Mateo 2:12-13

Ndá kotáchrién sin kꞌue̱tua̱nxín Díos kixin tsokjanhña sin ti itjen ti rey Herodes. La ókjé nti̱a kja̱nxi̱n sin, sákjuí sin chjasén sin. Ndá ti ó kjuixin sákjuí ti sin mago, la kotáchrién chꞌin José kꞌuíkonxín kixin ikui ijnko ángel kuènté Ìnchéni la ndáchro: ―Tꞌàyá, la sátjiko̱a ti ixjan la ko ti ìñé xjan, Egipto. La ntahó tꞌejora hasta tso̱xrja̱nkajia, kixin ti rey Herodes la tsjeyá ti ixjan kixin tsꞌóñá ―mé xi̱kaha ichro ti ángel.