2 Pedr 2:4-5
2 Pedr 2:4-5 Beibl Cymraeg Newydd Diwygiedig 2004 (BCND)
Oherwydd nid arbedodd Duw yr angylion a bechodd; traddododd hwy i garchar tywyll uffern, i'w cadw hyd y Farn. Nid arbedodd yr hen fyd chwaith, er iddo ddiogelu Noa, pregethwr cyfiawnder, ynghyd â saith arall, wrth ddwyn y dilyw ar fyd y rhai annuwiol.
2 Pedr 2:4-5 beibl.net 2015, 2024 (BNET)
Wnaeth Duw ddim hyd yn oed arbed yr angylion oedd yn euog o bechu yn ei erbyn. Anfonodd nhw i uffern, a’u rhwymo yn nhywyllwch dudew y byd tanddaearol i ddisgwyl cael eu cosbi. Wnaeth e ddim arbed yr hen fyd chwaith. Anfonodd lifogydd y dilyw i foddi’r byd oedd yn llawn o bobl oedd yn tynnu’n groes iddo. Dim ond Noa a saith aelod o’i deulu gafodd eu harbed. Noa oedd yr unig un oedd yn galw ar bobl i fyw yn ufudd i Dduw.
2 Pedr 2:4-5 Beibl William Morgan - Argraffiad 1955 (BWM)
Canys onid arbedodd Duw yr angylion a bechasent, eithr eu taflu hwynt i uffern, a’u rhoddi i gadwynau tywyllwch, i’w cadw i farnedigaeth; Ac onid arbedodd efe yr hen fyd, eithr Noe, pregethwr cyfiawnder, a gadwodd efe ar ei wythfed, pan ddug efe y dilyw ar fyd y rhai anwir