Adnodau Beiblaidd Poblogaidd o Matthew 26

Rhanna

Gwyliwch a gweddiwch, fel nad eloch i brofedigaeth. Yr yspryd yn wir sydd barod ond y cnawd sydd wan.

Yna y mae efe yn dywedyd wrthynt, Trist iawn yw fy enaid hyd angeu: aroswch yma a gwyliwch gyda mi.

Ac wedi iddo fyned ychydig yn mlaen, efe a syrthiodd ar ei wyneb, gan weddio a dywedyd, O fy Nhad, os yw yn bossibl, aed heibio oddiwrthyf y cwpan hwn: etto nid fel yr wyf fi yn ewyllysio, ond fel yr ydwyt ti.

Canys hwn yw fy ngwaed o'r Cyfammod, Yr hwn sydd yn cael ei dywallt dros lawer er maddeuant pechodau.

Ac fel yr oeddynt yn bwyta, yr Iesu a gymmerodd fara, ac a fendithiodd, ac a dorodd, ac a roddodd i'r Dysgyblion, ac a ddywedodd, Cymmerwch, bwytewch; hwn yw fy nghorff.

Ac wedi iddo gymmeryd cwpan a diolch, efe a'i rhoddodd iddynt, gan ddywedyd, Yfwch bawb o hwn

Ac y mae efe yn dyfod at ei Ddysgyblion, ac yn eu cael yn cysgu, ac a ddywed wrth Petr, Beth! Oni ellwch chwi wylied un awr gyda mi?

Ac yr wyf yn dywedyd i chwi, nad yfaf o gwbl o hyn allan o gynnyrch hwn y winwydden hyd y dydd hwnw pan yfaf ef gyda chwi yn newydd yn Nheyrnas fy Nhad.

A chofiodd Petr y gair pan ddywedodd yr Iesu, Cyn cana ceiliog, ti a'm gwedi deirgwaith. Ac efe a aeth allan, ac a wylodd yn chwerw‐dost.

Codwch, awn; wele, neshaodd yr hwn sydd yn fy mradychu.

Yna y dywed yr Iesu wrtho, Dychwel dy gleddyf i'w le; canys pawb a'r a gymmerant gleddyf a ddyfethir â chleddyf.