Taruparea̧ Ma̧ȩ 5
5
Yo̧a̧ri̧ oa pareaparëremȩdejȩrȩ Ütë tjamo̧ judi üi̧ oa, iei̧bo
1Ja̧di ta̧rëri̧ go̧ȩpea̧ oa cjiade Ada̧ pio judiri ja̧ji̧ri̧ pio ji̧ri̧ chjiari. Jabechji̧ Ütë tjamo̧ judi pumȩ pio ju̧i̧ pearä judirä pareaparërea̧ ji̧, pio jënȩmi̧ da oa pareaparëremȩdejȩ. 2Aja̧, üi̧ oa pareaparëremȩdejȩ iei̧bo. Yo̧a̧ri̧ oa pareapea̧dejȩrȩ. Ado pio ji̧ri̧ pareapea̧ domȩ ju̧i̧iä, "Aja̧, pumȩnȩrȩ" yo̧mȩrȩ yo̧rëremȩdejȩrȩ. Ado chjadëri̧ cjo̧ro̧pea̧ ma̧ȩ oa yürürëremȩdejȩrȩ.
Ada̧ pio ju̧i̧ chjiari ma̧ȩ
3Ado Ada̧ judi ui ji̧ra̧ri̧ goamȩrȩ, 130 ui goamȩrȩ nö̧rirëremȩdejȩ joja oa. Pio jënȩmi̧ da oa nö̧rirëremȩdejȩ Che quȩmȩ oa. 4Ado Che pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde. Aja̧, 800 ui cjo̧ro̧rëremȩde Che pio ju̧i̧ nö̧ria̧ duri oa. Ado jënȩ cjo̧ro̧a̧ nöta ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori̧ ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 5Ja̧di dari̧ cjo̧ro̧rëremȩde Ada̧ judi 930 ui goamȩpea̧rä yuro. Ado 930 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Che pio ju̧i̧ chjiari ma̧ȩ
6Ado Che judi ui ji̧ra̧ri̧ goamȩrȩ, 105 ui goamȩrȩ nö̧rirëremȩdejȩ jibëa̧ ja oa, Enocho quȩmȩ oa. 7Ado Enocho pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Che judi. Aja̧, 807 ui cjo̧ro̧rëremȩde Enocho pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori̧ ji̧ri̧, ivi bori̧ ji̧ri̧ nö̧rirëremȩdejȩrȩ jira̧ tjamo̧ oa. 8Aja̧, ja̧di dari̧ cjo̧ro̧rëremȩde Che judi 912 ui goamȩpea̧rä yuro. Ado 912 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Enocho pio ju̧i̧ chjiari ma̧ȩ
9Ado Enocho judi ui ji̧ra̧ri̧ goamȩrȩ, 90 ui goamȩrȩ nö̧rirëremȩdejȩ jibëa̧ ja oa, Caina̧ quȩmȩ oa. 10Ado Caina̧ pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Enocho judi. Aja̧, 815 ui cjo̧ro̧rëremȩde Caina̧ pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta, ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 11Aja̧, ja̧di dari̧ cjo̧ro̧rëremȩde Enocho judi 905 ui goamȩpea̧rä yuro. Ado 905 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Caina̧ pio ju̧i̧ chjiari ma̧ȩ
12Ado Caina̧ judi ui ji̧ra̧ri̧ goamȩrȩ, 70 ui goamȩrȩ nö̧rirëremȩdejȩ jibëa̧ ja oa, Majarare quȩmȩ oa. 13Ado Majarare pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Caina̧ judi. Aja̧, 840 ui cjo̧ro̧rëremȩde, Majarare pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta, ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 14Aja̧, ja̧di dari̧ cjo̧ro̧rëremȩde Caina̧ judi 910 ui goamȩpea̧rä yuro. Ado 910 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Majarare pio ju̧i̧ chjiari ma̧ȩ
15Ado Majarare judi 65 ui goamȩrȩ nö̧rirëremȩdejȩ jibëa̧ ja oa, Jerede quȩmȩ oa. 16Ado Jerede pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Majarare judi. Aja̧, 830 ui cjo̧ro̧rëremȩde Jerede pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 17Aja̧, ja̧di dari̧ cjo̧ro̧rëremȩde Majarare judi 895 ui goamȩpea̧rä yuro. Ado 895 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Jarede pio ju̧i̧ chjiari ma̧ȩ
18Ado Jerede judi ui ji̧ra̧ri̧ goamȩrȩ, 162 ui goamȩrȩ nö̧rirëremȩdejȩ jibëa̧ ja oa, Eno̧ quȩmȩ oa. 19Ado Eno̧ pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Jerede judi. Aja̧, 800 ui cjo̧ro̧rëremȩde Eno̧ pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 20Aja̧, ja̧di dari̧ cjo̧ro̧rëremȩde Jerede judi 962 ui goamȩpea̧rä yuro. Ado 962 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Eno̧ pio ju̧i̧ chjiari ma̧ȩ
21Ado Eno̧ judi 65 ui goamȩrȩ nö̧rirëremȩdejȩ jibëa̧ ja oa, Matucharȩ quȩmȩ oa. 22Ado jibëa̧ ja pio ju̧i̧ nö̧ria̧ duri oa, cjo̧ro̧rëremȩde 300 ui yö̧ta. Ado Eno̧ judi pio jiro ui cjo̧ro̧a̧ nö̧ta, jabechji̧ coëma cjiari̧ cjo̧ro̧mȩrȩ cjo̧ro̧rëremȩde, Ütë tjamo̧ pio ju̧i̧ nö̧ta jadü cjiarea̧mi̧ dari̧. Ado ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 23Aja̧, ja̧di dari̧ cjo̧ro̧rëremȩde Eno̧ judi 365 ui goamȩpea̧rä yuro. 24Ado judi 375 ui goamȩpea̧mȩ oa, jabechji̧ chjaodëri̧ mitërëremȩdejȩ Ütë tjamo̧ judi. Jabechji̧ icjarabo mitërëremȩdejȩ pio jȩaiäpȩmo̧ buadärärea̧mi̧ dari̧. Pio jȩa nö̧ta jadü cjiarea̧mi̧ damȩ oa mitërëremȩdejȩ.
Matucharȩ pio ju̧i̧ chjiari ma̧ȩ
25Ado Matucharȩ judi ui ji̧ra̧ri̧ goamȩrȩ, 187 ui goamȩrȩ nö̧rirëremȩdejȩ jibëa̧ ja oa, Dameque quȩmȩ oa. 26Ado Dameque pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Matucharȩ judi. Aja̧, 782 ui cjo̧ro̧rëremȩde Dameque pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 27Aja̧, ja̧di dari̧ cjo̧ro̧rëremȩde Matucharȩ judi 969 ui goamȩpea̧rä yuro. Ado 969 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Dameque pio ju̧i̧ chjiari ma̧ȩ
28Ado Dameque judi ui ji̧ra̧ri̧ goamȩrȩ, 182 ui goamȩrȩ nö̧rirëremȩdejȩ jibëa̧ ja oa. 29Ado Noe quȩra̧ pio ju̧ri̧ra̧ quȩparëremȩdejȩ. Ado nö̧rimȩ judi joja pio ju̧i̧ quȩparërea̧ ji̧, jabechji̧ 'cjatäcjiarea̧' yo̧mȩ quȩra̧ quȩparëremȩdejȩ. Tjamo̧ davä. Joja pio ju̧i̧ quȩpea̧ ji̧, ‘Aja̧, Ütë tjamo̧ judi yürüa̧ chirirä cjo̧ro̧a̧ro̧da, chiri chjuamȩrä cjo̧ro̧a̧ro̧da, ado pio yoa chiri oa tjätjäpë ja̧bepe cjiaa̧ro̧da, Jeova pio judi chjuamȩ tänȩa̧ chiri oa ja̧bepe cjiaa̧ro̧da, ado järätä tjamo̧a̧ro̧da, jabo ca̧ ja pio ju̧i̧iä cjatäcjiarea̧ dapaa̧ro̧da, jabechji̧ pio ju̧i̧iä järätä chjaparea̧ dapaa̧ro̧da’ quëna̧ jo̧rȩtamȩrȩ quȩparëremȩdejȩ Noe quȩra̧ pio ju̧ri̧ra̧. 30Ado Noe pio ju̧i̧ nö̧ria̧ duri oa, jabechji̧ ui ji̧ra̧ri̧ cjo̧ro̧rëremȩde Dameque judi. Aja̧, 595 ui cjo̧ro̧rëremȩde Noe pio ju̧i̧ nö̧ria̧ duri oa. Ado jënȩ cjo̧ro̧a̧ nö̧ta ji̧dë u̧i̧ ji̧ra̧pe bagari̧ nö̧rirëremȩdejȩrȩ jibëa̧ bori̧ ji̧ri̧. Oari bori ji̧ri̧, ivi bori̧ ji̧ri̧ nö̧rirëremȩdejȩrȩ ji̧ra̧ tjamo̧ oa. 31Aja̧, ja̧di dari̧ cjo̧ro̧rëremȩde Dameque judi 777 ui goamȩpea̧rä yuro. Ado 777 ui goamȩrȩ ja̧borëremȩde, ui ji̧ra̧ tjamo̧ oa goamȩrȩ.
Noe pio ju̧i̧ chjiari ma̧ȩ
32Ado Noe judi ui ji̧ra̧ri̧ goamȩrȩ, 500 ui goamȩrȩ nö̧rirëremȩdejȩrȩ jibëa̧ bori̧ ji̧ri̧. Chȩ quȩmȩ oa, Ca̧ quȩmȩ oa, ado Japje quȩmȩ oa nö̧rirëremȩdejȩrȩ.
Dewis Presennol:
Taruparea̧ Ma̧ȩ 5: Pume
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
©2021 Global Partners, All Rights Reserved