Colosiaid 3:17-19
Colosiaid 3:17-19 beibl.net 2015, 2024 (BNET)
Gwnewch bopeth gan gofio eich bod yn cynrychioli yr Arglwydd Iesu Grist – ie, popeth! – popeth dych chi’n ei ddweud a’i wneud. Dyna sut dych chi’n dangos eich diolch i Dduw. Rhaid i chi’r gwragedd fod yn atebol i’ch gwŷr – dyna’r peth iawn i bobl yr Arglwydd ei wneud. Rhaid i chi’r gwŷr garu’ch gwragedd a pheidio byth bod yn gas wrthyn nhw.
Colosiaid 3:17-19 Beibl Cymraeg Newydd Diwygiedig 2004 (BCND)
Beth bynnag yr ydych yn ei wneud, ar air neu ar weithred, gwnewch bopeth yn enw yr Arglwydd Iesu, gan roi diolch i Dduw, y Tad, drwyddo ef. Chwi wragedd, byddwch ddarostyngedig i'ch gwŷr; hyn yw eich dyletswydd fel pobl yr Arglwydd. Chwi wŷr, carwch eich gwragedd, a pheidiwch â bod yn llym wrthynt.
Colosiaid 3:17-19 Beibl William Morgan - Argraffiad 1955 (BWM)
A pha beth bynnag a wneloch, ar air neu ar weithred, gwnewch bob peth yn enw’r Arglwydd Iesu, gan ddiolch i Dduw a’r Tad trwyddo ef. Y gwragedd, ymostyngwch i’ch gwŷr priod, megis y mae yn weddus yn yr Arglwydd. Y gwŷr, cerwch eich gwragedd, ac na fyddwch chwerwon wrthynt.