Adnodau Beiblaidd Poblogaidd o Huani 13

Rhanna

Jamajjeya esohui eyacua eyaya huohuiaña jama baꞌa: ¡Pea cuana quea jea nee nee atiitiicue! ¡Eyaya miquianaya quea jea nee nee aña jayojja jamaya pea cuana quea jea nee nee acue! Pea cuana quea jea nee nee añajo, onaya miquianajo jama poaje baꞌa: “Eꞌe jojo nei miquianaya Jesosaja epeejji poani” —Jesosa poanaje.

Eꞌe, ¡bacue! Eyaya miquea esohui huohuijjiya, miquea Emeshi Meseya miquianaya jiojji toponaje. Jamajjeya ¡e jayojja jama pocue! ¡Pea cuana jiojji topojji jayojja jama pocue! Eꞌe, eyaya miquianaya jjabahuejjaqui meeaña: ¡Eyaya miquianaya anaje jayojjaya pea cuana acue!

Jamajjeya Jesosaa oya sajaꞌa canaje jama baꞌa: —Eꞌe, Peno, jjeya miya jjashahuabaquiani: “¿Yajjajo shai Jesosaa ecuana jiojji topo cani soꞌo?” miquea ba jjima; yajjajo eya jama aña poso jjabaquiani. Jamatii quijje pishana miquea eba poaje —Jesosa poanaje.

Eyaya eꞌe jojo nei miquianaya ba meeaña jama baꞌa: ¿Aꞌa echacojjiya ojaya echacomeejji huoojea cani? Chojja. Emeshi meseya ca ca oe echacojji huoojea cani. Eya quea caꞌa nee nee; miya ecuea echacojji quea caꞌa pishana. Jamajjeya ¡ecue sohui jayojja jama acue! Eꞌe, ¡pea cuana baꞌe meesahuacue oe!

Jjeya ecuea esohuijo jjabahuejjaquinaje. Jamajoya miya quea bihui nee poajeꞌyo ca ecue sohui jayojja jama baꞌyajo —Jesosa poanaje.

Edosiquiana neiya Jodasa Isicaniote, Simonija bacua ejja quea tai jjashahuabaqui mee canaje. Jamajjeya Jodasa jjashahuabaquinaje Jesosa iña meesahuajji, onajaya equecuaꞌyojji. Jamatii Jesosaja eba poanaje jama baꞌa: Eyacuiñajjiya, oja Chiiya oya eyajo ani huoojea ca poa meshi yasijje. Jamajjeya oya oja Chii que poquije oꞌoya. Oja Chiiya oya ojjaña huoojeaꞌyojji po mee ca poa peaꞌai. Jamajjeya sinecua ecuana nijje, o shajjaꞌajjajji cuana nijje ojee ijjiaꞌijjianijo Jesosa nequisohuanaje. Oja daqui ao huijjiajea majje pea daqui ejjacomayijjiquijji ai jayojjajo jjajeyocaꞌaquinaje. Ma daqui jjajeyocaꞌaqui majje ohuaya ena sho canaje tepe ai jayojja huasijje. Majoya ecuana jiojji topo canaje. Topo majje jiojji cui caꞌyonaje ma daquiya, ejjacomayijjiquijji ai jayojjaa, Jesosaa. Jamaya poanaje ecuana jjabahuejja meequijji jama baꞌa: Pea cuana quea jea nee aña, ¡baꞌe meesahuacue! Jama jjashahuabaquime epo meejji jiojji topo canaje.