Adnodau Beiblaidd Poblogaidd o Genesis 17

Rhanna

Kan nubenta y nuebe na an edad ni Abram, nagpahiling saiya an KAGURANGNAN asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Poon ngunyan, bako nang Abram an saimong ngaran kundi Abraham huli ta gigibohon takang ama nin dakul na nasyon.

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

“Uya, makikipagtipan ako saimo: nangangako ako na ika an gigikanan nin dakul na nasyon.

Alagad nagsimbag an Dios, “Dai. Mangangaki nin lalaki si Sara na saimong agom asin ngangaranan mo siyang Isaac. Makikipagtipan ako saiya asin sa saiyang mga kapagarakian sagkod pa man. An tipan na iyan sarong daing kataposan na tipan.

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Nagdapa si Abraham sa daga, alagad napangisi siya kan saiyang isaboot, “Pwede pa daw magkaaki an sarong arog sakong sanggatos na an edad? Pwede pa daw mag-aki si Sara sa edad na nubenta?”

Nagtaram an Dios ki Abraham, “Dai mo na pag-apodon Sarai an saimong agom; poon ngunyan, Sara an magigin ngaran niya.

Magpoon ngunyan, kaipuhan serkomsisyonon mo an lambang aking lalaki pag-edad kaini nin walong aldaw, sagkod an mga oripon na namundag sa saindong mga harong asin an mga oripon na binakal nindo sa mga dayuhan. Ini an magigin tanda kan satong tipan.

Alagad ootobon ko an sakong tipan sa saimong aking si Isaac, na mamumundag ki Sara sa masunod na taon, sa arog kaining panahon.”

Magpoon ngunyan, kaipuhan serkomsisyonon mo an lambang aking lalaki pag-edad kaini nin walong aldaw, sagkod an mga oripon na namundag sa saindong mga harong asin an mga oripon na binakal nindo sa mga dayuhan. Ini an magigin tanda kan satong tipan. Kaipuhan serkomsisyonon an lambang saro; an tanda na ini sa saindong hawak iyo an magpapatotoo kan satong daing kataposan na tipan.