Eseciel 37:9-10
Eseciel 37:9-10 beibl.net 2015, 2024 (BNET)
A dyma’r ARGLWYDD yn dweud wrtho i, “Proffwyda i’r anadl ddod. Ddyn, proffwyda a dweud, ‘Dyma mae’r ARGLWYDD, y Meistr, yn ei ddweud: Tyrd anadl, o’r pedwar gwynt. Anadla ar y cyrff yma, iddyn nhw ddod yn ôl yn fyw.’” Felly, dyma fi’n proffwydo fel roedd Duw wedi dweud wrtho i a dyma nhw’n dechrau anadlu. Roedden nhw’n fyw! A dyma nhw’n sefyll ar eu traed, yn un fyddin enfawr.
Eseciel 37:9-10 Beibl Cymraeg Newydd Diwygiedig 2004 (BCND)
Yna dywedodd wrthyf, “Proffwyda wrth yr anadl; proffwyda, fab dyn, a dywed wrth yr anadl, ‘Fel hyn y dywed yr Arglwydd DDUW: O anadl, tyrd o'r pedwar gwynt, ac anadla ar y lladdedigion hyn, iddynt fyw.’ ” Proffwydais fel y gorchmynnwyd imi, a daeth anadl iddynt ac aethant yn fyw, a chodi ar eu traed yn fyddin gref iawn.
Eseciel 37:9-10 Beibl William Morgan - Argraffiad 1955 (BWM)
Ac efe a ddywedodd wrthyf, Proffwyda tua’r gwynt, proffwyda, fab dyn, a dywed wrth y gwynt. Fel hyn y dywed yr Arglwydd DDUW; O anadl, tyred oddi wrth y pedwar gwynt, ac anadla ar y lladdedigion hyn, fel y byddont byw. Felly y proffwydais fel y’m gorchmynasid; a’r anadl a ddaeth ynddynt, a buant fyw, a safasant ar eu traed, yn llu mawr iawn.