Adnodau Beiblaidd Poblogaidd o लुका 12

Rhanna

ओउतले निङमा चङ्‍ख स्‍याउति मुन, धइतिदाह्‍य्‌सा निङइ चिताउमालो बेलाहाङले ङा मान्‍ताको चोः वाङ्‍लेनाङ।”

एतताह्‍ङो कुरालमकाय लिह्‌ति मुमात, ङ्‍हा परमेस्‍वरकाय लयको राजा जाह्‍ङ्‍नु अनि परमेस्‍वरइ इ जुदा थोकलम निङकाय बइसास्‍याउलेना।

अनि येसुइ ओहाङ हुमो मान्‍तालमकाय तोसास्‍यावा, “निङ होसियार स्‍याउन, र जुदा खालको लोभसय दल्‍ति मुन, धइतिदाह्‍य्‌सा धन-सम्‍पति गच्‍युकले नाःतो मुयाकायमा ओउइ मान्‍ताकाय सत्‍य रुवाङखे बयुलु।”

धइतिदाह्‍य्‌सा गाहाङ निङको धन मुना, ओहाङले निङको मनमा स्‍याउना।”

निङमध्‍ये सुखेइ लिह्‌ति, मइतो खेयामा लयको आयु नाःताक्‍सा खाइतेनानि र?

ओहाङसयको येसुइ लयको चेलालमकाय तोसास्‍यावा, “ओउतझ्‍यान्‍ते ङाइ निङकाय तोनेनाङ्‍स, स्‍याक्‍साको लागि दोह जेःचाङ र लयको ज्‍यानको लागि दोह लावचाङ त दाह्‍य्‌ति लिह्‍लाम।

झन् निङकोपाय परमेस्‍वरइ या-यातज्‍यो म्‍याङ समेत थेङसास्‍यावो मुना। ओउतझ्‍यान्‍ते रइलाम, नाःतो भङगेरालमसयपाय निङ अझ नाःतो मोलको खेतेनय।

ङाको चेलालमको मयो हुललम, निङ रइलाम! धइतिदाह्‍य्‌सा निङको परमेस्‍वर आपा निङकाय लयको राज्‍यको मान्‍ता जाह्‍ङ्‍सा झाक्‍सास्‍यावो मुना।

कावाःलमकाय योनु! ओउमयइ न खेति जाह्‍ङ्‍नानि, न बालि राःनानि, ओउमयकुसपाय अन्‍न त्‍युह्‍म्‌साकाय धुङ अथबा भकारिमा नाःल। खेयाकायमा परमेस्‍वरइ ओउमयकाय जेःगा बइसास्‍याउना। निङपाय ओउ बन वाःलमसय आन नाःतो मोलको खेतेनय।

ओउतझ्‍यान्‍ते निङ दोह जेःसा अनि दोह तुङ्‍सा त दाह्‍यो बारेहाङ लिह्‍लाम।

यदि एतहाइति तेन मुओ अनि स्‍याह्‍ङ झ्‍योम्‍ति तय्‍क्‌ति वायो बनकायमा परमेस्‍वरइ आन पेतो जाह्‍ङ्‍नउ त खेया, दोह झन् परमेस्‍वरइ निङकाय लावओ नाय बइतेइलि र? गाउ निङको बिस्‍वास?

धइतिदाह्‍य्‌सा दोह थोक बोःम्‌तिगमो मुना ओउ फोल्‍लेना र नुस्‍तिगमो जुदा कुरा चिःतो स्‍याउलेना।