Y Salmau 126
126
Cân Esgyniad.
1Pan adferodd yr ARGLWYDD lwyddiant Seion,
yr oeddem fel rhai wedi cael iachâd;
2yr oedd ein genau yn llawn chwerthin
a'n tafodau yn bloeddio canu.
Yna fe ddywedid ymysg y cenhedloedd,
“Gwnaeth yr ARGLWYDD bethau mawr iddynt hwy.”
3Yn wir, gwnaeth yr ARGLWYDD bethau mawr i ni,
a bu i ninnau lawenhau.
4O ARGLWYDD, adfer ein llwyddiant
fel ffrydiau yn y Negef;
5bydded i'r rhai sy'n hau mewn dagrau
fedi mewn gorfoledd.
6Bydd yr un sy'n mynd allan dan wylo,
ac yn cario ei sach o hadyd,
yn dychwelyd drachefn mewn gorfoledd,
ac yn cario ei ysgubau.
Dewis Presennol:
Y Salmau 126: BCND
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Cymdeithas y Beibl 2004
© British and Foreign Bible Society 2004