Adnodau Beiblaidd Poblogaidd o YOHAN 3

Rhanna

Pe"mung:ga"re Mao"So wa- mug:myid byu qere gyai jhid'de; mung:- yao: zo: re lam" ra" mo, yaug khao: ngo" wa mashid lo:- apyad ato: kao so' qo" yu genae" qhid' mae" yao" zote: zo: re byid' pye' ra".

Pe"mung:ga"re mug:myid byu qere dao: kho' nae" qhid' mae" Mao:So wa yao: zo: re mug:myid dao khyo nhao: ke' ru mangad:- Mug:myid byu qere khyad' yu nae" qhid' mae" nhao: ke' ru ngad: ra".

Yesu wa nao re ngo dang za: ta" li"- Dam: khau: ra" yaug mangad: re wa khag' re: Mao"So: mung"dan: re maqo" myao genae"- ga: yao: re tau" ra".

Mao"So: Yao: Zo: re lam" ra" yaug khag' ngadqere: dao: kho' ru maqhug' ngad: ra". Ngad yang: re: malam" ra" yaug kam" wa Mao"So: zote: zo: re malam: ruyang dao: kho' ru qhug' ava".

Dao: kho' ra" khyo wa ceru: mung: ngad: ra"- Bo" bao wa mug:myid dao khyo joe" li" va" ngadqere:- byu qe wa yao: bam: makhyang" ra" mau" zo" jham: mathao: yang bo" bao re tho' mug:cad' re je: jhid'de; ako".

Yao: wa myo" laug: li" nae"- ngo kam" wa nang" lo" zai ngad:- ga: ta" ra".

Makhyang" ra" lo, mau" kad' ra" yaug khag' ngadqere: bo" bao re nghang" ra". Yao: yao" makhyang" ra" mau" zo" mamyao: thug' li" nhao nug: ruyang yao: wa bo" bao khyo mali" ngad: ra".

Mao"So: Yao: Zo: re lam: ra" yaug khag' ngadqere: apyad ato: kao so' qo" ra". Mao"So: Yao: Zo" mho dao re maphug' cao" ra" yaug khag' ngadqere: kao so' qo" nae" mangad:- yao: wa Mao"So: qobo dae byid' ra" khug mae na: jo; li" nae"- ga: ta" ra".

Yao: re lam: ra" mo, yaug khao: ngo" apyad ato: kao so' qo" yu nae" qhid' mae" Moshe wa din" pyad yo mae gyid: bo" lhao maui lho re zang au: mae to' to" ru we' dakhyo:- Byu: Yao: Zo: re: to' to" ru qhug' nae" ngad: ra".

Yao: Pho" wa yao: zo: re jhid'de; mung:- phung qam: so' alhab' yao" lo, mae byid' to" ra".