Eseia 45:18-19
Eseia 45:18-19 beibl.net 2015, 2024 (BNET)
Dyma mae’r ARGLWYDD yn ei ddweud, sef Crëwr y nefoedd, yr unig Dduw, a wnaeth y ddaear, ei siapio a’i gosod yn ei lle – nid i fod yn ddiffaith, ond i bobl fyw arni: “Fi ydy’r ARGLWYDD, does dim un arall. Dw i ddim wedi siarad yn gyfrinachol, mewn rhyw le tywyll. Wnes i ddim dweud wrth blant Jacob, ‘Edrychwch amdana i i ddim pwrpas.’ – Dw i, yr ARGLWYDD, yn dweud beth sy’n iawn, ac yn dweud y gwir.
Eseia 45:18-19 Beibl Cymraeg Newydd Diwygiedig 2004 (BCND)
Dyma a ddywed yr ARGLWYDD, creawdwr y nefoedd, yr un sy'n Dduw, lluniwr y ddaear a'i gwneuthurwr, yr un a'i sefydlodd, yr un a'i creodd, nid i fod yn afluniaidd, ond a'i ffurfiodd i'w phreswylio: “Myfi yw'r ARGLWYDD, ac nid oes arall; nid mewn dirgelwch y lleferais, nid mewn man tywyll o'r ddaear; ni ddywedais wrth feibion Jacob, ‘Ceisiwch fi mewn anhrefn.’ Myfi, yr ARGLWYDD, yw'r un sy'n llefaru cyfiawnder, ac yn mynegi uniondeb.
Eseia 45:18-19 Beibl William Morgan - Argraffiad 1955 (BWM)
Canys fel hyn y dywed yr ARGLWYDD, Creawdydd y nefoedd, y DUW ei hun a luniodd y ddaear, ac a’i gwnaeth; efe a’i sicrhaodd hi, ni chreodd hi yn ofer, i’w phreswylio y lluniodd hi: Myfi yw yr ARGLWYDD, ac nid neb amgen. Ni leferais mewn dirgelwch, mewn man tywyll o’r ddaear; ni ddywedais wrth had Jacob, Ceisiwch fi yn ofer. Myfi yr ARGLWYDD wyf yn llefaru cyfiawnder, ac yn mynegi pethau uniawn.