Махьтвеест 1
1
Вусмус алкхэш.
1Исус Христос, Давыд альке, Абрам альке пулдэг сане.
2Абрам сагый Ыссак; Ыссак сагый Яхко; Як сагый Іуда и сонэ вильлійт;
3Іуда сагый Фарес и Зара Фамарайн; Фарес сагый Эсром; Эсром сагый Арам;
4Арам сагый Аминадав; Аминадав сагый Наассон; Наассон сагый Салмон;
5Салмон сагый Вооз Рахавайн; Вооз сагый Овид Руфійн; Овид сагый Іессей;
6Іессей сагый Давыд царэ; Давыд цар сагый Соломон Урія капка;
7Соломон сагый Ровоам; Ровоам сагый Авія; Авія сагый Аса;
8Аса сагый Іосафат; Іосафат сагый Іорам; Іорам сагый Озія;
9Озія сагый Іоафам; Іоафам сагый Ахаз; Ахаз сагый Езекія;
10Езекія сагый Манассія; Манассія сагый Амон; Амон сагый Іосія;
11Іосія сагый Іоаким; Іоаким сагый Іехонія и сонэ вильлійт, эвтель вялхтэтмужэ Вавилонне.
12А маӈӈа Вавилоне вялхтэтмужест Іехонія сагый Салафіил; Салафіил сагый Зоровавел;
13Зоровавел сагый Авіуд; Авіуд сагый Эліаким; Эліаким сагый Азор;
14Азор сагый Садок; Садок сагый Ахим; Ахим сагый Еліуд;
15Еліуд сагый Елеазар; Елеазар сагый Матфан; Матфан сагый Яхко;
16Як сагый Уэськ, Марь куе, кодест шэндій Исус, кохчманч Христоссен.
17Нит лейин пук пулвдэг Абрамест Давыд райя неллимп‐локь пулвдэккед; и Давыдест Вавилонэ вялхтэтмужэ райя неллимп‐локь пулвдэккед; и Вавилонэ вялхтэтмужест Христосе райя неллимп‐локь пулдэккед.
18Исус Христос шэнтмуш ляй нит: куэсь сонэ іен Марь ляй мидэханч Оаска, эвтель вянцьэттем, шил?-?кын сон еарас Пась‐вуйӈсест.
19И Уэськ сонэ куй, ку ляй вуйкед, и ій тахтманч сонэ окнахтед, татай сонэ пяйхтест лушьтед.
20Ну куэсь сон тан юрьтель; кич, Иммель Іеӈкал идій сонне накрест, и цилькій: Уэськ, Давыд альк! іель пэлэ вальтем Марь, иджант каппэг; тэн‐гуэйк што ли сонэ сисн шэнтей Пась‐вуйӈсест.
21Лянч сон шэнтед альге, и тон линчих сонне сарнед нэмэ: Исус; тэн‐гуэйк што сон лянч олмыйдис піестед синэ рикійн.
22А тат пук шэндій, што лянч Имлійн сарнманч пайель пророк, ку цялхк:
23Кич, нійт лянч еарас, и шант альк, и коч?-?чешкуэттеб сонне нэмэ Эммануил, ку лянч: миный?-?гуэйм Иммель.
24Коццай Уэськ уэтьмен и туйшешкудій мэйт сонне Иммель Іеӈкал пакай, и вальтій капкес.
25И сон ій тіеттанч сонэ тэн райя, што куэсь сон путій Альге, вусмус альгес; и сон пиій сонне нэмэ: Исус.
Dewis Presennol:
Махьтвеест 1: Kildin
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.