Salm 5:11-12
Salm 5:11-12 beibl.net 2015, 2024 (BNET)
Ond gad i bawb sy’n troi atat ti am loches fod yn llawen! Gad iddyn nhw orfoleddu am byth! Cysgoda drostyn nhw, er mwyn i’r rhai sy’n caru dy enw di gael dathlu. Oherwydd byddi di’n bendithio’r rhai cyfiawn, O ARGLWYDD; bydd dy ffafr fel tarian fawr o’u cwmpas nhw.
Salm 5:11-12 Beibl Cymraeg Newydd Diwygiedig 2004 (BCND)
Ond bydded i bawb sy'n llochesu ynot ti lawenhau, a chanu mewn llawenydd yn wastad; bydd yn amddiffyn dros y rhai sy'n caru dy enw, fel y bydd iddynt orfoleddu ynot ti. Oherwydd yr wyt ti, ARGLWYDD, yn bendithio'r cyfiawn, ac y mae dy ffafr yn ei amddiffyn fel tarian.
Salm 5:11-12 Beibl William Morgan - Argraffiad 1955 (BWM)
Ond llawenhaed y rhai oll a ymddiriedant ynot ti: llafarganant yn dragywydd, am i ti orchuddio drostynt: a’r rhai a garant dy enw, gorfoleddant ynot. Canys ti, ARGLWYDD, a fendithi y cyfiawn: â charedigrwydd megis â tharian y coroni di ef.