Adnodau Beiblaidd Poblogaidd o Matthew 5

Rhanna

Ac ni oleuant lamp ac a'i gosodant dan y mesur‐lestr, ond ar y safbren, a hi a ddysgleiria ar bawb sydd yn y tŷ. Felly, dysgleiried eich goleuni gerbron dynion, fel y gwelont eich gweithredoedd da, ac y gogoneddont eich Tad, yr hwn sydd yn y Nefoedd.

Chwi yw goleuni y byd. Dinas a osodir ar fryn, nis gellir ei chuddio.

Gwyn eu byd y rhai pur o galon, canys hwy a welant Dduw.

Gwyn eu byd y rhai a newynant ac a sychedant am gyfiawnder, canys hwy a ddiwellir.

Eithr yr ydwyf fi yn dywedyd wrthych chwi, cerwch eich gelynion, a gweddiwch dros y rhai a'ch erlidiant

Gwyn eu byd y tlodion yn yr yspryd, canys eiddynt yw Teyrnas Nefoedd.

Gwyn eu byd y tangnefeddwyr, canys hwy a elwir yn feibion i Dduw.

Gwyn eu byd y rhai sydd yn galaru, canys hwy a ddyddenir.

Gwyn eu byd y rhai sydd wedi eu herlid o achos cyfiawnder, canys eiddynt yw Teyrnas Nefoedd.

Gwyn eu byd y trugarogion, canys hwy a gânt drugaredd.

Gwyn eich byd pan y'ch gwaradwyddant, ac y'ch erlidiant, ac y dywedant bob drwg yn eich herbyn (a hwy yn gelwyddog), o achos fy enw I. Llawenhewch a gorfoleddwch, canys eich gwobr sydd fawr yn y Nefoedd, canys felly yr erlidiasant y Proffwydi, y rhai fuont o'ch blaen chwi.

Gwyn eu byd y rhai addfwyn, canys hwy a etifeddant y ddaear.

Chwi yw halen y ddaear: eithr o diflasodd yr halen, â pha beth yr helltir ef? Nid yw mwyach o unrhyw werth, ond i'w fwrw allan a'i sathru gan ddynion.

Chwi a fyddwch, gan hyny, yn berffaith, fel y mae eich Tad Nefol yn berffaith.

Eithr bydded eich ymadrodd chwi, Ie, ïe; Nag ê, nag ê; a pha beth bynag sydd dros ben y rhai hyn, o'r drwg y mae.

Clywsoch y dywedwyd, “Llygad am lygad, dant am ddant.” Eithr yr ydwyf fi yn dywedyd wrthych chwi, Na wrthwynebwch yr hyn sydd ddrwg, ond pwy bynag a'th darawo ar dy rudd ddeheu, tro y llall iddo hefyd.

Ac os dy lygad deheu a bair i ti dramgwyddo, tyn ef allan, a thafl oddiwrthyt; canys buddiol i ti golli un o'th aelodau, ac na thafler dy holl gorff i Gehenna. Ac os dy law ddeheu a bair i ti dramgwyddo, tor hi ymaith, a thafl oddiwrthyt; canys buddiol i ti golli un o'th aelodau, ac nac eled dy holl gorff i Gehenna.