Adnodau Beiblaidd Poblogaidd o Luke 18

Rhanna

မိူဝ်းဢၼ်ၻီး ၸဝ်ႈယေႇသုလေႇမႂဵင်ပုင်ႇတႅၵ်ႈဢုပမႃႇလဝ်ပလႄးၵိူဝ်ႇဢႄးၿွၼ်းသွၼ်းဢႄးၼင်ႇႁိုဝ်ၵိူဝ်ႇတေၼမ်ၽွမ်းလူႇရႄ တေသူးတွင်းၿူဝ်ႇသေသေဢၼ်ၻီးႁိုဝ်ႉၻႃးသမ်း၊

ၸဝ်ႈၽြႃးသိုပ်းလဝ်ရႄၻႃး ၸိၵ်ႈၵူးယွတ်ႈမႂဵင်ရိူဝ်မႃၶုၼ်းၸီႇယၢင်ဢၼ်ၼမ်တြႃးဢၼ်ႁိုဝ်ႉၵျၢမ်ႇဢၼ်ၼီလူး။ ဢူဝ်ႉၻႃးတေႃးပေႉသမ်း ႁိုဝ်ႉၸဝ်ႈတေမူဝ်ႇပလၢၵ်းၵိူဝ်ႇရႄ ၸီႇယၢင်ဢႄးလီးလီးဢေႃႈ။ သင်းၻႃးၸိုၼ်ၻီးၵေႃႇ မိူဝ်းဢၼ်ၵူးဝၼ်းဢီႉတြူးဢၼ်ၻီး ဢၼ်ႁိုဝ်ႉၸဝ်ႈတေဢေႃး(လ်)ရိူင်ႇၻဵင်းယုမ်ယမ်တုပရီႇၵိူဝ်တေႉဢၼ်ၼီႁိုဝ်း၊ ၸဝ်ႈၽြႃးၻႃးၸိုၼ်ၼီဢေႃႈ။

ၸဝ်ႈယေႇသုမေ(လ်)လဝ်ၻႃး မဵဝ်းဢၼ်ဢီႉၼမ်တၢတ်ၼိူင်ၿွၼ်းဢၼ်ၻီး ၽြႃးပဵၼ်ၸဝ်ႈတၢတ်ၼိူင်ၿွၼ်းဢေႃႈ ၻႃးၸိုၼ်ၼီဢေႃႈ။

ၶုၼ်းဢၼ်ၻီး ယိူင်ၼမ်မူၵ်ႇဢမုဢၼ်ၻီးရႄ မူဝ်ႇၸိူဝ်ၼေႃႉတၢၼ်တၢၼ်ႁေယဝ်ႉ ထႃးပူတ်းၼေႁိုဝ်ႉဝူၼ်းၵျၢမ်ႇတုၽွမ်းၻႄႉရႄၻႃး သင်းၻႃးဢူဝ်ႉၼမ်တူဝ်းသူးဝမ်းၽြႃးပဵၼ်ၸဝ်ႈရႄ ၼမ်ၼပ်ႇၼမ်ၶၢၼ်းဢီႉၵိူၺ်ၵေႃႇ ၵိူၺ်းၻႃးယႃႇၵိူဝ်မၢႆးဢၼ်ၼီတြူးဢႄး တုၵ်ႉၶႃႉတေႃးဢူဝ်ႉႁိူင်းၿၢႆးရႄ ဢူဝ်ႉတေလေႇတြႃးဢၼ်ၵိူဝ်သင်းၸီႇယၢင် ဢႄးပလၢၵ်းႁိုဝ်ႉယဝ်ႉ။ ၿိူၵ်ႇၼမ်ဢၼ်းၸိုၼ်ၻီးႁိုဝ်ႉတေတြူးတိၵ်းတိၵ်းရႄ ဢႄးဢူဝ်ႉၵရိူၵ်ႇၽွမ်းၵိူၺ်းဢေႃႈ ၻႃးၸိုၼ်ၼီယဝ်ႉ ၻႃးၸိုၼ်ၼီဢေႃႈ။

ဢူဝ်ႉၻႃးမွၼ်မွၼ်တေႃးပေႉသမ်း ယႄႇသေၼမ်ၻႃး ဢီႉဢၼ်ၼမ်ၶၢမ်လေႇသႃႇသၼႃႇၽြႃးပဵၼ်ၸဝ်ႈ ၻေးၸိုၼ်ၵူးဝၼ်းဢီႉၵိူဝ်ၼီၶၢမ်လေႇၵိူဝ်ၼီ ဢီႉဢၼ်ၻီးၼမ်ၿွၼ်း ၵုတ်ႇတုပရီႇၽြႃးပဵၼ်ၸဝ်ႈ ၻႃးၸိုၼ်ၼီဢေႃႈ။

ၵိူၺ်းၻႃး ႁိုဝ်ႉရၢၵ်ႇလေႇၵိူဝ်ႇၵိူဝ်ၻီးတြူးဢတေႃးႁိုဝ်ႉရႄၻႃး ဢႄးၵူးဝၼ်းဢီႉၵိူဝ်ၻီးတြူးဢတေႃးဢူဝ်ႉဢႄး။ ပေႉယၵ်ႇႁၢမ်ၵိူဝ်ႇ။ ပရီႇၽြႃးပဵၼ်ၸဝ်ႈၼႄႇပရီႇတႃမဵဝ်းၵူးဝၼ်းဢီႉၸိုၼ်ၼီဢေႃႈ။

ၸဝ်ႈယေႇသုၵေႃႇလဝ်ၻႃး ဢႄးၸၵ်းငၢႆမီႇၿွၼ်းဢၼ်ထၢင်းရႄ။ ရိူင်ႇၻဵင်းယုမ်မီႇဢၼ်ၻီးၸီႇဢႄးမီႇရၵ်ႇၽွမ်းယဝ်ႉ ၻႃးၸိုၼ်ၼီဢေႃႈ။

ၸဝ်ႈယေႇသုမေ(လ်)ၻႃးတေႃးႁိုဝ်ႉရႄၻႃး ၸီႇၼႄႉမီႇၻႃးရၢၵ်ႇဢူဝ်ႉၻႃး ဢၼ်မျၢတ်ႈရၵ်ႇၻႃးၸိုၼ်ၼီသိူဝ်ၼႄး။ လိူဝ်းလၵ်ၽြႃးပဵၼ်ၸဝ်ႈပၼ်ယႄႇၼမ်မျၢတ်ႈရၵ်ႇႁွၵ်းႁွၵ်း။