Adnodau Beiblaidd Poblogaidd o CAWA'TA TUNITA 1

Rhanna

Bugol kayni Lawna di'e: Nay ma inay sana ki nir tuway nala, nam ma slay nay nala, a nam ma mus mul kay kuluf ma goloŋ jar niy-lumna, kay layayn ma dukalawna, kay farayna, kay nagat noŋ kuɗulu, kay muuriyan ma harmat gaa'a kay nagata noŋ kafe. Lawna in sana ki nir tuwam nala, san slum nam Lawn nala. Nam insiya jufna hiɗi cata.

Lawn gisi bolo mi di'e: Biyagi ŋol haca-haca', ligi ŋolo, hobgi yam nagata; di law sle ma gaa kay nagat si nigiya. Ligi mul kay kulufna hiɗi layayna, hiɗi slen ma sukka hayamna ma poy kay nagata kafe.

Hay cawa'ta tunita Lawna li wuralawna hiɗi nagata.

Nagata ay mi liyn ma wiŋŋa, va may ka'ɗi. Jufunda ay kulo'o kay liyn ma zulla, Ŋusta vi Lawna ka geɗ kulo'o kay niyna.

Lawna di'e: haraŋa ma li'e: nam li kaw.

Lawna ɗuw sle ma nam lumna kaf, sle namna ay ŋaa'a ŋolo. Ki kayn nala vulatita li'e, grawta li'e, buurta karkiyata laawa.

Lawna wi ala haraŋa nam va ma ŋaa'a. Bugol kayni nam mun jar haraŋa goy hiɗi jufunda.

Lawn di lo: Ɗuwgiya, nan vulgi hadafna ma hiɗi wal hayamna, hiɗi sle ma ka kay nagat kafe, hiɗi gun ma vuɗam ka humamna hiɗi wal hayamu kafe: nam ma lin mi tina vigiya.

Liyn ma haraŋa Lawn tunum selem ala falayta, liyn ma jufunna nam tunum selem ala henjeta may. Ki kayn nala vulatita li'e, grawta li'e, buurta jewta laawa.

Lawn di'e: Hin liyn ma wiŋŋa kal jar niyna, kay nam ma ɓuraw jar niyn goyo.

Hiɗi muuriyan ma ka kay nagat kafe, layayn ma dukalawn kaf kaw, hiɗi slen ma ka geɗ gaa kay nagat kafe, ma sukka vi irit ka hayamna, nan vulum hat ma ŋulomna kay tina valamu. Van kayni li nala kaw.

Lawna di'e: Hin slen ma vul haraŋa li kulo'o hay dukalawna, kay ɓuraw jar falayta goy hiɗi henjeta, nam ma lin mi sle ma ɗek kay ŋaɓta vi liyna hiɗi buura hiɗi busata

Bugolda Lawna di'e: Hin slen ma ŋulomna day kulo'o kay nagata, usna hiɗi walam hayamu, gu ma vuɗ jafna ma vuɗ kuɗ jafamu jafamu, nam ma day kulo kay nagat hiɗi walamu walamu. Van kayni li nala may.

Lawn li liyn ma wiŋŋa, nam ɓuraw jar niyna ma ka gaa kuɗ liyn ma wiŋŋa hiɗi niyn ma ka kulo kalamna. Van kayni li nala may.

Sle ma ŋulomna day kulo'o kay nagata, usna hiɗi walam hayamu kuɗ jafamu jafamu, hiɗi gu ma vuɗ jafna hiɗi walam hayamu kuɗ jafamu jafamu, Lawna wi ala kayni mi va ma ŋaa'a.

Lawna li slen ma ŋulona ma vul haraŋa ma' ma ŋol suwna kay mus mul kay falayta, ma ir goora kay mus mul kay henjeta; nam kot mislekŋa kaw.

Lawn di'e: niyna ma gaa kuɗ dukalawna ma tap hay liyn kepe, kay yam liyn ma so goyo. Van kayni li nala may. Liyn ma soy goyna Lawn tunum selem ala nagata, niyn ma tapayna nam tunum selem ala niy-lum ma ŋolla may. Lawna wi ala van kayni nam ŋaa'a.

Lawn gum bolo di'e: Biyaŋ ŋol tiksilik', laŋ ŋolo, hobaŋ niy-lum ma ŋolla, layayn kaw biya gaa kay nagat ŋol lay.

Lawn di'e: hin nagata biya muuriyan ma sukŋ hayamna kuɗ jafamu-jafamu; farayna, sle ma harmatna, muuriyan ma gaa kay nagatna, kaf kuɗ jafamu-jafamu. Va namna li nala may.

Lawna di'e: Hin muuriyan ma sukka hayamna biya ŋolo hay niyna, layayn kaw fok kulo kay nagata hay liyn ma wiŋŋa jar dukalawna.

Lawna li muuriyan ma gaa kay nagatna kuɗ jafamu jafamu, farayn kuɗ jafamu jafamu, muur ma harmatna kuɗ jafamu jafamu. Lawna wi kayni nam ŋaa ŋolo.