Adnodau Beiblaidd Poblogaidd o लूका 11

Rhanna

इलै जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त जु लोग स्वर्ग मा रौण वळा पिता बटि मंगदा छिन ऊंतैं वु पवित्र आत्मा किलै नि द्‍यालु।”

अर मि तुमतै बतै देन्दु, “मांगा, त तुमतै दिये जालु, खुजैल्या त तुम पैल्या, खखटैल्या त तुम खुणि खुलै जालु।

किलैकि जु कुई मंगदु च वेतैं मिलदु च, अर जु खुज्यान्दु च उ पौन्दु च, अर जु खखटान्दु च वे खुणि खुलै जान्दु।

तब वेन ऊंकू बोलि, “जब तुम प्रार्थना करिल्या त इन बुलयां कि, “‘हे हमरा पिता, तुमरो नौ पवित्र मणै जौ, तुमरो राज अऽ।

अर हमरा पापों तैं माफ कैरा, जन हम ऊंतैं माफ करद्‍यां, जु की हमरा खिलाप मा पाप करदिन, अर शैतान की बातों का द्‍वारा हम भकलै नि जा।’”

अर हमरि रोज की रुट्‍टी हमतै रोज द्‍या।

अर तुमरा आंखा तुमरा सरील खुणि एक द्‍यू का जन काम करदिन, इलै अगर जु तुमरा आंखा शुद्ध राला त तुमरा पूरा सरील मा उज्याळु होलु, पर अगर जु तुमरा आंखा अशुद्ध राला त तुमरा पूरा सरील मा भि अन्धेरु रालु।

तब यीशु न ऊंतैं उदारण देके बोलि, “कुई मनखि द्‍यू बाळि के छिपै के नि रखदु, अर ना ही वेतैं कै कटोरा का तौळ ढकै के रखदु, बल्किन मा एक ऊँची जगा पर रखदु, ताकि भितर औण वळा लोगु तैं उज्याळु मिलु।