Genesis 18:18-19
Genesis 18:18-19 beibl.net 2015, 2024 (BNET)
Mae cenedl fawr gref yn mynd i ddod o Abraham, a bydd gwledydd y byd i gyd yn cael eu bendithio drwyddo. Na, dw i’n mynd i ddweud wrtho. Dw i eisiau iddo ddysgu ei blant a phawb sydd gydag e i fyw fel mae’r ARGLWYDD am iddyn nhw fyw, a gwneud beth sy’n iawn ac yn deg. Wedyn bydd yr ARGLWYDD yn dod â’r addewid wnaeth e i Abraham yn wir.”
Genesis 18:18-19 Beibl Cymraeg Newydd Diwygiedig 2004 (BCND)
oherwydd yn ddiau daw Abraham yn genedl fawr a chref, a bendithir holl genhedloedd y ddaear ynddo? Na, fe'i hysbysaf, er mwyn iddo orchymyn i'w blant a'i dylwyth ar ei ôl gadw ffordd yr ARGLWYDD a gwneud cyfiawnder a barn, fel y bydd i'r ARGLWYDD gyflawni ei air i Abraham.”
Genesis 18:18-19 Beibl William Morgan - Argraffiad 1955 (BWM)
Canys Abraham yn ddiau a fydd yn genhedlaeth fawr a chref, ac ynddo ef y bendithir holl genhedloedd y ddaear. Canys mi a’i hadwaen ef, y gorchymyn efe i’w blant, ac i’w dylwyth ar ei ôl, gadw ohonynt ffordd yr ARGLWYDD, gan wneuthur cyfiawnder a barn; fel y dygo’r ARGLWYDD ar Abraham yr hyn a lefarodd efe amdano.