Y Salmau 120:1-7

Gwaeddais ar yr ARGLWYDD yn fy nghyfyngder, ac atebodd fi. “O ARGLWYDD, gwared fi rhag genau twyllodrus, a rhag tafod enllibus.” Beth a roddir i ti, a beth yn ychwaneg a wneir, O dafod enllibus? Saethau llymion rhyfelwr, a marwor eirias! Gwae fi fy mod yn ymdeithio yn Mesech, ac yn byw ymysg pebyll Cedar. Yn rhy hir y bûm yn byw gyda'r rhai sy'n casáu heddwch. Yr wyf fi am heddwch, ond pan soniaf am hynny, y maent hwy am ryfel.