Adnodau Beiblaidd Poblogaidd o Luke 11

Rhanna

မိူဝ်းၻီးၸဝ်ႈယေႇသုဝႃပလႄးၽီးရၢႆဢၼ်ဢႃႉဢၼ်ၻီး လႄလၼ်တုဢီႉႁွၵ်းရႄ ႁိုဝ်ႉမေ(လ်)ဢုပ်းၿွၼ်းမိူဝ်ရႄ ဢီႉၵိူၺ်ၵေႃႇသင်းၿၢႆး

ၵွပ်ပိူဝ်ၸိုၼ်ၼီ ဢူဝ်ႉၻႃးတေႃးပေႉသမ်းမၢႆးရႄပေႉတေၿွၼ်း၊ ၶႃႉရႄပေႉတေဢေႃး(လ်)၊ တွၵ်းတွၵ်းရႄၵိူဝ်ႇ(ရ်)ဝႃႇတေလွၵ်ႇဢႄးဢေႃႈ။

လွင်ႁိုဝ်ႉသမ်း ဢီႉဢၼ်မၢႆးဢၼ်ၼီၿွၼ်းဢေႃႈ၊ ဢီႉဢၼ်ၶႃႉၵေႃႇ တေဢေႃး(လ်)ဢေႃႈ၊ တေႃးဢီႉဢၼ်တွၵ်းတွၵ်းၵိူဝ်ႇ(ရ်)ဝႃႇၼေၵေႃႇတေလွၵ်ႇဢႄးဢေႃႈ။

ၸဝ်ႈယေႇသုၵေႃႇလဝ်တေႃးၵိူဝ်ႇရႄၻႃး မိူဝ်းပေႉသူးတွင်းဢၼ်ၻီးၸိုၼ်ၼီရႄ ပႃးၽြႃးဢေႉၶႃႈ ဢႄးမူႇ(သျ်)တႃႉဢေႉမၢင်ဢၼ်ရူဝ်သေသေၵမ်း၊ ဢႄးသႃႇသၼႃႇတႃႉဢေႉတႄပဵၼ်းသေၵမ်း၊

ၸိုၼ်ဢေႉပလွႆးလွတ်ႈရိူင်ႇၻဵင်းၵွႆဢီႉၵလေႃႉဢီႉဢၼ်ပလိူင်ၵွႆတေႃဢေႉၼေၶႅၼ်းတေႃပလွႆးလွတ်ႈဢႄးရိူင်ႇၻဵင်းၵွႆဢေႉသေၵမ်း၊ ယၵ်ႇဢႄးဢေႉၿွၼ်းလၼ်တွႆးမဵဝ်းဢၼ်ဢၢႆႉလၼ်တီႇယႃႇတီႇၵဝ်းဢၼ်ၻီးသေၵမ်း ၻႃးၸိုၼ်ၼီရႄသူးတွင်းၼႃႈ၊ ၻႃးၸိုၼ်ၼီဢေႃႈ။

ၶႅၼ်းတေႃဢႄးသမ်သူးဝမ်းဢႄးၵုမ်းသူးဝမ်းလၼ်သိူဝ်ငိလႂ်သိူဝ်ငိၼၼ်းသေၵမ်း၊

ၸၵ်းငၢႆပေႉၼေၼႄႇၸိုၼ်ငွႆးငႂ်(လ်)တႃတူဝ်းၵၼ်ထႃႈပေႉဢေႃႈ။ ၵိူၺ်းၻႃး ၿိူၵ်ႇၸၵ်းငၢႆပေႉၼမ်ရၵ်ႇတႄတေၿိမ်းတင်တူဝ်းဢေႃႈ။

ဢီႉဢေႉဢၼ်ၻီး ၼႄႇယႄႇသေၼမ်ၻႃး ၵလဵဝ်းငႂ်(လ်)ငွႆးႁေ ၼမ်လေႇဢုၼ်းမူၵ်ႇၼမ်လေႇပဵတ်ႇတရုပ်းမူၵ်ႇတႃဢႄးဢီႉ ဢၼ်ၵုတ်ႇတြူးၿွၼ်းဢၼ်ထၢင်းၼေ ၸၢင်လေႇတၢင်းမူၵ်ႇၵႆၶရဵင်းတီႇၵလဵဝ်းငႂ်(လ်)ၼေဢေႃႈ။