Adnodau Beiblaidd Poblogaidd o Jn 19

Rhanna

Atzunte Jesus xitk'wa'n b'inayr ex tma: —Matxitzun japun tkyaqil. Ex o'kx ttzaj pitze twi' ex majx el natxk'uj.

Tb'ajlenxi'tzun ja'lu, qu'n kanlitlna' twitz Jesus qa ma'toq japun tkyaqil, ex tu'ntoq tjapunju' tz'ib'a'n toj tu'jil tma: —inchin k'wajtiye', chij.

Tetzunj tka'yinte Jesusju' ttxu exju' jun t-xnaq'tzb'en k'u'jla'nxi'x tu'n, xitma'n te ttxu: —Na, luju' tala ati tk'etza. Ex ikx xitma'n teju' t-xnaq'tzb'en: —Luju' ttxuya ati tk'etza. Textzunju' kmuj ok mk'o'nju' xnaq'tzb'en lu toj tjaju' ttxu Jesus.

Atzunj tej kpon lq'e tk'etz Jesus, kyil qa matxitoq kyim. Qu'mtzun mixti' kub' ktoqi'nju' tqan. Naq o'kx jun xjal te q'oj okx xyunte jun ch'ut ttxa'n tk'u'j Jesus, ex texju' kmuj lu majx etz chitju' chik' ex a' ja aq'pon xyu'na'.

Qu'n tkyaqil ja'lu b'aj ti'j Jesus, tu'n tjapunju' tz'ib'a'n toju' Tu'jil kjalu: Lay kub' toqi'n jun tb'aqil. Ex ikx ati juntl yol tz'ib'a'n toj Tu'jil kjalu: K'okyel ka'yi'n kyu'nju' e'ok xyunte.

Xi'tzun q'i'n Jesus kyu'n, jawtiqa'n tkurus ex xi'tzuntz toju' jun tnej tx'otx' Tb'aqil kyimni tb'i (atzun tb'i toj eb'rey aju' Kolkota).

Aye'tzun xjal te q'oj kub' kxpatx'i'nju' ch'i'x tu'n tjax kq'o'n toj twi' Jesus ex okkq'o'n jun tpinpa't tb'anilxi'x kyaq ka'yin, te xmayb'ilte.