Daniel 12:2-3
Daniel 12:2-3 Beibl Cymraeg Newydd Diwygiedig 2004 (BCND)
Bydd llawer o'r rhai sy'n cysgu yn llwch y ddaear yn deffro, rhai i fywyd tragwyddol, a rhai i waradwydd a dirmyg tragwyddol. Disgleiria'r deallus fel y ffurfafen, a'r rhai sydd wedi troi llawer at gyfiawnder, byddant fel y sêr yn oes oesoedd.
Daniel 12:2-3 beibl.net 2015, 2024 (BNET)
Bydd llawer o’r rhai sy’n gorwedd yn farw, wedi’u claddu ym mhridd y ddaear, yn deffro – rhai i fywyd tragwyddol ac eraill i gywilydd bodolaeth ffiaidd. Ond bydd y rhai doeth yn disgleirio fel golau dydd. Bydd y rhai sy’n arwain y werin bobl i fyw mewn perthynas iawn â Duw yn disgleirio fel sêr am byth bythoedd.
Daniel 12:2-3 Beibl William Morgan - Argraffiad 1955 (BWM)
A llawer o’r rhai sydd yn cysgu yn llwch y ddaear a ddeffroant, rhai i fywyd tragwyddol, a rhai i warth a dirmyg tragwyddol. A’r doethion a ddisgleiriant fel disgleirdeb y ffurfafen; a’r rhai a droant lawer i gyfiawnder, a fyddant fel y sêr byth yn dragywydd.