Adnodau Beiblaidd Poblogaidd o MATEO 19

Rhanna

Axti Jesús asaratitɨ ɨmoma auki aiñumuti nuraxɨma: –Ɨmo mañoñɨnka axɨna sane chisamutempɨma, tapɨ ɨmoti Tupax nanaiña uxiante.

Sane naukiche chɨtoxɨpɨmainki, ta kunauntañati kaɨma nakaxɨma. Saneityo naukiche axti ñoñɨnx tapɨ iñatati peese axɨna uiti Tupax sɨroma chepe nakaxɨma.

Aiñumuti Jesús nuraxɨma: –¿Chamastaipɨ Nikorox naki uiche aisamunuti año aukiapae tɨkañe, ‘axti ñoñɨnx ichepe paɨx uxiantema uiti’? Sane nanti: ‘Sane naukiche naki ñoñɨnx onkonoti yaɨtoti uiti ichepe nipiakɨtoti nauki asaratitɨ tyaku nikɨpostoti, axɨmanuma toxɨma kaɨma takanati naki taman nakaxɨma.’

Auki nanti Jesús: –Asioma sane tari yebamatɨ masiomanka tauna yesañɨ, tapɨ chichebopɨ aboi, ityopiki nɨriakax au napes tyone ɨmo axɨbama takana nakaxɨma.

Sɨrɨmanama axɨbama kaɨma kusɨrɨboma, tyonema ñana axɨbama sɨsioma tyakɨru. Sɨrɨmanamaintyo axɨbama kaɨma aboma au nityakɨrux, tyonema ñana axɨbama kusɨrɨboma.

Namanaiña axɨbama ichopikiñɨ iñokotama nipoxɨma, yarukityoxɨma, nikiasixhimia, yaɨtoxɨma, nipiakɨtoxɨma, aɨtoxɨma, niyoxɨma, yasutiuma ñana cien yopɨrɨkɨ, yasutiumaintyo nisɨborikixhimia champɨ nityakɨrux.

Aiñumuti Jesús nuraxti: –Axtɨ axianka uxia nasɨboriki, akosi, aipiabentekasio nenaxi nikuax aityoximia ɨmo axɨbama taruku nityakisɨrɨkɨxɨma. Sane ane nenaxi au napes. Auki kaɨma ariaku isiuñɨ.

Aiñumuti Jesús nuraxti: –¿Kausane ankirio xhopɨnanakiñɨ yokɨtɨpɨ axɨba omixhia? Kunauntañantai axɨna uxia. Axtɨ axianka aye obi au napes, aikokosio axɨmanio bakɨpukux.

Sukanañɨ tatityo aume sɨnanaunx taman camello auki nisɨto kɨmes, pɨnanakiti naki taruku nenaxixhti aye uiti esati Tupax.

Sukanañɨ aume axti naki iñokotati nikɨpostoti, axtɨ chɨposotipɨ aɨbu, axtɨ posoti tato aɨbu kiatax, ane nipɨnatenti.

Auki nanti Jesús ɨmo axɨbama nesaxti apóstoles: –Ñemanauntu sukanañɨ aume naki ane nenaxixhti takisɨrɨti nauki aye uiti nɨriakax au napes.