Adnodau Beiblaidd Poblogaidd o Marcos 13

Rhanna

Lik k'ut tzel kixil kuma taq ri winaq ruma ikojom ri nub'i'. Pero china k'u ri kuchuq'ub'ej rib' chwach taq wa' wa k'axk'ob'ik k'a chupa ri k'isb'al re, e ri' ri kakolob'etajik.

»Chiwila k'u ri', mawar iwach y lik chi'ana orar, ma na iweta'am taj jampala' kopon ruq'ijol wa'.

Yey echiri' kixk'am b'i re kixe'yo'q pa taq q'atb'al tzij, mub'isoj ik'u'x y mich'ob' nenare' sa' ri kib'i'ij. Ri'ix xew chib'i'ij janipa ri kuya ri Dios chiwe chupa ri ora, ma na ix ta ri kixch'awik, e ri Santowilaj Ruxlab'ixel ri Dios.

Ruwa kaj y ruwachulew xa kasach uwach, no'j taq ri nuch'a'tem na kasach ta uwach.

»Ek'u chwi ruq'ijol y ru'orayil wa', na jinta junoq eta'mayom re; na keta'am tane ri ángeles e k'o chila' chikaj, na reta'am tane ri K'ajolaxel, ma xew ri Qaqaw Dios eta'mayom re.

»Ek'uchiri' kito k'o ch'a'oj jewa' y k'o ch'a'oj jela', mixi'ij iwib' che; ma lik chirajawaxik wi ku'ana taq wa'. No'j na e ta wa' ri k'isb'al re ruwachulew.

Jek'uri'la' ri'ix, lik mawar iwach, ma na iweta'am taj jampala' kak'un lo ri rajaw ja; laj echiri' kok raq'ab', laj pa tik'il aq'ab', laj pa nab'e uch'awib'al ri teren o echiri' kel lo ri q'ij. Mawar k'u iwach ri', cha' we xaqik'ate't xk'un lo ri Iwajaw, na kixuriq taj kixwarik. Ek'u wa kamb'i'ij ri'in chiwe ri'ix, kamb'i'ij chike konoje: Lik mawar iwach» xcha ri Jesús.

Ma e k'o tinamit keyaktaj chikij jujun chik tinamit y e k'o taqanelab' keyaktaj chikij jujun chik taqanelab'. Ku'an taq kab'raqan che uk'iyal luwar, kape taq numik y ri winaq kakijeqo lik ketukukik. Ronoje wa' xa e jeqeb'al re ri k'axk'ob'ik kak'unik.

Lik k'ut chirajawaxik nab'e na katzijox ri Utzilaj Tzij chike konoje ruk'iyal kiwach taq ri tikawex e k'o che ruwachulew.

Ma lik e k'i ri tikawex kek'unik y xa kakichiq'imaj uwach ri nub'i', jewa' kakib'i'ij: “In ri Cristo, Rucha'o'n lo ri Dios” kecha'. Y lik e k'i ri kesokotaj kuma rike.

»Lik chichajij k'u iwib', ma kixk'am b'i pa taq q'atb'al tzij y kajich' ne ipa chupa taq ri sinagogas. Y ruma k'u ikojom ri nub'i', kixk'am b'i chikiwach ri taqanelab' y chikiwach ri reyes, cha' jela' kiq'alajisaj ri Utzilaj Tzij chikiwach.

Ma kek'un ri kaki'an “Cristo” che kib' y ri kaki'an e q'alajisanelab' re ri Dios che kib', pero xa e sokoso'nel. Ek'u rike kaki'an nimaq taq k'utub'al y milagros re kesokoso'n ruk', yey k'o ne pa saq kesokotaj jujun chike ri eb'ucha'om ri Dios.

»Ek'uchiri' ik'owinaq chi ri k'axk'ob'ik che taq la' la' q'ij, ku'an q'equ'm uwach ri' ri q'ij, y ri ik' na kuya ta chi ruwonib'al. Ri ch'umil ketzaq lo che ruwa kaj, y konoje ri k'o kichuq'ab' che ruwa kaj keyikiyo'xik.