Adnodau Beiblaidd Poblogaidd o MATIUS 5

Rhanna

Abeʹ ca kelunan iaʹ pejiget peritaʹ a sulo ho mekep pe man ca tukaʹ, di lareʹ ia ke mahung nge neng usun padung peritaʹ ina, apan serema ina ke ngedema mung dulu diaʹ un kaʹ dalem amin ina. Pekina lete tekep serema hem ke ngedema kelunan apan nte taʹan mung seʹ pemuyan ncem un tiga, sulo re pempau Amai hem iaʹ un kaʹ surga.”

“Kumpin seʹ puyan serema ngedalau ntem, pekina lete ikem ne iaʹ sereket dema neng usun tanaʹ ini. Lepoʹ iaʹ un neng usun ca mudung, abeʹ e ke suhuk.

“Bangen ne kelunan diaʹ telit kimet de; ban ne ida lete diaʹ ke taʹan Allah.

“Bangen ne kelunan diaʹ lemuto bayaʹ dau pengubaʹ Allah; ban ne ida ne diaʹ ke tisen tekaʹ pengebeso kuʹun peniga Allah.

Un sepuʹo iaʹ akeʹ ke badaʹ mikem naʹkini, malaʹ ne neng bunoʹ kem, ngan lemameʹ ne me kelunan diaʹ ke petuyen ikem

“Bangen ne kelunan diaʹ tisen ida kasip tekaʹ neng berua re; ban ne ida iaʹ ke kahum dalem puyan pengaren Tuhan Allah ke ngaren ilu kelunan.

“Bangen ne kelunan diaʹ uyan tiga neng ahang ikem kelunan; ban ne Allah ke pisiu ida diaʹ anak ke.

“Bangen ne kelunan diaʹ nange; ban ne Allah iaʹ ke niga kimet de.

“Bangen ne kelunan diaʹ dulu nyakit tuman pemuyan nte bayaʹ pengubaʹ Allah; ban ne ida iaʹ ke kahum dalem puyan pengaren Allah ke ngaren ilu kelunan.

“Bangen ne kelunan diaʹ un pengelesau neng dulu diaʹ ca; ban ne Allah iaʹ ke un pengelesau neng ida lete.

“Bangen ne ikem buk dulu ke pejaʹat dau neng ikem, ngan nyakit ikem, ngan pekabi ikem man naʹan naʹan isiu palo, ban tuman ncem bayaʹ akeʹ. Bangen ne ikem ngan tiga ne saheʹ kem, ban ne bioʹ ne bang kem iaʹ lepa tenup kaʹ surga. Kumpin puyan dulu nyakit pegawa Tuhan cen naʹaʹ, pekina lete puyan dulu neng ikem naʹkini.”

“Bangen ne kelunan diaʹ ngelibaʹ kimet de; ban ne ida ne diaʹ ke alaʹ inu iaʹ Allah lepa petuket ke naʹ milu.

“Kumpin seʹ usen tekep un neng penguman le, pekina lete ikem un neng usun tanaʹ ini. Buk usen ina ke tai jeling, kumpin seʹ le ke pelaʹit te ne laʹa. Abeʹ un ca inu iaʹ bang nge. Ina le dulu ke pet te ngan cut te.

Tekep kem dadoʹ kimet koʹ baʹan Amai hem iaʹ kaʹ surga un dadoʹ kimet.”

Talan ne ikam kuma ha ‘Ahaʹ’ neng iaʹ ahaʹ, ngan ‘Naʹun’ neng iaʹ naʹun. Mung isiu diaʹ lapa neng ina, cen Bali Jaʹat kenai ie.”

“Lepa ne ikem ngeringa isiu iaʹ pekini dau: Mata saliu mata, ngan jipen saliu jipen.’ Un sepuʹo iaʹ akeʹ ke badaʹ mikem naʹkini, ayen ncem nyuaʹ kelunan diaʹ un salaʹ neng ikem. Di lareʹ buk aheʹ iaʹ ke nepap pinga hem tahaʹ taʹu, talan ne ia nepap pinga hem tahaʹ kabing laʹa.

Buk mata hem iaʹ tahaʹ taʹu ke ngkin ikem uyan penyalaʹ, tiga pulang ngkem miluk mata hem ina ngan pet te. Ban ne tiga pulang ngkem sau ca sangat usa hem, neng ʹo mung usa hem tai kedalem ukum luten. Buk ujoʹ kem tahaʹ taʹu ke ngkin ikem uyan penyalaʹ, netek ne ia ngan pet te. Tiga pulang ca sangat usa hem pesau, neng ʹo mung usa hem tai kaʹ dalem ukum luten.”