Adnodau Beiblaidd Poblogaidd o 創世記 17

Rhanna

亞伯蘭 九十九歲的時，上主對伊顯現，給伊講：「我是全能的上帝，你佇我的面前行做著完全。

對今以後，你的名無閣叫做 亞伯蘭 ， 欲叫做 亞伯拉罕 ， 因為我欲互你做真多國的老父。

「我欲堅立我及你，以及你世世代代的子孫所立永遠的約，欲做你及你的後代的上帝。

「我及你立的約是按呢： 你欲做真多邦國的老父。

上帝講：「毋是按呢，你的某 莎拉 欲給你生一個子，你著給伊號名叫做 以撒 ；我欲堅立我及伊以及伊的子孫所立永遠的約。

我欲將你現在寄居的 迦南 全地，賞賜你及你的後代做永遠的產業；我嘛欲做𪜶的上帝。」

亞伯拉罕 仆佇土腳啲笑，心內想：「一百歲的人豈會生子？ 莎拉 已經九十歲，哪猶會生？」

上帝閣對 亞伯拉罕 講：「你毋通閣叫你的某做 莎萊 ，著叫伊做 莎拉 。

恁著割恁的包皮；這欲做我及恁立約的記號。

到明年此個時， 莎拉 會給你生 以撒 ；我欲及伊立約。」

恁逐世代的查甫嬰，無論家己生的，抑是對外族人買來的，出世第八日，攏著受割禮。 你家內生的及用銀買的，攏一定著受割禮；按呢我及恁所立永遠的約就佇恁的身上做記號。