2 Corinthiaid 10:2-5
2 Corinthiaid 10:2-5 Beibl Cymraeg Newydd Diwygiedig 2004 (BCND)
Pan fyddaf gyda chwi, yr wyf yn erfyn arnoch na fydd angen imi arfer yn eofn yr hyfdra yr wyf yn ystyried y gallaf feiddio ei arfer tuag at y rhai sy'n ein cyfrif ni'n rhai sy'n byw ar wastad y cnawd. Oherwydd er ein bod yn byw yn y cnawd, nid ar wastad y cnawd yr ydym yn milwrio— canys nid arfau gwan y cnawd yw arfau ein milwriaeth ni, ond rhai nerthol Duw sy'n dymchwel cestyll. Felly yr ydym yn dymchwel dadleuon dynol, a phob ymhoniad balch sy'n ymgodi yn erbyn yr adnabyddiaeth o Dduw, ac yn cymryd pob meddwl yn garcharor i fod yn ufudd i Grist.
2 Corinthiaid 10:2-5 beibl.net 2015, 2024 (BNET)
Pan fydda i’n dod acw, dw i’n erfyn arnoch chi, peidiwch gwneud i mi fod yn galed gyda chi fel dw i’n disgwyl gorfod bod gyda’r rhai hynny sy’n dweud ein bod ni’n byw fel pobl y byd, sydd ddim yn credu! Dŷn ni’n byw yn y byd yn sicr, ond dŷn ni ddim yn ymladd ein brwydrau fel mae’r byd yn gwneud. Dŷn ni ddim yn defnyddio arfau’r byd i ymladd. Fel arall yn hollol! – mae’n harfau ni yn rhai grymus, a Duw sy’n rhoi’r nerth i ni chwalu’r cestyll mae’r gelyn yn eu hamddiffyn. Dŷn ni’n chwalu dadleuon a’r syniadau balch sy’n rhwystro pobl rhag dod i nabod Duw. Dŷn ni’n rhwymo’r syniadau hynny, ac yn arwain pobl i fod yn ufudd i’r Meseia.
2 Corinthiaid 10:2-5 Beibl William Morgan - Argraffiad 1955 (BWM)
Ac yr ydwyf yn dymuno na byddwyf yn bresennol yn hy â’r hyder yr wyf yn meddwl bod tuag at rai, y sydd yn ein cyfrif ni megis rhai yn rhodio yn ôl y cnawd. Canys er ein bod ni yn rhodio yn y cnawd, nid ydym yn milwrio yn ôl y cnawd: (Canys arfau ein milwriaeth ni nid ydynt gnawdol, ond nerthol trwy Dduw i fwrw cestyll i’r llawr;) Gan fwrw dychmygion i lawr, a phob uchder a’r sydd yn ymgodi yn erbyn gwybodaeth Duw, a chan gaethiwo pob meddwl i ufudd-dod Crist