Adnodau Beiblaidd Poblogaidd o Mateo 21

Rhanna

—Eꞌe —Jesosa poanaje—. ¡Miya Eyacuiñajjijo quea jaꞌa nee jjashahuabaquicue! Aꞌa jjashahuabaquijji jama baꞌa: “Eꞌe pojjaꞌa Eyacuiñajjija eya shajjaꞌajjaꞌyo jjima”. Cho, jama jjashahuabaquicue baꞌa: “Eyacuiñajjiya eꞌe jojo nei nei eya sajaꞌa cajeꞌyo”. Jamaya miya jjashahuabaquiajo, Eyacuiñajjiya miquea esohui sajaꞌa caje. Eꞌe, Eyacuiñajjiya e jayojja jama ameesahua cajeꞌyo peaꞌai, ma dejjaa ajjima acani.

—Eꞌe —Jesosa poanaje—. ¡Miya Eyacuiñajjijo quea jaꞌa nee jjashahuabaquicue! Aꞌa jjashahuabaquijji jama baꞌa: “Eꞌe pojjaꞌa Eyacuiñajjija eya shajjaꞌajjaꞌyo jjima”. Cho, jama jjashahuabaquicue baꞌa: “Eyacuiñajjiya eꞌe jojo nei nei eya sajaꞌa cajeꞌyo”. Jamaya miya jjashahuabaquiajo, Eyacuiñajjiya miquea esohui sajaꞌa caje. Eꞌe, Eyacuiñajjiya e jayojja jama ameesahua cajeꞌyo peaꞌai, ma dejjaa ajjima acani.

Ojjaña ehui dojojji poquije, Jesosa quishishijji poquije peaꞌai taaaca poquinaje quea bihui nee nee: —Eꞌe Jesosa, emeshi mese Dabi yahuajo baꞌe miquea etiiquiana. Mi poeyajo ecuana quea bihui nee nee. Quea pame nee nee miya, Jesosa. ¡Eyacuiñajji eyajo aniya miya cajaahuana cahua! ¡Eyacuiñajji cabihuia cahua, ojjañaa!

—¡Aꞌa jja oe Eyacuiñajjija equijo aquiana quiajji! —tecueame acanaje Jesosaa—. Eyacuiñajjija esohui jama poani baꞌa: “Ecuea equi ojjaña cuana enijje emimijji”. Miquianaaya ca ca siipojji nequijji jayojja amee aña Eyacuiñajjija equi.

“Ojjaña Jenosanenajo baꞌe huohuicue jama baꞌa: —¡Bacue oe! Mi huoojeaꞌyojji nei poeyani; oya quea bei nee. Jamajjeya mapichi sisija daasa biajje poeyani, mapichi sisija ebacuaja daasa biajje”. Jamaya yahuajo nei nei Jesosajo tehue ca poa Eyacuiñajjija esohui huohuijjiya.

—Eꞌe —Jesosa poanaje—. ¿Aꞌa miquea eba Eyacuiñajjija esohui etehueꞌyo yahuajo nei? jama baꞌa: “Oe equi yamajjana equi iyajji cajaa aca poa cuaa. Jamatii Eyacuiñajjiya ma eyamajjana equi yamajjana quea caꞌa nee nequi mee ca poa. Jamajoya ojjaña ojaya epeejji cuanaa Eyacuiñajji bihuia cani”. Jamaya yahuajo nei tehue ca poa ejo; eya ma eyamajjana equi iyajji jayojja jama quea caꞌa nee nee nequi —Jesosaa acanaje.

—Eꞌe, jiquio esohui eba meesahuajji jayojja jama Eyacuiñajjiya acajeꞌyo —Jesosa poanaje—. Ohuaya yahuajo nei miquianaya babaca caꞌya poa ojo echacoꞌyojji, onijje ebaꞌe tiitiiꞌyojji. Jjeya ca ca Eyacuiñajjiya miquianaya, Jodio cuana, cajaa acajeꞌyo shajjamaꞌ jojoya. Pea cuana babaca cajeꞌyo ojo echacojji, onijje ebaꞌe tiitiiꞌyojji peaꞌai, joya eꞌe jojo nei ojo jjashahuabaquiani.