Adnodau Beiblaidd Poblogaidd o Ubwandilo 1

Rhanna

U Chala akati, “Zagha tumupange umuntu muchifwani chitu, umwakuti ayane bulo naswe. Umuntu yunuyu akwiza pakulaghila iswi izya munyanja ni viyuni ni vitekwa vyosi ni vinyamana ivya munkolongo sona ni vinyamana ivyakwavula.” Po u Chala akamupela umuntu muchifwani chache naloli akabapela muchifwani chache. Akapela umwanavuli nu mukolo.

U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”

Ukwandila ko kubwandilo u Chala akapela kumwanya ni chisu ichapasi.

Ichisu ichapasi chitakaba na kabonekele akenecho, sona chitakaba na kantu nakamokamo. Ichisi chikaba panyanja inkulu, sona u Muzimu uwa Chala akabulukabulukagha pamwanya pamizi ghalaghala.

Po u Chala akati, “Ulukozyo lubeko.” Po naloli ulukozyo lukabako.

U Chala akavyennya vyosi vivyo akapela ukuti vikaba vyiza bulo. Ubusiku bukamala, po indabindabi yikafika. Ili likaba lisiku lyasikisi.

U Chala akennya ukuti ulukozyo lula lukaba lwiza. Po akalulesannya ulukozyo lula ni chisi.

Po u Chala akati, “Ennya, nkubapa ivibyalwa vyosi ivyakulekanalekana na makwi ghagho ghakwela ivikomwa ukuti mulyanje.

Po akalwita ulukozyo lula ukuti, “Umusanya” po ichisi akachita ukuti, “Ubusiku.” Ubusiku bukamala, po indabindabi yikafika. Ili likaba lisiku ilyakwanda.

Panapo na panapo u Chala akati, “Pabepo ichakulesannya amizi, kokuti amizi ghabanje pabuzilo bubili ubwakulekana.” Po naloli ichi chikabombiwa.

Loli ivinyamana vyosi ivya muzi, ni viyuni, sona ni vinyamana vyosi ivyakwavula, navipa isote ukuti vilyanje.” Po naloli ichi chikabombiwa.

U Chala akati, “Kumwanya kubanjeko inkozyo izyakulekanalekana ukuti zilesannyanje umusanya nu busiku nukulanjizya akabalilo na masiku sona na maka.

Po u Chala akati, “Ichisu ichapasi chimezyanje ivibyalwa vyosi ivyakulekanalekana, vivyo vikwela ivikomwa ivya seke zizyo zili nu bwezya ubwakulekanalekana.” Po naloli ichi chikabombiwa.

U Chala akapela ichakulesannya chila nukugabannya amizi, ghamo pasi pa chakulesannya chila aghanji pamwanya.

Ichisu ichapasi chikamezya ivibyalwa vyosi ivyakulekanalekana, po u Chala akennya ukuti ichi chikaba chiza bulo.

U Chala akapela inkozyo inkulu nkani zibili: Akapela izuba ukuti lilamaye pamusanya, sona nu mwezi ukuti ghulamaye pabusiku. Akapela sona intondwa.

Po u Chala akati, “Amizi ghagho ghali pasi ghabungane pabuzilo boka, umwakuti ichisu ichumizu chibonekaye.” Po naloli ichi chikabombiwa. U Chala akachita ichisu ichumizu chila ukuti, “Ichisu ichapasi.” Po amizi ghagho ghakabungana pabuzilo boka akaghita ukuti, “Nyanja.” U Chala akennya ukuti ichi chikaba chiza bulo.

U Chala akavisaya vyosi pakunena ukuti, “Munyamane nukwizula mumizi agha munyanja inkulu, sona vyope iviyuni vinyamane muchisu ichapasi.”

U Chala akanena sona akati, “Chileke ichisu ichapasi ukuti chibe ni vinyamana vyosi, ivitekwa ni vinyamana ivyakwavula ni vinyamana ivya muzi, ivikulu ni vinandi.” Po naloli ichi chikabombiwa.

Po u Chala akati, “Leka munyanja mwizule ni vintu vyosi ivya bumi, sona ni viyuni vibulukaye mumwanya.”

U Chala akavipela ivinyamana vyosi ivya muzi ivyakulekanalekana, ni vitekwa ivyakulekanalekana sona ni vinyamana vyosi ivyaluko nuluko ivyakwavula. Po u Chala akennya ukuti ichi chikaba chiza bulo.