Adnodau Beiblaidd Poblogaidd o Lûu 7

Rhanna

Maa mɛni ma ŋá m̀ó yâ, ŋɔsɔnyɔ̂ŋ-ŋai nyii-ŋai damaâi, dísu-mɛni a lɛɛ mì. Kpɛ́ni fêi, e wɛli-kɛ-maa kɛ̂ a dámaa. Ǹúui guro-te su-mɛni e lɛ̀ɛ mìi, ǹyaa ƃe ŋɔwɛli-kɛ-maai guro-têi.” Nya ƃe e mò nɛnîi ma, ǹyɛɛi, “Ísɔnyɔ̂ŋ-ŋai su-mɛni a lɛ́ɛ.”

Kɛ́lɛ, e mò nɛnîi ma, ǹyɛɛi, “Ílaa-lai a íƃalo. Lí yɛ̂ lii-sêe su.”

Gɛɛ kɛ̀ tɔɔ ni gɔ́ɔ pôlu-pere, gɛ wɔlɔi, e pɛlɛ gɔ́ɔ ma yɔɔ̂i a ŋ̀ɛi-ya, gɛ dímaa kɔ̂ɔ a ŋ̀uŋ-leɣa. È ǹá-gbɔ sèe gɔ́ɔ ma, é ŋ̀úru-ya kúŋ nɛ̃ɛi pú gɔ́ɔ ma.

Maa-mɛni ƃe ḿve ŋ́gbîŋ kaa ni la a ǹúui a pɔ̂ri pâi ípɔi. Kɛ́lɛ, ŋ̀óoi ƃó, í nɛ̀ɛ naa ǹyée-mu-nuui é ƃálo. Kpɛ́ni fêi, ńyãa máŋ ŋ́gaa a ǹúui wála-wâla káa núu yêei mɛi. Ńyãa máŋ kɔkuluƃa-ŋa díkɛ ƃò ńyee mu. Ŋà máŋ mò dɔnɔ ma, ‘Lí,’ a lî. Ŋà mò da kpɛni ma, ‘Pá,’ a pâ. Ŋà kɛ̀ ŋáluɛi mâ, ‘Mɛnii ŋi kɛ́,’ a gɛ̀.” Zîsɛ kɛ́ɛ a ŋ̀óo-ŋai ŋi mɛni, ǹá e kpàla ma. Nya ƃe e tìnaŋ, e mo gbɔŋ ma lɛ̀ɛ kɛ́ bôlui, ǹyɛɛi, “Ŋá m̀ó kâa, fé niî laa-la kɛ́ɛ ŋi kaa ni Eezuɛ-lɔii kpîŋ su.”

Aƃai ti su e núu támaa ƃàlo, e díkula díkɔlɔ-fela-ŋai da dísɛŋ-soli-maa-ŋai su, e nyînaŋ nyɔ́mɔɔ-ŋa kpɛ́ dípôlu, e ŋɛi-pu-ƃelai kɛ́ dí kwaa kaa. Nya ƃe e díwoo su tòo, ǹyɛɛi, “Ka lí, ka mɛni-ŋai ƃó Zɔ̂ŋ ma ka gáa ka mɛnii, ŋɛi-pu-ƃelai ŋɛi lá káa ƃôi, gɔɔ-pu-ƃelai díkɛ sia, gbôdo-ƃelai díkɛ ƃalo, ŋ̀oli-tîníŋ-ƃelai díkɛ mɛni mɛ̂ni, zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.