: yna holl brennau y coed a ganant. O flaen yr ARGLWYDD; canys y mae yn dyfod, canys y mae yn dyfod i farnu y ddaear: efe a farna y byd trwy gyfiawnder, a’r bobloedd â’i wirionedd.