Adnodau Beiblaidd Poblogaidd o LUK 7

Rhanna

Tām̄ najə̄ ń toō tə́ ní ādə̄ m-ə́daī: Táŕ ń ni-táŕ ngá̰ý ní ɔjə kadə̄ maȳn̄ rɔ̄də́ dɔ majaĺ yān gə̄ kə́ ngá̰ý tə́ kɔ̄ɔ́. Banī deē ń maȳn̄ rɔ̄də́ dɔn tə́ i sḛ́ý beē ní, a tár i sḛ́ý beē. Loo ń noō tə́ Jeju əda dəyá̰ ní na: Maȳn̄ rɔ̄də́ dɔ majaĺ yāí gə̄ tə́ kɔ̄ɔ́.

Banī Jeju əda dəyá̰ ní na: Āw̄ kə kem sɔl̄ lɔmɔɔ́ na taā kem yāí ajiī.

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

I tām̄ ń noō tə́ n mə̄kɔ́ m-ɔ́dəń kaw̄ rɔ̄í tə́ aĺ ní. Banī ə́da najə̄ kógə̄ḿ ngóy anī, rɔ̄ nge kəla yāḿ a ngáā. Tɔdɔ̄ de kə́ dɔḿ mā tə́ i noó ō, mā m̄-ndi dɔ áskar gə̄ tə́ ō, adə̄ ré m-ə́da ni kógə̄ḿ kə aw̄ anī, a aw̄. Ré m-ə́da ni kə́ rang na kə reē anī, a reē. Ré m-ə́da nge kəla yāḿ na kə rāā yá̰á̰ ń toō anī, a rāā. Dan ń Jeju oō najə̄ gə̄ ń noō anī ɔr kumən kə ngol áskar gə̄ ní ngá̰ý ō, nelə̄n seneé ō. Adə̄ ni-tél tūr̄ tan əda kósə de gə̄ ń unən̄ gōn ní na: Ādə̄ m-ə́dásí, dan ngán Israel gə̄ tə́ gə̄gē ní, m-á̰a̰ taā kem kə́ ngá̰ý beē aĺ ɓáý.

Kum mbang ngeé ń noō tə́ ní Jeju rāā adə̄ rɔ̄ de kə́ mo̰y ngá̰ý ngáā ō, rāā adə̄ rɔ̄də́ kə́ nujə gə̄ tél majə gogə́ ō, taā de gə̄ jī ndíĺ kə́ majaĺ gə̄ tə́ əya̰də́ dɔɔ́ ō, rāā adə̄ ngé kum tɔ̄ɔ̄ gə̄ ngá̰ý tél a̰a̰n̄ loo gogə́ ō. Gō tə́ anī ni-tūr̄ əda de gə̄ ń Ja̰a̰ əladə́ ní na: Yá̰á̰ ń sḭḭ̄ á̰a̰ī ō, ōōī ō ní āw̄ ɔ́jiī Ja̰a̰ gotə: Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.