Adnodau Beiblaidd Poblogaidd o लूका 17

Rhanna

थेमे थेकी थे मिला “लो लाला था खोले खोले ग्‍युक। ङे खोल्‍ला ठाक्‍पा खिता थुप्‍क्‍यो सिन खुई ङाला विश्‍वास खाबेकी खो ठाक्‍पाते ईन,” सिन सासुङ।

थेकी ङीमाला पालो दुईन गल्‍ती खाईन पालो दुईनराङ ‘ङे गल्‍ती खाबाप, स्‍येदाङ माकेत,’ सिन सासीन ख्‍योकोनगी थेला माफ बिन। ‘था माफ मेतेरो,’ सिन नोमुङ मासेर,” सिन सिदुक।

थे खोरोङ थोक खाईन ठाक्‍पा थोङगीन थेबे नाङ मेराज्‍यीकचेन परमेश्‍वरगी थे खोरोङला चुक लेमु खाईन ठाक्‍पा खासुङा सिन कस्‍स्‍ये खाला परमेश्‍वरते जय जय खिन येशू ओत्‍सापाराङ ग्‍युरगीन लेप्‍सुङ। थेमे धन्‍यवाद सिनकामा येशू काम्‍बाला से खासुङ। थे मिचेन सामरी ओतान।

थोगी ख्‍योकोनगीचेन जुन काम खित्‍जीनोङ लेमु मेलेबा चुक ओङच्‍या दुका विचार खालाकामा खि। थेमे खेराङ आज्‍यो न्‍वाकी खइँदा मेलेबा काम खासीन थोक खाबाते लेमु मेन सिन थेला सम्‍झे खाला बिन। थेकी थे खोरोङ गल्‍ती सम्‍झे खाईन ‘ङे गल्‍ती खाबाप, स्‍येदाङ माकेत,’ सिन सासीन थेला माफ बिन।

थेमे येशूकी थे खोरोङताङ ङ्योम्‍बु ओताते मिओनला “ङे मेरा च्‍युताम्‍बे जे ठाक्‍पा खाबा ओतान। मेरा गु खापा गाल्‍ताका?

थोक सिरजीन थेकी “ख्‍योकोनगी परमेश्‍वरला खित्‍च्‍येते विश्‍वास ताप्‍कीन केनामेकी दोङबो छेतराङ डोच्‍येते तोरी गेडा च्‍योकस्‍यिककामा ओत्‍सीनोङ उदि सोलास्‍यिङ दोङबोला ‘चाप्रेनताङराङ खोर लोक्‍ला समुन्‍द्रमा गाल्‍ला चाप्रेन क्‍याङला देत,’ सिन सासीन थोकराङ ओङगो।

तिरी बो माताबा खाला सुइँदेकी दाक्‍पोन ज्‍यानगी माया खिदुक सासीन थेकी नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला ङे लाईदु दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

थेमे येशूकी चेलातेबाला “मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो। ङाला विश्‍वास खित्‍कान्‍तेबे नाङ दिङ सु ईन्‍देरो सिराच्‍योक खाईन ज्‍येनगी हेपे खाबाते मिज्‍यीकलाकामा ङे छ्य्‌वापेई टाल्‍सुङ सासीन थोक खित्‍कान्‍तेकी आउदी ज्‍यीबा लाङच्‍या मेलेबा काम खाबाते ईन। सुइँदाला ङे छ्य्‌वापेई डेला भन्‍दा गोमाराङ थोक खित्‍कान्‍ते मिलानी सुइँदेकी ज्‍यीङबामा लाकोर दो काल्‍गीन नुप्‍ला स्‍यिरस्‍यीत सिन समुन्‍द्रे नाङमा युकीन क्‍युरा ईन्‍सीन लेमु ओङच्‍या ओतान।

थेमे था तिरी परमेश्‍वर ओत्‍सादुई वाबाते मि ङा देमा ग्‍युरला ओङे बेलाला काल्‍बा च्‍योक मि नूहे पालो मि च्‍योकराङ खिन देता ओङगो। नूह थे खोरोङगी जोबाते पानीजहाज नाङ स्‍यूक्‍पे छोमुसाकराङ थे पालो मिचेन गाङेराङ तिरी चुक ओङगीता सिन छ्याःङ वास्‍ता मिक्‍किता खाईन सधैँ च्‍योकराङ सेइन थुङगीन थेमे फाङमा खिन देता ओतान। नूहताङ थे खाम्‍बे मिओन पानीजहाज नाङ स्‍यूनामेई छ्यार्बा ग्‍याप्‍कीन भल ग्‍याकीन मि गाङे नुप्‍कीन स्‍या ओतान।