मरकुस कितबवाक परिचय
कितबवाक परिचय
मरकुस येसुजिक बारह जन चेलवाहमधे मुख्य चेला सिमोन पतरुसके मदत करिय। पतरुस मरकुसके “मोर बेटा” कहले बडिय (१ पतरुस ५:१३)। उअ बारनाबासक यपने मन्से रहलिय हसे उअ प्रेरित पावलके फेनि मदत करिय (प्रेरित १२:२५; कल्लसि ४:१०; २ तिमोथि ४:११)।
मरकुस येसुजिक बारह जन चेलवाहमधे हइने भेले फेनि उअ येसु ख्रिस्टक बारेमा पतरुससे सिखले रहलिय। इअ कितबवामा मरकुस खास करके पतरुसक कहलि यनुसार लिखले रहलिय। बाइबलक बहुत जन विद्ववानसभक विचार यनुसार मरकुस रोमि समराज्यक राजधानि रोम सहरवामा मरकुसक सुसमाचारक कितबवा लिखलिय। मति खास करके यहुदि मन्सावानिक हसे मरकुस रोमि मन्सावानिक तहिँया लिखलिय। चार गो सुसमाचार मधे मरकुसक सुसमाचार सबसे यागा लिखल हखइ। मरकुसक सुसमाचार इस्वि सम्वत ५५ हसे ५६ बिचा तके येसुजि मरलिसे यागा लगभग तिस बरस पाछा लिखल हखइ। मति हसे लुका फेनि मरकुसक सुसमाचारमा लिखलि बहुत बातसभ यापन-यापन सुसमाचारक कितबवामा लिखले बडइ। मरकुसक कितबवामा भेलि जम्मे सुसमाचार मतिक सुसमाचारमा लिखाइल बडइ।
बिसय सुचिक रुपरेखा
सुसमाचारक सुरुवात मरकुस १:१-१३
येसुजिक गालिलमा करल काम मरकुस १:१४–९:५०
गालिलसे यरुसलेमलइ मरकुस १०:१-५२
यरुसलेममा बितल वराट हप्ता मरकुस ११:१–१५:४७
येसुजि मरलिसे जिउते भेल मरकुस १६:१-८
जिउते भेलेपर प्रभु देखा परल हसे स्वरगवरि गेल मरकुस १६:९-२०
Dewis Presennol:
मरकुस कितबवाक परिचय: CTHR
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2023, Wycliffe Bible Translators, Inc. and Nepal Bible Society