TOWUNÖT 10
10
1Achï monïng cho kiyï werpö Noa: Syem nko Am nko Yapet otini kiwonyö puseryonta.
2Achï werpö Yapet cho kisïch: Komer nko Makok nko Maday nko Yapan nko Tupal nko Mesyek nko Tiras. 3Werpö Komer cho kisïch kï: Askenas nko Ripat nko Tokarma. 4Werpö Yapan kï ki pipö Elisya nko Tarsis nko Kitim nko Dodanim. 5Chane kï pich cho kipö ara pich cho kighömï sörömu nanam nko koros cho mi nanam. Kitïng werpö Yapet koroswekwa, akingölonöy anka tïkwïl ngalekwa cho sisinchö.
6Werpö Am kï ki Kus nko Misri nko Lipya nko Kanan. 7Werpö Kus kï ki Sepa nko Apila nko Sapta nko Raama nko Sapteka. Ki werpö Raama Syepa nko Dedan. 8Kitïng Kus werïnyi nyo kikuro Nimrod nyo kilïkwï nyakan nyo wow tya ompö kor kïmïkul. 9Kingarak ECHOTYON nyinte kïlïkwï sökosin nyo awes, nka nyay mwoghöy pich lö, “Nya kwighinyi ECHOTYON lïkuna sökosin nyo awes le Nimrod!” 10Kitowunö paytaghtanyi kanasyanta Papilon, Erek nko Akad, kimi kanastinechoni kïsömök koro Papilonia. 11Kïweghö Nimrod korononi akïwö koro Asirya akïtek kanasyanta Ninawi nko Reopot Ir nko Kala nko 12Resen nyo mi kwenu Ninawi nko Kala, kanasyan nyo wow.
13Monïngo Misri kï pipö Ludim nko Anamim nko Leapim nko Naptuim 14nko Patrusim nko Kasluim, cho kiyï pipö Pilisti nko Kaptorim.
15Werpö Kanan kï ki Sidon nyo kile poretye nko Et 16nko pipö Yepusi nko pipö Amori nko pipö Kirkasyi 17nko pipö Ipiti nko Arkit nko Sini 18nko pipö Arpadi nko Semari nko Amati. Ato mi löt kïtoytoyö pipö kapor cho pö pipö Kanan, 19ntökwitïta koro Kanan kïweghö Sidon akutang okumpö tagh nyo pö Kerar ato lekïto Kasa akïmïrtö kutang kongasis ntökwit Sodoma nko Komora nko Adma nko Sepoim ato lekïto Lasya. 20Ki werpö Am chane cho kitïng koroswekwa, kingölonöy ngalekwa kïrïp kegh nko pikökwa ompö puntonikwa.
21Ki Syem werto ompö Yapet nyo wow nyo kile kuköto pipö Eprania lapay. 22Kïkuro werpö Syem: Elam nko Asyur nko Arpaksyad nko Lud nko Aram. 23Kïyï Aram pipö Us nko Ul nko Keter nko Mesyek.
24Arpaksyad kï papoto Syela nyo kile papoto Eper. 25Kitïng Eper werkachi odeny: kïkuro anka Pelek, ompöwölo kipesyote pich ompö ngwïny osiswechoni, kekurö anka Yoktan. 26Monïngo Yoktan kï: Almodad nko Syelep nko Asarmapet nko Yera 27nko Adoram nko Usal nko Dikla 28nko Opal nko Apimael nko Syepa 29nko Opir nko Apila nko Yopap. Werpö Yoktan choni löwïr. 30Kimang chane kïngeta Mesya ntökwit Separ nyo mi kutïngkoti kongasis. 31Chï kï monïngo ara Syem kïrïp kegh nko ortïnekwa nko kutiwekwa nko koroswekwa cho kichagh kegh kïlïkwï punton. 32Pïchete löwïr kï monïngo Noa kïrïp kegh nko ortïnekwa ompö puntonikwa. Kipkana pïchoni puntonï cho kighömï ngwïny, otini kiwonyö puseryonta.
Pchöri Papilon
Dewis Presennol:
TOWUNÖT 10: PIPÏLIA
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
©Bible Society of Kenya, 2019