Luc 9:2-4
Luc 9:2-4 Beibl Cymraeg Newydd Diwygiedig 2004 (BCND)
Yna anfonodd hwy allan i gyhoeddi teyrnas Dduw ac i iacháu'r cleifion. Meddai wrthynt, “Peidiwch â chymryd dim ar gyfer y daith, na ffon na chod na bara nac arian, na bod â dau grys yr un. I ba dŷ bynnag yr ewch, arhoswch yno nes y byddwch yn ymadael â'r ardal
Luc 9:2-4 beibl.net 2015, 2024 (BNET)
Yna anfonodd nhw allan i gyhoeddi bod Duw yn teyrnasu, ac i iacháu pobl. Dwedodd wrthyn nhw: “Peidiwch mynd â dim byd gyda chi – dim ffon, dim bag teithio, dim bwyd, dim arian, dim hyd yn oed dillad sbâr. Pan gewch groeso yng nghartre rhywun, arhoswch yno nes byddwch chi’n gadael y dre.
Luc 9:2-4 Beibl William Morgan - Argraffiad 1955 (BWM)
Ac efe a’u hanfonodd hwynt i bregethu teyrnas Dduw, ac i iacháu’r rhai cleifion. Ac efe a ddywedodd wrthynt, Na chymerwch ddim i’r daith, na ffyn nac ysgrepan, na bara, nac arian; ac na fydded gennych ddwy bais bob un. Ac i ba dŷ bynnag yr eloch i mewn, arhoswch yno, ac oddi yno ymadewch.