Adnodau Beiblaidd Poblogaidd o Luke 18

Rhanna

အယ်းနွေ့ာဂ်မောင် ကွိုယ်တော်ယေရှုခေါ့ ဆပယ့်တိုတွို့ကွို စော်အခေါ်မောင့် စိပျဂ်အောရို့ဆိုးခှန်းမဆိပယ်း အမှားမပျဂ် ယုန်ယုန်ကျည်ကျည်နောင့် ဆုတွောင်းဆန့်ကျွောင်း ပုန်ဥဖမော်တခုနောင့် ဟိုးကျောလေရယ်။

ဟော်လွိုမျွိုး ရွိုးဆောဖွှောင့်မတ်ခှန်းမဆိရယ့် တရောဆူကျွီးတအွောင် ဆူ့ကွိုအကျိင်ကျိင်အခေါ်အခေါ် တွောင်းဆွိုနေရယ့်လူကွို တရောမျော့တော့မုဆိအွောင် လုတ်ဆွောင်ပေးခယ့်ယန် ဖရောဆန်ဟော် ဆူ့နောင်းကွို အဆဂ်မပှဂ် ဆုတွောင်းနေကျော့ရယ့်လူတွို့ကွို တရောမျော့တော့မုယော့ဆိဖွို့အတွ အခှိင်ဆွားနေလောဂ်မယ်လွို့ နန်တွို့ထန်နေကျော့သလော။ နန်တွို့ကွို ငေါ်ဟိုးခှန်တော်ခေါ့ ဖရောဆန်ဟော် ဆူ့ယယ့်လူမျွိုးအတွ မင်ကန်ရယ့်အမုကွို အခှိင်မဆွားပယ်း လုတ်ဆွောင်ပေးမယ့်ဆွိုရယ့်ဟော်မောင် အမင်တကာဖှဂ်ကျွောင်း ငေါ် အဆေအချော်ဟိုးနောင်ရယ်။ ဟော်ပေမယ့် ငေါ်လူဆောတိုပှန်ကျို့ လော်ခှိင်မောင် ဟော်လိုးကော့မောင် ဆူ့ကွိုယုန်ကျည်ခှန်းဆိရယ့်လူတွို့ ကွိုတွိယော့ပေါ်မလော” လွို့ မိင့်တိုမူရယ်။

အယ်းအခေါ် ကွိုယ်တော်ခေါ့ “လူတွို့မလုတ်နောင်ရယ့်အယော်တွို့ကွို ဖရောဆန်ဟော် လုတ်နောင်တိုမူရယ်” လွို့မိင့်တိုမူလေရယ်။

အခှိင်အတန်ကျော်ရယ့်အထိ တရောဆူကျွီးဟော် ဆူ့ယယ့်တွောင်းဆွိုချဂ်ကွို အရယ်းမထောပယ်းနေခယ့်လေရယ်။ ဟော်ပေမယ့် နွေ့ာဂ်ဆုန်းမောင် တရောဆူကျွီးခေါ့ ငေါ်ဟော် ဖရောဆန်ကွိုလယ်းမကျွောဂ်၊ စူကွိုမောင့်လယ်း မလေးစောရယ့်ဟော်မောင် အမင်ပယ်းဖှဂ်ရယ်။ ဟော်မွိဆွိုးမော့ဟော် ငေါ့ကွို အမှားမပျဂ် စိဒုက်ခေါ့ပေးရယ့်အတွကျွောင့် မွိဆွိုးမော့ကွိုတရောမျော့တော့အွောင် စီယန်ဖွို့အကူအညီပေးယော့မောင်ဖှဂ်ရယ်။ အယ်းလွိုမဟွိယန် ဆူဟော် ငေါ့နောင်းကွို အကျိင်ကျိင်လော်ပွီး တွောင်းဆွိုနေအုန်းမောင်ဖှဂ်ပွီး ငေါ့ကွိုစိဒုက်ခေါ့ပေးနေအုန်းမောင်ဖှဂ်ရယ်လွို့ တွယ်းနေခယ့်ရယ်” လွို့ တွယ်းနေခယ့်ရယ်။

နန်တွို့ကွို ငေါ်အမင်ဟိုးယော့ယန် စူမဆွို ဖရောဆန်ယယ့်ဆော်ဆနော်တိုကွို ဟော်လူပယ့်ငါရယ်လွိုမျွိုး နှိခှော့စွာနောင့် လဂ်ခေါင်ခှန်းမဆိကျော့ယန် အယ်းလူတွို့ဟော် ဖရောဆန်ယယ့်ဆော်ဆနော်တိုထားကွို ဝမ်ယွောဂ်နောင်ခှန်းမဆိမောင် အဆေအချော်ပယ်းဖှဂ်ရယ်” လွို့ မိင့်တိုမူခယ့်လေရယ်။

ဟော်ပေမယ့် ကွိုယ်တော်ယေရှုဟော် လူပယ့်ငါမျောကွိုခိုယူပွီးနွောဂ် ဆပည့်တိုတွို့ကွို “လူပယ့်ငါရယ် ငေါ့နောင်းကွိုလော်ယွောဂ်ကျော့ခှန်းကွို တောမှဂ်ခှန်း မပှုကျော့နောင့်။ အကျွောင်းမောင်ကော ဖရောဆန်ယယ့်ဆော်ဆနော်တိုဟော် ဟော်လူပယ့်ငါရယ်လွိုမျွိုး လူရယ်အတွပယ်းဖှဂ်ရယ်။

အယ်းအခေါ် ကွိုယ်တော်ယေရှုခေါ့ “နန်ယော် အခုမျဂ်စိပှန်မျိုယော့ပွီဖှဂ်ရယ်။ နန်ဟော် ငေါ့ကွိုယုန်ကျည်ရယ့်အတွ နန့်ယယ့်မျဂ်စိကွိုပှန်မျိုစေခယ့်ပီဖှဂ်ရယ်” လွို့ မိင့်တိုမူရယ်။

ကွိုယ်တော်ယေရှုခေါ့ ဆူ့ကွို “စော်အတွကျွောင့် ငေါ်ဟော် ကွောင်းမှဂ်ရယ်လွို့ နန်ဟိုးယော့သလော။ ဖရောဆန်တပေါခေါ့ လွားပွီး စူမောင့် ကွောင်းမှတ်ခှန်း မဆိပေါ်။