Adnodau Beiblaidd Poblogaidd o लुका 22

Rhanna

येसुइ तोसास्‍यावा, “अ आपा, यदि नाङको इच्‍छ्‍या स्‍याउना त खेया, ङाकाय इ दुखको कचउरासय दल्‍ताक्‍सास्‍याउपाना। तर ङाको इच्‍छ्‍या खेल, नाङको इच्‍छ्‍याखे पुत्‍तो स्‍याउपाना।”

तर सिमोन, नाङको बिस्‍वास कमजोर स्‍याउलाम त दाह्‍य्‌ति, ङाइ नाङको लागि प्राथना जाह्‍ङो मुना। अनि जब नाङ पस्‍ताप जाह्‍ङ्‌ति ङाकहाङ द्‍याह्‍न्‌ति वाङ्‍तेना, इ नाङको पुःचोङलमकायमा इमयको बिस्‍वासहाङ बल्‍यो स्‍याउसा सहयोग जाह्‍ङु।”

ओहाङसयको येसुइ लाङ रोःत्‌सास्‍यावा र परमेस्‍वरकाय धन्‍नेबाद बइति फह्‍न्‌सास्‍यावा र चेलालमकाय बइधय तोसास्‍यावा, “ङाइ निङकाय बयो इ लाङइखे ङाको ज्‍यानकाय जनाउनउ, र इ ज्‍यानखे निङको लागि बयो मुनाङ। ङाको सम्‍झनाहाङ निङइ एतहाइतिले जेःधय जाह्‍ङ्‍नु।”

ओउतहाइति जेःगा जेःतिभ्‍‍‍याआक्‍तिको येसुइ अर्‌को धाकसायको रसको कचउरा च्‍युन्‍‍‍सास्‍यावा अनि तोसास्‍यावा, “इ कचउराहाङ मुओ धाकसायको रसइखे ङाको वुइ दुवारा परमेस्‍वर र परमेस्‍वरको मान्‍तालमको माझहाङ गमो नया बाचाकाय जनाउनउ।

र ल्‍हुङतुकहाङ आन दुखि स्‍यावोझ्‍यान्‍ते येसुइ झन् गम्‍भिर स्‍याउति अझ नाःतो प्राथना जाह्‍ङ्‍सास्‍यावा। र येसुको ल्‍हप्‍रतिखे वुइको त्‍योपोक लेखा भुयारहाङ त्‍योपोक्‍धयमुओ खेतो।

तर निङखे ओउत स्‍याउजेलाम। निङमध्‍ये सुखे ताह्‍ङो खेतेनय ओउखे मइतो स्‍याउलेपा, र अगुवाखे नोकर लेखा स्‍याउसा परलेना।

तर येसुइ तोसास्‍यावा, “पत्रुस, ङाइ नाङकाय तोनेनाङ, स्‍याह्‍ङ बिहान भाल्‍या वाः गोःसासय ङ्‍हा, नाङइ ङाकाय तह्‍य्‌ङल त दाह्‍य्‌ति सुमखेप ते इन्‍कार जाह्ङ्‍तेनाचि।”