Adnodau Beiblaidd Poblogaidd o Jn 12

Rhanna

Qa ati jun tajb'il tu'n tajb'en weye', lpek wi'je'; ex ja chin tenb'iliye' axtzu' ktenb'ila' wuk'i'le'. Qa ati jun najb'en weye', kjawil nima'n tu'n Nmane' Dyos.

Alkye o'kx toka' twitz ti'ju' tchwinqlal twitz tx'otx', layx tkanb'aju' tchwinqlal tk'etz Dyos, atzunju' min ntk'u'jla'n tchwinqlal twitz tx'otx', atzunte' ktkanb'a' tchwinqlal tejumajx.

Axxi'x kxe'l nma'n kyeye' qa aju' twitz triy min xku'x mqet toj tx'otx', kukx ttenju' tjunal; qatzun makyim tjaq' tx'otx' intq'o'n txqan twitz.

Ayinwe' spik'un ma chinule' kyxol xjal, tu'ntzun lalun che kyej tenju' mache okslan weye' toj qxopin.

Ex alkyete nxi' tb'i'nju' nyole' extzun min njapun tu'n, myayinwe' chin b'el tz'e'ysante twitz; qu'n min ẍin nulwe' tz'e'ysal kwitzju' xjal twitz tx'otx', ma'pe' chin ulwe' klol kye xjal.

Atzunte Mariy tzaj tiq'i'n jun lmet k'ok'sb'il nardo tb'i, twi' wi'yal ex mya smo'n twitz tuk'i'l juntl ti'xti', ex ok tq'o'ntzuntz ti'j tqan Jesus ex tu'nju' t-xya'mal twi' b'aj ttzqijsa'na'. Majxtzun kub' noju' tuja tu'nju' tk'ok'jil.

Eb'ajxtzun toqilte t-xaq tze tut ex exi'tzuntz k'lulte Jesus intoq kma'n: —¡Qo tkloma, Dyos! ¡K'i'wlanxi'xte' tzul toj tb'i Qman Dyos, aju' kynimaqkawil aj Israel!

Xi'tzun tma'n Jesus kye: —Matxi' ponju' kmuj tu'n njaw nimsa'ne' ayine' Tk'wal Dyos.