Adnodau Beiblaidd Poblogaidd o Marcos 4

Rhanna

Ek'u ri Jesús xyaktajik, xuq'atej ri kaqjiq' y jewa' xub'i'ij che ri ya': —¡Chat-tanaloq! ¡Chatkub'uloq! —xcha che. Ri kaqjiq' xtani'ik y ri ya' xyeni'ik. Tek'uchiri', xub'i'ij chike rutijo'n: —¿Su'chak lik kixi'ij iwib'? ¿Su'b'e na kub'ul ta ik'u'x wuk'? —xcha chike.

Ewi xok lo jun xi'in ib' kuk' y xkib'i'ij chikiwach: —¿Sa' ruwach wa' wa'chi? ¡Ma tob' ne e ri kaqjiq' y ri ya' kakikoj utzij! —xecha'.

Ek'u ri Jesús k'o pa ri barco puk'isb'al re chirij, kawar chwi jun ch'akat. Rutijo'n xe'kik'osoj y jewa' xkib'i'ij che: —¡Qajawal! ¿Na kok ta kami la il chiqe? ¡Ma ya kojkamik! —xecha'.

Jewa' xub'i'ij tanchi chike: «Lik chita chi utz janipa ri kamb'i'ij chiwe, ma “ruk' ri pajb'al kixpajan wi ri'ix, ruk' tanchi wa pajb'al ka'an pajanik chiwe.” Ek'u ri Dios kuya na chiwe lik kimaj usuk' ri kamb'i'ij, we lik e kita ri nutzij.

Xub'i'ij tanchi ri Jesús chike: «Rutaqanik ri Dios e jela' pacha' juna achi kutik rija' pulew. Rachi chaq'ab' ke'waroq y paq'ij kawa'lij tanchik; yey na kumaj ta usuk' su'anik kel lo rija' y kak'iyik.

China k'u ri k'o utanib'al che utayik, ¡chuta k'u ri'!» xcha'.