Hebreaid 6:1-3

Felly mae angen i ni symud ymlaen o beth sy’n cael ei ddysgu am y Meseia yn y grŵp meithrin. Mae’n hen bryd i ni dyfu i fyny! Does dim rhaid mynd dros y pethau sylfaenol eto – yr angen i droi cefn ar y math o fywyd sy’n arwain i farwolaeth a dod i gredu yn Nuw; y ddysgeidiaeth am fedydd; comisiynu pobl drwy osod dwylo arnyn nhw; y ffaith y bydd y rhai sydd wedi marw yn codi yn ôl yn fyw ac y bydd Duw yn barnu beth fydd yn digwydd i bobl yn dragwyddol. A gyda help Duw dyna wnawn ni – symud yn ein blaenau!